زاڭمەن باسقارۋعا دا، مورالمەن باسقارۋعا دا ءمان بەرەيىك

  • كەلۋ قاينارى: ىلە گازەتى
  • 04:56:29 18/04/2018

 

    __ شي جينپيڭ جولداستىڭ چۇڭچيڭ ۋاكىلدەر ۇيىرمەسىنىڭ تالقىسىنا قاتىناسقان كەزدە سويلەگەن ماڭىزدى بايىمداۋىن ۇيرەنۋ جونىندە

    حى مينجيە

    شي جينپيڭ جولداس مەملەكەتتىك 13–كەزەكتى حالىق قۇرىلتايىنىڭ 1–ماجىلىسىنە قاتىناسقان چۇڭچيڭ ۋاكىلدەر ۇيىرمەسىنىڭ تالقىسىنا قاتىناسقاندا زاڭ ارقىلى باسقارۋ مەن ءمورال ارقىلى باسقارۋ جونىندە ەگجەي–تەگجەيلى تۇسىنىك جاساپ: «زاڭ مەن ءمورالدىڭ كۇش–قۋاتىن، رولىن تىعىز ۇشتاستىرۋ كەرەك» دەپ اتاپ كورسەتتى. مىنە، بۇل ماڭىزدى بايىمداۋ پارتيا 19–قۇرىلتايىنىڭ بايانداماسىندا العا قويىلعان «زاڭ ارقىلى باسقارۋ مەن ءمورال ارقىلى باسقارۋدى ۇشتاستىرۋعا تاباندى بولۋدى» ىلگەرىلەتىپ، جاڭا داۋىردە پارتيامىزدىڭ مەملەكەتتى ويداعىداي باسقارۋى ءۇشىن ءتۇبىرلى نەگىز ازىرلەپ بەردى.

    زاڭ–جونگە سالۋدىڭ قۇرالى. مەملەكەتتى زاڭ بويىنشا باسقارۋ پارتيامىزدىڭ حالىققا باسشىلىق ەتىپ، مەملەكەتتى باسقارۋىنىڭ نەگىزگى فورماسى. شي جينپيڭ جولداس چۇڭچيڭ ۋاكىلدەر ۇيىرمەسىنىڭ تالقىسىنا قاتىناسقان كەزدە بىلاي دەپ اتاپ كورسەتتى: «زاڭمەن باسقارۋعا تاباندى بولۋ، ادام ارقىلى باسقارۋعا قارسى تۇرۋ كەرەك. نەگىزگى زاڭ مەن زاڭداردى قادىرلەۋدەن جازباي، نەگىزگى زاڭ مەن زاڭدار كولەمىندە جۇمىس جۇرگىزۋدە باستاماشى بولۋ، زاڭدا بەلگىلەنگەن ۇقىق شەگى، زاڭ–ەرەجە، ءتارتىپ بويىنشا ۇقىق جۇرگىزۋدە جانە ءوز بورىشىن اتقارۋدا قاتاڭ بولۋ، زاڭ–ەرەجەلەردى كوڭىلدە ايقىن اينا، ارەكەتتە قوزعاۋشى كۇش ەتۋ، بيلىك جۇرگىزۋدە زاڭدى ولشەم ەتۋ كەرەك». بۇل باسشى كادرلاردىڭ زاڭ بويىنشا جۇمىس جۇرگىزۋى جونىندە العا قويىلعان ايقىن تالاپ سانالادى ءارى پارتيامىزدىڭ مەملەكەتتى جاپپاي زاڭ ارقىلى باسقارۋىنداعى بۇلجىماس سەنىمىن ايگىلەيدى. زاڭمەن باسقارۋ _ پارتيامىزدىڭ جۇڭگو حالقىنا باسشىلىق ەتە وتىرىپ ماشاقاتتى ىزدەنىس جاساۋ ارقىلى ورناتقان مەملەكەت باسقارۋداعى نەگىزگى ءتاسىلى. رەفورما جاسالىپ، ەسىك اشىق ۇستالعاننان بەرى پارتيامىز ەلىمىزدىڭ سوتسياليستىك زاڭمەن باسقارۋ قۇرىلىسىنىڭ ءساتتى تاجىريبەلەرى مەن تەرەك ساباقتارىن جان–جاقتى قورىتىندىلاپ، مەملەكەتتى زاڭ ارقىلى باسقارۋ ۇيعارىمىن جاسادى. سونداي – اق جۇڭگوشا ەرەكشەلىككە يە سوتسياليستىك زاڭمەن باسقارۋ جولىمەن ءجۇردى.

    زاڭمەن باسقارۋ كەمەلدەنسە مەملەكەت كوركەيەتىندىگىن، زاڭمەن باسقارۋ دارمەنسىزدەنسە مەملەكەت بىلىعاتىندىعىن اماليات تولىق دالەلدەدى.

    جاڭا داۋىردە مەملەكەتتى جاپپاي زاڭ ارقىلى جاڭا داۋىردە زاڭمەن باسقارۋدى ەڭ كورنەكتى ورىنعا قويىپ، پارتيامىز بەن مەملەكەتىمىزدىڭ ءتۇبىرلى قىزمەتتەرىن جاپپاي زاڭمەن باسقارۋ ارناسىنا تۇسىرگەندە عانا شارۋاشىلىقتى شالقىتۋدى، ساياسيدىڭ دۇرىس بولۋىن، مادەنيەتتىڭ گۇلدەنۋىن، قوعامدىق ادىلدىكتى، ەكولوگيانىڭ جاقسارۋىن جۇزەگە اسىرىپ، جۇڭحۋا ۇلتتارىنىڭ ۇلى كوركەيۋىن كۇشتى تۇزىمدىك كەپىلدىككە يە ەتۋگە بولادى. شي جينپيڭ جولداس ءبىر مەملەكەتتى، ءبىر قوعامدى باسقارۋدىڭ كىلتى ءتارتىپ ورناتۋ، ءتارتىپتى دارىپتەۋ جانە تارتىپكە بويسۇنۋدا دەپ اتاپ كورسەتتى، پارتيامىزدىڭ 18–قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىعى مەملەكەتتى زاڭمەن باسقارۋ بارىسىندا زاڭمەن باسقارۋدىڭ باستى رولىن ساۋلەلەندىرۋگە باسا نازار اۋدارىپ، مەملەكەتتى جاپپاي زاڭمەن باسقارۋدى «ءتورتتى جاپپاي ورىنداۋ» ستراتەگيالىق ورنالاستىرۋىنا ەنگىزدى؛ زاڭمەن باسقارۋ – مەملەكەتتىڭ باسقارۋ ارناسى مەن باسقارۋ قابىلەتىنىڭ تياناعى ەكەندىگىن، سونداي – اق كەلەلى رەفورمالاردا قاتىستى زاڭداردى تياناق ەتۋدى دارىپتەپ وتىردى ءارى حالىق جۇرتشىلىعىنا ءارقانداي ءبىر زاڭدىق دەلولاردى ءبىر جاقتى ەتۋدە تەڭدىك پەن ادىلدىك جۇزەگە اسىرىلاتىندىعىن ناقتى سەزىندىرۋ تالاپ ەتىلدى. زاڭمەن باسقارۋدىڭ جەتەكشىلىگى مەن جۇيەلىلەنۋى ناتيجەسىندە ەلىمىز قوعامى تەرەڭ بۇرىلىس بارىسىندا ءارى تىڭ تىرشىلىك تىنىسىنا يە بولدى، ءارى ءتارتىپتى دە جۇيەلى بولدى. ءسويتىپ، جۇڭگوشا ەرەكشەلىككە يە سوتسياليستىك ءتۇزىمنىڭ باسىمدىعى ۇزدىكسىز تۇردە مەملەكەتتى زاڭمەن باسقارۋدىڭ ءىس جۇزىندىك يقۋاتىنا وزگەردى.

جاۋاپتى رەداكتور: گۇلدەن ماقسات قىزى