پارتيا مەن مەملەكەتتىڭ قۇرىلىم رەفورماسىن تەرەڭدەتۋ _ مەملەكەتتىڭ وڭاۋ جۇيەسى مەن وڭاۋ قابىلەتىن وسىزامانداندىرۋدىڭ قاجەتى

  • كەلۋ قاينارى: ىلە گازەتى
  • 03:29:30 10/04/2018

  

    دىڭ شۋەشياڭ

 

    ج ك پ 19–كەزەكتى ورتالىق كوميتەتى ءۇشىنشى جالپى ءماجىلىسىنىڭ «قاۋلىسىندا»: «پارتيا مەن مەملەكەتتىڭ قۇرىلىم رەفورماسىن تەرەڭدەتۋ _ مەملەكەتتىڭ وڭاۋ جۇيەسى مەن وڭاۋ قابىلەتىنىڭ وسىزاماندانۋىن ىلگەرىلەتۋدەگى تەڭ وزگەرىس» دەپ اتاپ كورسەتىلگەن بولاتىن. بۇل تۇجىرىم پارتيا مەن مەملەكەتتىڭ قۇرىلىم رەفورماسىن تەرەڭدەتۋدىڭ مەملەكەتتىڭ وڭاۋ جۇيەسى مەن وڭاۋ قابىلەتىن وسىزامانداندىرۋداعى ماڭىزدى رولىن تۇسىندىرەدى، پارتيا مەن مەملەكەتتىڭ قۇرىلىم رەفورماسىن تەرەڭدەتۋدە مەڭگەرۋگە ءتيىستى دۇرىس بەتالىستى دا تۇسىندىرەدى. مەملەكەتتىڭ وڭاۋ جۇيەسى مەن وڭاۋ قابىلەتىنىڭ وسىزاماندانۋىن ىلگەرىلەتۋ. كۇردەلى دە جۇيەلى ينجەنەريا. جاڭا داۋىرگە كوز جۇرگىرتە وتىرىپ، مەملەكەت پەن قوعامدى ءونىمدى تۇردە وڭاپ، سوتسياليستىك بازار شارۋاشىلىعى ءتۇزىلىسىن كەمەلدەندىرىپ، حالىقتى وزەك ەتكەن دامۋ يدەياسىن تياناقتاندىرىپ، پارتيانىڭ جاپپاي باسشىلىق ەتۋىنە تاباندى بولۋ جانە ونى كۇشەيتۋ كەرەك. وسىنىڭ ءبارى تۇگەلدەي پارتيا مەن مەملەكەت قۇرىلىمدارىنىڭ جوبالانۋىمەن، يقۋاتىنىڭ ورنالاستىرىلۋىمەن، مىندەتتى اتقارۋ قابىلەتىمەن تىعىز بايلانىسىپ جاتادى. ءبارى دە پارتيا مەن مەملەكەتتىڭ قۇرىلىم رەفورماسىن تەرەڭدەتۋ ارقىلى جاۋاپ بەرۋدى قاجەت ەتەدى.

    ءبىرىنشى، مەملەكەتتىڭ وڭاۋ جۇيەسى مەن وڭاۋ قابىلەتىنىڭ وسىزاماندانۋىن ىلگەرىلەتۋ، جاڭا داۋىردەگى مەملەكەت پەن قوعامدى ءونىمدى وڭاۋعا سايكەسۋ قاجەت، بۇل پارتيا مەن مەملەكەتتىڭ قۇرىلىم رەفورماسىن تەرەڭدەتۋدى تابيعي تۇردە تالاپ ەتەدى

    مەملەكەتتىڭ وڭاۋ جۇيەسى مەن وڭاۋ قابىلەتى ءبىر ەلدىڭ تۇزىمدەرى مەن سول تۇزىمدەردى اتقارۋ قابىلەتىنىڭ شوعىرلى بەينەلەنۋى بولىپ تابىلادى. مەملەكەتتىڭ وڭاۋ جۇيەسى مەن وڭاۋ قابىلەتىنىڭ وسىزاماندانۋىن ىلگەرىلەتۋ ءار جاقتى تۇزىمدەردى، ءتىپتى دە عىلميلاندىرىپ، ءتىپتى دە كەمەلدەندىرىپ، پارتيانىڭ، مەملەكەتتىڭ، قوعامنىڭ ءتۇرلى ىستەرىن وڭاۋدى تۇزىمدەندىرۋ، ولشەمدەندىرۋ، تارتىپكە ءتۇسىرۋ، مەملەكەتتى ءتۇزىم جانە زاڭ ارقىلى وڭاۋعا شەبەر بولىپ، پارتيانىڭ اكىمياتتى عىلمي، دەموكراتيالى جولدارمەن زاڭ ارقىلى اتقارۋ ورەسىن جوعارىلاتۋ دەگەن ءسوز. پارتيا مەن مەملەكەت قۇرىلىمىنىڭ يقۋات جۇيەسى _ جۇڭگولىق ەرەكشەلىككە يە سوتسياليستىك ءتۇزىمنىڭ ماڭىزدى قۇرامداس بولەگى، پارتيامىزدىڭ مەملەكەتتى باسقارىپ، اكىمشىلىكتى جونگە سالۋىنىڭ ماڭىزدى كەپىلى. مەملەكەتتىڭ وڭاۋ جۇيەسى مەن وڭاۋ قابىلەتىن وسىزامانداندىرۋدى ىلگەرىلەتۋدە، ءسوزسىز، پارتيا مەن مەملەكەتتىڭ قۇرىلىم رەفورماسىن تەرەڭدەتىپ، پارتيا مەن مەملەكەت قۇرىلىمدارىنىڭ يقۋات جۇيەسىن تولىق كەمەلدەندىرىپ، مەملەكەت پەن قوعامدى ءونىمدى تۇردە وڭاۋعا كەپىلدىك ەتىپ، پارتيا مەن مەملەكەتتىڭ كوركەيىپ–گۇلدەنۋىن، باياندى تىنىشتىعىن جۇزەگە اسىرۋ كەرەك.

    پارتيا ورتالىق كوميتەتى پارتيا مەن مەملەكەتتىڭ قۇرىلىمدارى قۇرىلىسىنا جانە رەفورماسىنا ەجەلدەن بەرى بارىنشا كوڭىل ءبولىپ كەلەدى. جاڭا جۇڭگو قۇرىلعاننان بەرى پارتيا مەن مەملەكەت قۇرىلىمدارىنىڭ جۇڭگولىق ەرەكشەلىككە يە يقۋات جۇيەسىن بىرتىندەپ قۇردىق، بۇل پارتيامىزدىڭ مەملەكەتتى وڭاپ، اكىمشىلىكتى جونگە سالىپ، سوتسياليستىك قۇرىلىستى ىلگەرىلەتۋدە كەلەلى رول اتقارىپ كەلەدى.

جاۋاپتى رەداكتور: گۇلدەن ماقسات قىزى