پارتيا مەن مەملەكەتتىڭ قۇرىلىم رەفورماسىن تەرەڭدەتۋ _ مەملەكەتتىڭ وڭاۋ جۇيەسى مەن وڭاۋ قابىلەتىن وسىزامانداندىرۋدىڭ قاجەتى

  • كەلۋ قاينارى: ىلە گازەتى
  • 03:29:30 10/04/2018

 رەفورما جاساپ، سىرتقا ەسىك اشىق ۇستالعاننان بەرى پارتيا مەن مەملەكەتتىڭ قىزمەت ءتۇيىنىن اۋىستىرۋ قاجەتىنە ۇيلەسىپ، پارتيامىز پارتيا مەن مەملەكەتتىڭ قۇرىلىم رەفورماسىن بەلسەنە ىلگەرىلەتىپ، ءار جاقتىڭ قۇرىلىم يقۋاتىن ۇزدىكسىز ساپالىلاندىرىپ، بىرتىندەپ ولشەمدەندىرىپ، رەفورما جاساپ، سىرتقا ەسىكتى اشىق ۇستاۋمەن سوتسياليستىك وسىزاماندىرۋ قۇرىلىسىن ىلگەرىلەتتى. پارتيانىڭ 18–قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ جان–جاقتى باسشىلىعىنا تاباندى بولىپ جانە ونى كۇشەيتىپ، پارتيا ورتالىق كوميتەتىنىڭ قورعاۋ جەن شوعىرلى ءبىر تۇتاس باسقارۋداي تەتىكتى مىقتى يگەرىپ، پارتيا مەن مەملەكەتتىڭ قۇرىلىم رەفورماسىن تەرەڭدەتىپ، كەيبىر ماڭىزدى سالالار مەن تۇيىندەردە زور ىلگەرىلەۋشىلىك جاراتىپ، پارتيا مەن مەملەكەت ىستەرىندە تاريحي تابىستاردى قولعا كەلتىرىپ، تاريحي وزگەرىستەردىڭ بولۋىنا پارمەندى تۇردە كەپىلدىك ەتتى.

    جۇڭگولىق ەرەكشەلىككە يە سوتسياليزم جاڭا داۋىرگە قادام تاستاپ وتىر، پارتيامىزدا، مەملەكەتىمىزدە، قوعامىمىزدا تەرەڭ وزگەرىستەر بولدى، ءالى دە جالعاستى بولا بەرمەك، مەملەكەتتى وڭاپ، اكىمشىلىكتى جونگە سالۋداعى مىندەتتەر ءتىپتى دە ماشاقاتتى، بۇل پارتيا مەن مەملەكەتتىڭ قۇرىلىمدارىن جوبالاۋ جانە يقۋاتىن ورنالاستىرۋىمىزعا تىڭ تالاپتاردى قويىپ وتىر. بىزدەن تاعى كوز الداعىنى تياناق ەتۋمەن بىرگە، پارتيا مەن مەملەكەت قۇرىلىمدارىنىڭ يقۋاتى جاعىندا جاپپاي دوڭگەلەك داۋلەتتى قوعام قۇرۋدىڭ جەڭىسىنە قول جەتكىزۋىمىزدى تالاپ ەتىپ قانا قالماستان بولاشاققا كوز جىبەرىپ، بولاشاقتاعى ءتۇزىلىس مەحانيزمىنە قاتىستى ماسەلەلەردى شەشۋگە نازار اۋدارۋىمىزدى دا تالاپ ەتەدى. پارتيانىڭ 19–قۇرىلتايى پارتيا مەن مەملەكەت ىستەرىندەگى تاريحي وزگەرىستەر مەن ونىڭ ۇيىمدىق قۇرىلىمدارىنا جانە باسقارۋ تۇزىلىسىنە بولعان تىڭ تالاپتاردى مىقتى يگەرىپ، قۇرىلىم رەفورماسى مەن اكىمشىلىك ءتۇزىلىس رەفورماسىن تەرەڭدەتۋدى ايقىن العا قويىپ، ءتۇرلى قۇرىلىم جوبالارىن، پارتيا مەن ۇكىمەت تاراۋلارىنىڭ جانە ونىڭ ىشكى بولەگىندەگى قۇرىلىمدار ۇقىعىنىڭ عىلمي ورنالاستىرىلۋىن ءبىر تۇتاس ەسكەرىپ، بورىشتارىن ايقىندادى.

    جاڭا داۋىردەگى جاڭا مىندەتتەردىڭ العا قويعان جاڭا تالاپتارىمەن، پارتيا مەن مەملەكەتتىڭ قۇرىلىم جوباسى، يقۋاتتى ورنالاستىرىلۋى، مىندەتتى اتقارۋ قابىلەتى جانە مەملەكەت پەن قوعامدى ءونىمدى تۇردە وڭاۋ جونىندەگى تالاپتارىنا قاراعاندا كوپتەگەن ماسەلەلەر ورىن تەۋىپ وتىر. ايتالىق كەيبىر سالالاردا پارتيا مەن ۇكىمەت قۇرىلىمدارى قاباتتاساتىن، جاۋاپكەرلىك اۋىسىپ كەتەتىن، ۇقىق پەن جاۋاپكەرلىك جاناسپايتىن ماسەلەلەر نەداۋىر كورنەكتى؛ كەيبىر ۇكىمەت قۇرىلىمدارىنىڭ جوبالانۋى مەن جاۋاپكەرلىگىنىڭ ءبولىسى ايتارلىقتاي عىلمي ەمەس، جاۋاپكەرلىكتەگى ولقىلىقتار مەن ونىمدىلىگى جوعارى بولماۋ ماسەلەسى كورنەكتى. ۇكىمەت يقۋاتىن اۋىستىرۋ تياناقتانباعان؛ كەيبىر سالالاردا ورتالىق پەن جەرگىلىكتى ورىنداردىڭ قۇرىلىمى تەڭ دارەجەدە بولىپ، ۇقىعى مەن جاۋاپكەرلىگىن ايىرۋ ۇيلەسىمسىز بولعان؛ نەگىزگى ساتى قۇرىلىمدارىنىڭ جوبالانۋى مەن بەرىلگەن ۇقىعىن كەمەلدەندىرۋگە، بۇقارانى ۇيىمداستىرۋ، بۇقاراعا قىزمەت وتەۋ قابىلەتىن جوعارىلاتا تۇسۋگە تۋرا كەلەدى. بۇل ماسەلەلەر پارتيا مەن مەملەكەتتىڭ قۇرىلىم رەفورماسىن تەرەڭدەتىپ، ءتۇزىلىس پەن قۇرىلىمدى رەتكە سالىپ كەمەلدەندىرۋ ارقىلى تۇبىرىنەن شەشۋگە مۇقتاج.

جاۋاپتى رەداكتور: گۇلدەن ماقسات قىزى