داۋىرگە، تۇرمىسقا ىشكەرىلەي نازار اۋدارىپ، ۇلتتىق ەرەكشەلىكتى ساۋلەلەندىرەيىك

  • كەلۋ قاينارى: ىلە گازەتى
  • 04:10:16 13/04/2018

از ۇلت جازۋشىلارى ءوز ۇلتىنىڭ جانە ولار شوعىرلى قونىستانعان وڭىرلەردەگى ەرەكشە وركەنيەت تاريحىنىڭ قورداسىن اشۋعا باسا نازار اۋدارىپ، ۇلتتىق سالت–سانا، ءدىن، ادەت–عۇرىپ، تىرشىلىك كۇيى جانە تۇرمىس ءتاسىلىن جازۋ ارقىلى ايقىن مادەنيەتتىك، ۇلتتىق وزىندىك سەنىمدى كورنەكتىلەندىرگەن. يۇنناندىق ۋازۋ ۇلتىنىڭ جاس ايەل جازۋشىسى يمىنحۇڭمۋدىڭ «اقتىق سىر» دەگەن شىعارماسى ۋازۋ ۇلتىنىڭ تاۋلى بەكىنىس مادەنيەتى جونىندەگى دەرەكتى ادەبيەت. مۇندا اۆتور سايىن ساحارادا ون نەشە جىلى قاجىماي–تالماي تەكسەرۋ جۇرگىزىپ، ەلىمىزدەگى ۋازۋ ۇلتى قونىستانعان ون نەشە تاۋلى قامال مەن بيرمانىڭ ۋاباڭ سياقتى جەرلەرىن ارالاپ، نەشە جۇزدەگەن ۋازۋ بۇقاراسىنا تىلشىلىك ىستەپ، وسى ۇلتتىڭ سوناۋ ىقىلىم زامانداردان بۇگىنگە دەيىنگى تاريحى، تۇرمىس سالتى، اڭىز–ءاپسانالارى سياقتى بەيزاتتىق مادەنيەتىن قازبالاپ، ەرەكشە ماڭىزدى تاقىرىپتار ارقىلى اۆتور ءوزىنىڭ سانالى مادەنيەتتىك بورىشىن، وركەنيەتكە دەگەن ماحابباتى مەن ۇلتتىق وزىندىك سەنىمىن بەينەلەيدى.

    عۇمىرنامالىق شىعارمالار از ۇلت دەرەكتى ادەبيەت جاسامپازدىعىندا ماڭىزدى ورىندا تۇرادى. جۋىق جىلداردان بەرى جاندى دا اسەرلى، ادامدارعا شابىت بەرەتىن قىرۋار تاڭداۋلى تۋىندىلار جارىققا شىقتى. حۇيزۋ جازۋشى فىڭ شۋەسۇڭنىڭ «فاڭ دازىڭنىڭ ءىز–توزسىز كەتۋى جانە قايتىپ كەلۋى» دەگەن شىعارماسى بەينەبايان مەن ءسوزىن سايكەستىرۋ ءتاسىلى ارقىلى جاپونعا قارسى سوعىستىڭ العاشقى جىلدارىندا ءىز–توزسىز كەتكەن مايدان ءتىلشىسىن ىزدەيدى. فاڭ دازىڭ تۇڭعىش رەت العى شەپكە كىرىپ، لۋگۋچياۋ كوپىرى ۋاقيعاسىن حابارلاعان فوتو ءتىلشى. بۇل شىعارما اۋىزشا باياندالىپ، دىبىسقا الىنعان، ماتەريالى ەرەكشە، جاپونعا قارسى سوعىستى تاقىرىپ ەتىپ جازعان بىردەن–ءبىر شىعارما.

    پوەزيادا _

    ءبىر–بىرىنە ۇلاسقان الىپ تاۋ جۇلگەلەرىندەي الۋەتتىلىك بەينەلەنگەن

    ليۋ چيۇڭ: از ۇلت پوەزياسى ەجەلدەن بەرى قوسىنى مول، تۇلعالىق ساپاسى ءبىرشاما جاقسى بولىپ كەلەدى، بۇدان سىرت، وسى رەتكى باعالاۋ بارىسىندا قابىلداۋعا تاتىرلىق وزگە دە تاجىريبەلەر بار ما؟

    جاڭ چيڭحۋا: ەكى رەتكى «تۇلپار سيلىعىن» باعالاۋ كوميسسياسىنا قاتىناسقاندىعىمنان بولار، وسى رەت از ۇلتتاردىڭ پوەزيا جاسامپازدىعى ءبىر–بىرىنە ۇلاسقان الىپ تاۋ جۇلگەلەرىندەي الۋەتتىلىگىن تانىتقانداي سەزىندىردى. از ۇلتتار پوەزياسى الدىڭعى كەزەكتەگىگە قاراعاندا، تاقىرىبىنىڭ كەڭدىگى، كوركەمدىك ستيلىنىڭ الۋان تۇرلىلىگى مەن شىعارماشىلىق ساپا جاعىنان ايتارلىقتاي جوعارىلاعان. وسىلاردىڭ اراسىندا كورنەكتى ىقپالعا يە ىسىلعان اقىندار دا، 80–جىلداردىڭ ۇلكەن ءبىر شوعىر جاس اقىندارى دا توبە كورسەتتى، ولار جاس ەكەندىگىنە قاراماي، پويەزيا جاسامپازدىعىندا بارىنشا ىسىلعاندىق، كۇشتى دە تىڭ ستيل قالىپتاستىرىپ، جالپى اۋقىمدى مىقتى يگەرگەندىكتەرىن ايگىلەي الدى.

جاۋاپتى رەداكتور: گۇلدەن ماقسات قىزى