پارتيا مەن مەملەكەتتىڭ قۇرىلىم رەفورماسىن تەرەڭدەتۋ _ مەملەكەتتىڭ وڭاۋ جۇيەسى مەن وڭاۋ قابىلەتىن وسىزامانداندىرۋدىڭ قاجەتى

  • كەلۋ قاينارى: ىلە گازەتى
  • 03:29:30 10/04/2018

 وسى بارىستا ءبىز ۇكىمەت فۋنكتسياسىندا ءۇرتىس بۇرىلىس جاساپ، ماكرولىق جاقتان تىزگىندەۋدى كەمەلدەندىرۋ، ميكرولىق جاقتاعى ارالاسىپ الۋدى ازايتۋ، بازاردى باقىلاپ–باسقارۋدى كۇشەيتۋ سياقتى جاقتاردا قىرۋار قىزمەتتەر ىستەپ، شارۋاشىلىق پەن قوعامنىڭ دامۋىن ءونىمدى تۇردە ءبىر تۇتاس جوسپارلاپ، قوعامدىق باسقارۋ مەن الەۋمەتتىك قىزمەت وتەۋدى كۇشەيتتى.

    قازىر جۇڭگوشا سوتسياليزم جاڭا داۋىرگە قادام تاستادى. ەلىمىز شارۋاشىلىعىنىڭ دامۋى دا تىڭ داۋىرگە قادام تاستاپ وتىر. ەلىمىز ەكونوميكاسى جوعارى قارقىنمەن ارتۋ ساتىسىنان جوعارى ساپالى دامۋ ساتىسىنا ءوتتى. جوعارى ساپالى دامۋدى جەبەۋدە قامداۋ قۇرىلىمى سيپاتىندىق رەفورمانى ارقاۋ ەتىپ، دامۋ تاسىلىنە بۇرىلىس جاساۋدى جەدەلەتىپ، ەكونوميكالىق قۇرىلىمدى ساپالىلاندىرىپ، قوزعاۋشى كۇشتى جاڭالاپ، بازار مەحانيزىمىن ءونىمدى، ميكرولىق نەگىزگى تۇلعاسى ومىرشەڭدىككە تولى. ماكرولىق جاقتان تىزگىندەۋى لايىقتى بولعان ەكونوميكالىق ءتۇزىلىس قۇرۋعا كۇش سالىپ، شارۋاشىلىقتى دامىتۋ جاعىنداعى ساپالىق، ونىمدىلىك، قوزعاۋشى كۇشتىك وزگەرىستەردى ءتىپتى دە ويداعىداي ىلگەرىلەتۋ كەرەك. وسى تالاپتارعا سالىستىرعاندا، ەلىمىزدىڭ ەكونوميكانى دامىتۋداعى تۇزىلىسىك كەدەرگىلەر تۇگەلدەي جويىلمادى. وتە–موتە، ۇكىمەت فۋنكتسياسىندا بۇرىلىس جاساۋ دەرلىكتەي تياناقتانبادى، بازار مەن قوعامنىڭ رولى تولىق ساۋلەلەندىرىلمەدى. كەيبىر باسقارۋعا تيىستىلەرى باسقارىلمادى نەمەسە دەرلىكتەي باسقارىلمادى. تومەنگە بەرۋگە ءتيىستى كەيبىر ۇقىقتار بەرىلمەدى نەمەسە تولىق بەرىلمەدى، ميكرولىق ەكونوميكالىق ىستەرگە ارتىق ارالاسىپ الدى، قوعامدىق باسقارۋ مەن الەۋمەتتىك قىزمەت وتەۋ فۋنكتسياسى ءبىرشاما ءالسىز، ءتىپتى،كەيبىر جاقتاردا فۋنكتسيانىڭ ورنى اۋىسۋ، دارەجە اتتاۋ، ورنى بولماۋ سياقتى جايتتەر بايقالعان. وسىنداي ماسەلەلەردىڭ ورىن تەبۋى، سوتسياليستىك شارۋاشىلىق ءتۇزىلىسىنىڭ كەمەلدەنۋىن بەلگىلى دارەجەدە تىزگىندەپ، ەكونوميكا مەن قوعامنىڭ دامۋ ومىرشەڭدىگىنە تۇساۋ بولدى. سونىمەن بىرگە ۇقىعىنان پايدالانىپ، قاراباسىنىڭ قامىن كۇيتتەۋ، ۇقىقتى اقشاعا ساۋدالاۋ سياقتى شىرىكتەسۋ قۇبىلىستارىن وڭاي تۋدىرىپ، پارتيا مەن حالىقتىڭ قارىم–قاتىناسىنا، ۇكىمەتتىڭ بەدەلىنە زيان جەتكىزدى. مىنە، بۇل بازاردى توڭىرەكتەي وتىرىپ بايلىقتى ىڭعايلاستىرۋدا شەشۋشى رول اتقارۋدى جانە ۇكىمەتتىڭ رولىن ءتىپتى دە ويداعىداي ساۋلەلەندىرۋدى، پارتيا مەن مەملەكەتتىڭ قۇرىلىم رەفورماسىن تەرەڭدەتۋدى، قۇرىلىمداردى عىلمي جوبالاپ، فۋنكتسيانى ۇيلەسىمدى ورنالاستىرىپ، ىشتاتتى ءبىر تۇتاس جوسپارلاپ ىستەتىپ، ءتۇزىلىس مەحانيزمىن كەمەلدەندىرۋدى، ۇكىمەت فۋنكتسياسىن جاپپاي تولىق اتقارۋدى، مۇنان دا جوعارى ساپانى، مۇنان دا ءونىمدى بولۋدى، مۇنان دا ءادىل، مۇنان دا ءۇرتىس دامۋدى جۇزەگە اسىرۋدى جەدەلدەتۋدى تالاپ ەتەدى.

    پارتيا 19–كەزەكتى ورتالىق كوميتەتى ءۇشىنشى جالپى ءماجىلىسىنىڭ «قاۋلىسىندا» مىنالار العا قويىلدى: بازاردىڭ بايلىقتى ىڭعايلاستىرۋدا شەشۋشى رول اتقارىپ، ۇكىمەتتىڭ رولىن ونان ارى ويداعىداي ساۋلەلەندىرۋىن تەجەيتىن ءتۇزىلىس مەحانيزمى كىناراتتارىن باتىل جويىپ، جوعارى ساپالى دامۋدى ىلگەرىلەتۋدى توڭىرەكتەپ، وسىزاماندانعان ەكونوميكا جۇيەسىن قۇرۋ، ۇكىمەتتىڭ ەكونوميكانى رەتتەۋ، بازاردى باقىلاپ–باسقارۋ، قوعامدى باسقارۋ، الەۋمەتتىك قىزمەت وتەۋ، ەكولوگيالىق ورتانى قورعاۋ فۋنكتسياسىن كۇشەيتۋ جانە كەمەلدەندىرۋ، ۇكىمەتتىڭ قىزمەت ونىمدىلىگىن جوعارىلاتىپ، حالىق ريزا بولاتىن قىزمەت وتەۋ تيپىندەگى ۇكىمەت قۇرۋ كەرەك.

جاۋاپتى رەداكتور: گۇلدەن ماقسات قىزى