شي جينپيڭنىڭ شەشۋشى رولى جانە كەلەلى ۇلەسى

  • كەلۋ قاينارى: ىلە گازەتى
  • 03:33:31 14/03/2018

    لي جيە

    

    پارتيا 18–قۇرىلتايىنان بەرى باس شۋجي شي جينپيڭ ەلدەن ەرەك ساياسي اقىل–پاراساتىمەن، قايسار جىگەر، قاسيەتىمەن، كۇشتى تاريحي جاۋاپكەرشىلىگىمەن بۇكىل پارتيا مەن بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، جاڭا تاريحي ەرەكشەلىككە يە تالاي ۇلى كۇرەستەردى جۇرگىزىپ، پارتيا مەن مەملەكەت ىستەرىندە جاپپاي جاڭا جاعداي جاراتۋدى جەبەپ، تاريحي سيپاتتى وزگەرىس جاساپ، بۇكىل پارتيانىڭ، بۇكىل ارميانىڭ، بۇكىل ەلدەگى ٴار ۇلت حالقىنىڭ جوعارى باعاسى مەن شىنايى قۇرمەتىنە بولەنىپ، پارتيا ورتالىعىنىڭ، جۇيەدەن تۇتاس پارتيانىڭ ۇيتقىسىنا اينالدى. وسى ٴبىر ۇلى اماليات بارىسىندا باس شۋجي شي جينپيڭ ماركستىك ساياساتشى جانە نازارياشىعا ٴتان تەرەڭ ويلىلىعى، وتكىر كورەگەندىگى مەن ستراتەگيالىق ۇستامدىلىعى ارقىلى جاسامپازدىق مانگە يە ٴبىر قىدىرۋ جاڭا ۇستانىم، جاڭا يدەيا، جاڭا ستراتەگيالاردى ورتاعا قويىپ، جاڭا ٴداۋىر جۇڭگوشا سوتسياليزم يدەياسىنىڭ قالىپتاسۋىندا شەشۋشى رول اتقارىپ، كەلەلى ۇلەس قوستى.

    پارتيانى باسقارۋ، پارتيانى جونگە سالۋدىڭ تىڭ ٴورىسىن اشۋ بارىسىندا شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن قالىپتاستىردى.

    پارتيا 18–قۇرىلتايىنان بەرى باس شۋجي شي جينپيڭ جۇڭگو كوممۋنيستىك پارتياسىنىڭ باسشىلىعى _ جۇڭگوشا سوتسياليزمنىڭ ەڭ ماندىك ەرەكشەلىگىٴارى جۇڭگوشا سوتسياليستىك ٴتۇزىمنىڭ ەڭ ۇلكەن ابزالدىلىعى ەكەنىن، پارتيا _ ەڭ جوعارى ساياسي باسشىلىق كۇش ەكەنىن ايقىنداپ، پارتيانى پارتيا باسقارۋ، پارتيانى جاپپاي قاتاڭ باسقارۋدى ورتاعا قويىپ، ساياسي ٴتارتىپ پەن ساياسي قاعيدانى ماڭداي الدى ورىنعا قويىپ، ساياسي قۇرىلىستىڭ پارتيا قۇرىلىسىنداعى ماڭىزدى ورنىن كورنەكتىلەندىردى. شي جينپيڭنىڭ جاڭا ٴداۋىر جۇڭگوشا سوتسياليزم يدەياسىنىڭ جەتەكشىلىگىندە پارتيامىز يدەيادا، پارتيانى باسقارۋدا، تارتىپكە بويسىنۋدا، بيلىك جۇرگىزۋدە، ستيلدە، جەمقورلىققا قارسى تۇرۋدا قاتاڭ بولۋدان اۋىتقىماي، پارتيانى باسقارۋدا، پارتيانى جونگە سالۋدا كەڭ قولدى، بوس،ٴالسىز بولۋدان قاتاڭ، بەرىك، شۇعىل بولۋعا قاراي ويىسىپ، پارتيا مەن مەملەكەت ىشىندە ورىن تەپكەن اۋىر كومەسكى حاۋىپتەردى الاستادى. پارتيانىڭ جاسامپازدىق، ۇيتقىلىق، جاۋىنگەرلىك، باسشىلىق جانە ۇندەۋ قۋاتى كورنەكتى دارەجەدە كۇشەيىپ، توڭكەرىستىك شىنىعۋ بارىسىندا ونان ارى سومدالىپ، تىڭ، قۇدىرەتتى ومىرشەڭدىك كۇشىن ايگىلەدى.

    ەل باسقارۋدىڭ تىڭ ٴورىسىن اشۋ بارىسىندا شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن قالىپتاستىردى.

    پارتيا 18–قۇرىلتايىنان بەرى باس شۋجي شي جينپيڭ جۇڭگوشا سوتسياليزم ىستەرىنىڭ جالپى تۇلعالىق ورنالاستىرۋى _ «بەستى ٴبىر تۇلعالاندىرۋ» ەكەنىن، ستراتەگيالىق ورنالاستىرۋى _ «ٴتورتتى جاپپاي ورىنداۋ» ەكەنىن ايقىنداپ، بايىپتىلىقپەن ىلگەرىلەۋدەي جالپى قىزمەت اۋەنىنەن جازباي، جول، نازاريا، ٴتۇزىم، مادەنيەت جونىندەگى سەنىمدى بەكەمدەۋ كەرەك ەكەنىن؛ رەفورمانى جاپپاي تەرەڭدەتۋدىڭ باس نىساناسى _ جۇڭگوشا سوتسياليستىك ٴتۇزىمدى كەمەلدەندىرۋ مەن دامىتۋدى ٴارى مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ كەرەك ەكەنىن؛ ەلدى زاڭمەن باسقارۋدى جاپپاي ىلگەرىلەتۋدىڭ باس نىساناسى _ جۇڭگوشا سوتسياليستىك زاڭمەن باسقارۋ جۇيەسىن قۇرۋ، سوتسياليستىك زاڭمەن باسقارىلاتىن مەملەكەت قۇرۋ ٴارى ەل باسقارۋدىڭ جاڭا ۇستانىمىن، جاڭا يدەياسىن، جاڭا ستراتەگياسىن قالىپتاستىرۋ كەرەك ەكەنىن دارىپتەدى.

جاۋاپتى رەداكتور: جازيرا بولاتباي قىزى