داۋىرگە، تۇرمىسقا ىشكەرىلەي نازار اۋدارىپ، ۇلتتىق ەرەكشەلىكتى ساۋلەلەندىرەيىك

  • كەلۋ قاينارى: ىلە گازەتى
  • 04:10:16 13/04/2018

  

    سۇحپاتتاسقان:

    ليۋ چيۇڭ (حالىق گازەتىنىڭ اعا رەداكتورى)

    ليۋ داشيان («ۇلتتار ادەبيەتىن زەرتتەۋ» جۋرنالى رەداكسياسىنىڭ مەڭگەرۋشىسى)

    شى سايفۋ (گۋاڭشي ولكەلىك ادەبيەت–كوركەمونەرشىلەر بىرلەستىگى پارتگرۋپپاسىنىڭ مۇشەسى، ورىنباسار ءتوراعاسى)

    لي شاۋچۋان (جۇڭگو جازۋشىلار قوعامى جاسامپازدىقتى زەرتتەۋ ءبولىمىنىڭ ورىنباسار مەڭگەرۋشىسى)

    جاڭ چيڭحۋا (بەيجيڭ پەداگوگيكالىق ۋنيۆەرسيتەتى ادەبيەت ينستيتۋتىنىڭ ورىنباسار باستىعى)

    جۋو جين (حۋنان ولكەلىك قوعامدىق عىلىمدار اكادەمياسى ادەبيەت زەرتتەۋ ورنىنىڭ باستىعى)

    كىندىك ءسوز

    ەگەر از ۇلتتاردىڭ تاريحي روماندارى جونىندە ءسوز بولعاندا، ءبىر مەزگىل بەلگىلى ءبىر ۇلتتىڭ وتكەنىن ميفتەندىرۋ، حيكىمەتتەندىرۋ، سالت–سانالاندىرۋ ءتۇس العانى اۋىزعا الىناتىن؛ سوڭعى جىلداردان بەرگى جاسامپازدىقتارىندا ديالەكتيكالىق ءمان العاندىعى اۋىزعا الىنا باستادى.

    سوڭعى جىلداردان بەرى از ۇلتتاردىڭ دەرەكتى ادەبيەت جاسامپازدىعىندا رەالدىق پەن تاريحي مادەنيەتتى ارقا سۇيەر، جۇڭگو ارمانى مەن ۇلتتار ىنتىماعىن باستى تاقىرىپ ەتكەن شىعارماشىلىق تابىس كورنەكتىلەنە ءتۇستى.

    باعالاۋعا قاتىناستىرىلعان پويەزيالىق شىعارمالار تاقىرىبىنىڭ كەڭ تىنىستى، كوركەمدىك ستيلىنىڭ الۋان تۇرلىلىگى مەن جازۋشىلىق دەڭگەيى جاقتان ايتا قالسىن جوعارىلاعان، وسىلاردىڭ اراسىندا ىقپالدى، تولىسقان اقىندار دا، «80–جىلداردىڭ» ۇلكەن ءبىر شوعىر جاستارى دا توبە كورسەتەدى.

    ليۋ چيۇڭ: 7–ايدىڭ شىلىڭگىر ىستىعىندا 15 ۇلتتىڭ 27 جازۋشىسى باي مازمۇندى، تارتىمدى دا، وزىندىك ەرەكشەلىككە يە ادەبي تۋىندىلارىن بىزگە سيلادى. بۇل جۇڭگو جازۋشىلار قوعامى مەن مەملەكەتتىك ۇلت ىستەرى كوميتەتى بىرلەسىپ ۇيىمداستىرعان 11–كەزەكتى مەملەكەتتىك از ۇلت ادەبي شىعارمالارىنىڭ «تۇلپار سيلىعى» بويىنشا جان–جاقتى تالقى جانە قاتاڭ سارالاۋدان وتكىزۋ ارقىلى «ءۇنسىز ۋاقىت ۇسقىنى» سىندى 24 شىعارما مەن ما يىڭ قاتارلى 3 از ۇلت اۋدارماشىسىنىڭ وسى كەزەكتى «تۇلپار سيلىعىن» ەنشىلەگەندىگى بولدى. وسى كەزەكتى باعالاۋ سوڭعى جىلداردان بەرگى ەلىمىزدەگى از ۇلت ادەبي شىعارمالارىنىڭ ءبىر رەتكى كەڭ كولەمدە سالتاناتتى ساراپقا ءتۇسۋى بولدى، ونان دا ماڭىزدىسى پارتيا مەن ۇكىمەتىمىزدىڭ ۇزاق جىلداردان بەرى از ۇلتتار ادەبيەتىنىڭ كوركەيۋىنە كۇش سالىپ، ۇلتتار ىنتىماعىن جەبەپ كەلگەن ۇلت ساياساتىنىڭ ءبىر رەتكى جاندى بەينەلەنۋى ەدى، مۇنىڭ ناتيجەسى ەرەكشە نازار اۋدارۋعا جانە زەرتتەۋگە تاتيدى.

جاۋاپتى رەداكتور: گۇلدەن ماقسات قىزى