داۋىرگە، تۇرمىسقا ىشكەرىلەي نازار اۋدارىپ، ۇلتتىق ەرەكشەلىكتى ساۋلەلەندىرەيىك

  • كەلۋ قاينارى: ىلە گازەتى
  • 04:10:16 13/04/2018

    سوڭعى جىلداردان بەرى از ۇلت روماندارىندا رەالدىققا دەن قويۋ، تاريحتى جاڭعىرتىپ جازۋدا ەستەتيكالىق جاسامپازدىقپەن توعىستىرا جازۋعا قىرۋار كۇش سالىنىپ، كەمەلدى جۇڭگو ادەبيەتىندە الۋان ءتۇرلى ادەبيەت بىرگە ءومىر سۇرەتىن، ەكولوگياسى جاراسىمدى جاعداي قالىپتاستى. دەگەنمەن بەلگىلى دارەجەدە شەكتەمەلىك تە بولىپ وتىر، ول بولسا كوپتەگەن شىعارمالار سىپىرا بايانداۋشىلىق پەن جاداعايلىقتان ارىلا الماي، وركەنيەتتىك تولعانىس پەن رۋحاني ىزدەنىس جاعىندا جوعارى دەڭگەيگە كوتەرىلە الماي وتىر، كەلەشەكتە جالپىلىق جاقتان مەڭگەرۋگە قۇلشىنۋ ارقىلى ۇلتتىق مادەنيەت تاريحى مەن ەستەتيكانىڭ، رەالدىق پەن كوركەمونەردىڭ، مۇراگەرلىك ەتۋ مەن سىننىڭ بىرلىگىنە قول جەتكىزۋ كەرەك.

    پوۆەست، اڭگىمەدە _

    جاس ايەل جازۋشىلار شەڭبەردى بۇزا العان

    ليۋ شيۇڭ: وسى رەتكى باعالاۋدا پوۆەست جاسامپازدىعىنىڭ تۇلعالىق قۋاتى ءبىرشاما الۋەتتى بولدى، از ۇلت جازۋشىلارى ءوز ۇلتى مەن سول ءوڭىردىڭ تاريحى مەن رەالدىعىن تياناق ەتە وتىرىپ، كوز تارتارلىق قۇندىلىقتارىن كوركەمونەرلىك فورما جانە تىڭ ۋاقيعالار ارقىلى ءداۋىر مەن تۇرمىستى سۋرەتكەرلىكپەن بەينەلەپ، قانداي ءبىر ەرەكشە تاجىريبە ۇسىنا الدى؟

    شي سايفۋ: مۇندا باعالاۋعا 46 پوۆەسىت قاتىناستىرىلدى (بۇل از ۇلت تىلىندەگى 10 پوۆەستتى ءوز ىشىنە الادى)، بۇلار 16 ۇلتتىڭ جازۋشىلارى. ال حانزۋ تىلىندە شىعارماشىلىقپەن شۇعىلداناتىن قالامگەرلەردىڭ ىشىندە، زاڭزۋدان الاي، تۋجيا ۇلتىنان تيان ىر، حۇيزۋدان ما جينليان، جۋاڭزۋدان تاۋ ليچۇن، ناشي ۇلتىنان حى شياۋمەي، مانزۋدان شيا ليۋپيڭ، موڭعۇلدان باي شۋەلين، ياۋزۋ ۇلتىنان جۇڭ ىرماۋ قاتارلىلار ايتا قالسىن قالام قارىمدارىن كورسەتە الدى. ولاردىڭ شىعارمالارى ەلىمىز از ۇلتتارىنىڭ سوڭعى مەزگىلدەگى پوۆەست، اڭگىمە جاسامپازدىعىنىڭ دەڭگەيىنە ۋاكىلدىك ەتەدى. ءبىر جاعىنان، وسى شىعارمالاردا رەال وزگەرىستەر ءجىتتى قاداعالانىپ، بايىپتى دا سەنىمدى بەينەلەنۋمەن بىرگە، كوز جاۋىن الار ۇلتتىق تۇرمىس پەن ادام تاعدىرى جايىپ سالىنسا؛ ەندى ءبىر جاعىنان، تاريحي تاقىرىپ، تۋعان جەر، وسكەن اۋىل جانە ماحاببات تولعامدارى جاعىنان وسالدىق تانىتپايدى. وسى اڭگىمەلەردە ۇلتتىق تاريحي وزگەرىستەردى، تۋعان جەر، وسكەن ەل كەلبەتىن سۋرەتتەۋ ارقىلى ەڭبەكشىل دە جانى جايساڭ، قايسار ۇلتتىق رۋح كورنەكتىلەندىرىلىپ، قۇلدىراۋعا بەت العان اۋىل وركەنيەتىنە دەگەن وزەك جاردى كۇيىنىش بەينەلەنەدى. ماحاببات تاقىرىبىنداعى اڭگىمەلەرىندە ەر–ايەل اراسىنداعى ماحابباتپەن شەكتەلىپ قالماي، ادام سەزىمىن ۇلى ءداۋىر وزگەرىسى اياسىندا، بەلگىلى قوعامدىق قولامتالى ماسەلەلەر تۇرعىسىنان ءمورالدىق ولشەم قاقتىعىستاردى بەينەلەگەندىگىمەن نەمەسە ونى سەزىمدىك جۇتاڭدىقتارمەن ۇشتاستىرعاندىعىمەن، شىنايى سەزىم جانە ماسەلە تانىمى كورنەكتى بولعان.

    وسى رەتكى پوۆەست، اڭگىمەلەردى باعالاۋداعى نازار اۋدارۋعا تاتيتىن تاعى ءبىر كورنەكتى ەرەكشەلىك _ جاس ايەل جازۋشىلاردىڭ تۇلعالىق شەڭبەردى بۇزۋى دەر ەدىك. وسى جازۋشىلاردىڭ ىشىندە حۇيزۋدىڭ ما جينليانى، جۋاڭزۋدىڭ تاۋ ليچۇنى جانە ناشي ۇلتىنىڭ حى شياۋمەيى ەڭ ۋاكىلدىك سيپاتتاعىلار دەۋگە بولادى. ما جينلياننىڭ «ۇزىن وزەنىندە» باتىس تەرىستىكتىڭ بەلگىلى ءبىر قىستاعىنداعى ادەتتەگى بىرنەشە ادامنىڭ ءولىمىن بايانداۋ ارقىلى قويۋ ۇلتتىق سالت–سانا كورىنىسىن بەينەلەپ، ءومىردىڭ شۋاعى مەن تىرلىكتىڭ شۇرايىن اشىپ كورسەتەدى. مۇندا اۆتور ءتورت ماۋسىمنىڭ ۋاقىت بالاماسى ارقىلى ءتورت ادامنىڭ ءولىم اڭگىمەسىن جازادى.

جاۋاپتى رەداكتور: گۇلدەن ماقسات قىزى