پارتيا مەن مەملەكەتتىڭ قۇرىلىم رەفورماسىن تەرەڭدەتۋ _ مەملەكەتتىڭ وڭاۋ جۇيەسى مەن وڭاۋ قابىلەتىن وسىزامانداندىرۋدىڭ قاجەتى

  • كەلۋ قاينارى: ىلە گازەتى
  • 03:29:30 10/04/2018

سونىمەن بىرگە «قاۋلىدا» تاعى ماكرولىق جاقتان باسقاراتىن تاراۋلاردىڭ فۋنكتسياسىن ۇيلەسىمدى ورنالاستىرۋ، ۇكىمەت ورىندارىن ىقشامداپ، ۇقىقتى تومەنگە ءتۇسىرۋدى تەرەڭ ىلگەرىلەتۋ، بازاردى باقىلاپ–باسقارۋ مەن زاڭ اتقارۋ ءتۇزىلىسىن كەمەلدەندىرۋ، جاراتىلىستىق بايلىق قاينارلارى مەن ەكولوگيالىق ورتانى باسقارۋ تۇزىلىسىنە رەفورما جاساۋ، الەۋمەتتىك قىزمەت وتەۋدى باسقارۋ ءتۇزىلىسىن كەمەلدەندىرۋ، جۇمىس بارىسىنداعى جانە جۇمىستان سوڭعى باقىلاپ–باسقارۋدى كۇشەيتۋ، اكىمشىلىك ونىمدىلىكتى جوعارىلاتۋ سياقتى جەتى جاقتان رەفورما جاساۋدىڭ ناقتى جولدارى مەن بەتالىستارى اتاپ كورسەتىلگەن. بۇل تالاپتار مەن ورنالاستىرۋلار پارتيا مەن مەملەكەتتىڭ قۇرىلىم رەفورماسىن تەرەڭدەتۋ بارىسىندا جاپپاي تياناقتاندىرىلۋى ءتيىس.

    ءۇشىنشى، مەملەكەتتىڭ وڭاۋ جۇيەسى مەن وڭاۋ قابىلەتىنىڭ وسىزاماندانۋىن ىلگەرىلەتۋدە، حالىقتى وزەك ەتكەن دامۋ يدەياسىن تياناقتاندىرۋ كەرەك، بۇل پارتيا مەن مەملەكەتتىڭ قۇرىلىم رەفورماسىن تەرەڭدەتۋدىڭ تابيعي تالابى

    حالىق بۇقاراسى پارتيامىزدىڭ كۇش–قۋات قاينارى، حالىقتىڭ مايدانى _ پارتيامىزدىڭ ءتۇبىرلى ساياسي مايدانى. پارتيامىزدىڭ حالىققا باسشىلىق ەتىپ جاپپاي دوڭگەلەك داۋلەتتى قوعام قۇرىپ، رەفورما جاساپ، ەسىكتى اشىق ۇستاپ، سوتسياليستىك وسىزامانداندىرۋ قۇرىلىسىن جۇرگىزۋدەگى ءتۇبىرلى ماقساتى _ قوعامدىق وندىرگىش كۇشتەردى دامىتىپ، حالىقتىڭ زاتتىق، مادەنيەتتىك تۇرمىس ورەسىن ۇزدىكسىز جوعارىلاتىپ، ادامنىڭ جان–جاقتى دامۋىن جەبەۋ بولىپ تابىلادى. شي جينپيڭ باس شۋجي پارتيا 19–كەزەكتى ورتالىق كوميتەتى ءبىرىنشى جالپى ءماجىلىسىنىڭ 2–رەتكى ماجىلىسىندە: «حالىققا باقىت اپەرۋ _ جۇڭگو كوممۋنيستىك پارتياسىنىڭ باستى ماقساتى. ءبىز ونى قاي–قاشان دا ەستەن شىعارماي حالىقتىڭ تاماشا تۇرمىستى اڭساۋىن ماڭگى كۇرەس نىساناسى ەتۋىمىز كەرەك» دەپ اتاپ كورسەتكەن بولاتىن. مەملەكەتتىڭ وڭاۋ جۇيەسى مەن وڭاۋ قابىلەتىنىڭ وسىزاماندانۋىن ىلگەرىلەتۋدە حالىقتى وزەك ەتۋگە باستان–اياق تاباندى بولىپ، حالىقتىڭ نەسىبەسىن ارتتىرىپ، ادامنىڭ جان–جاقتى دامۋىن جەدەلدەتۋدى شىعار ءتۇيىن جانە تابان تىرەر تياناق ەتۋ كەرەك. حالىقتى وزەك ەتۋگە تاباندى بولۋدى نازاريالىق ەتۋ كەرەك. حالىقتى وزەك ەتۋگە تاباندى بولۋدى نازاريالىق جاقتا عانا قالدىرىپ قويماي، ەكونوميكا مەن قوعامدى دامىتۋ امالياتى بارىسىندا تياناقتاندىرۋ كەرەك. مىنە، بۇل تۇزىمدىك قۇرىلىستى كۇشەيتۋدى، پارتيا مەن مەملەكەتتىڭ قۇرىلىم رەفورماسىن تەرەڭدەتۋ ارقىلى حالىقتىڭ قوجا بولۋ ءتۇزىمى جۇيەسىن كەمەلدەندىرىپ، حالىقتىڭ مەملەكەت ىستەرىن زاڭ بويىنشا باسقارۋىن، ەكونوميكا، مادەنيەت ىستەرىن باسقارۋىن، قوعامدىق ىستەردى باسقارۋىن ءتىپتى دە ٴونىمدى تاسىلدەر ارقىلى جانە ٴتىپتى دە پارمەندى قامتاماسىزداندىرۋدى قاجەت ەتەدى. رەفورما جۇرگىزىپ، ەسىك اشىق ۇستالعاننان بەرى، وتە–موتە، جۋىقتاعى جىلداردان بەرى ٴبىز ۇيرەنگىش ساياسي پارتيانى، قىزمەت وتەگىش ۇكىمەتتى بەلسەنە قۇرىپ، كەڭسە ىستەرىن باسقارۋدى ينفورماتسيالاندىرۋ مەن پارتيا ءىسىن جانە ۇكىمەت ٴىسىن جاريا ۇستاۋدى بەلسەنە ىلگەرىلەتىپ، ۇقىقتىڭ اينالىمى مەن باقىلاۋ جۇيەسىن بەلسەنە قۇردىق. ٴتۇزىم ورناتۋدا جاڭالىق جاراتۋ ارقىلى پارتيا مەن مەملەكەت قۇرىلىمدارىنىڭ فۋنكتسيالىق قۋاتىن جوعارىلاتىپ، ٴتىپتى دە ٴادىل قوعامدىق ورتا جاراتىپ، حالىقتىڭ تەرەزەسى تەڭ تۇردە اتسالىسۋ، تەڭ دامۋ ۇقىعىنا كەپىلدىك ەتىلىپ، حالىقتىڭ ٴتۇبىرلى مۇددەسى ايتارلىقتاي جۇزەگە اسىرىلدى، ايتارلىقتاي قورعالدى، ايتارلىقتاي دامىدى، سونىمەن بىرگە، قازىر ۇكىمەتتىڭ قوعامدىق باسقارۋ جانە الەۋمەتتىك قىزمەت وتەۋ فۋنكتسياسىنىڭ ٴالى دە ٴالسىز ەكەندىگىن، ۇكىمەتتىڭ فۋنكتسيانى جاپپاي دۇرىس اتقارۋداعى تۇزىلىستىك كەدەرگىلەردى ٴالى دە بەلگىلى دارەجەدە ورىن تەۋىپ وتىرعاندىعىن، حالىق بۇقاراسىنىڭ ٴتول مۇددەسىنە قاتىستى ٴتۇبىرلى حالىق تۇرمىسىندىق ماسەلەلەردىڭ ٴالى دە ٴبىرشاما كورنەكتى ەكەندىگىن سەرگەكتىكپەن كورە ٴبىلۋىمىز كەرەك.

جاۋاپتى رەداكتور: گۇلدەن ماقسات قىزى