پارتيانىڭ باسشىلىعىنا تاباندى بولۋ ءۇشىن پارمەندى زاڭ كەپىلىن ازىرلەيىك

  • كەلۋ قاينارى:
  • 04:58:04 18/04/2018

      __ جۇڭگو ساياسي – زاڭ ۋنيۆەرسيتەتىنىڭ باستىعى حۋاڭ جينمەن سۇحپات

    ۋەي جى–جى

    3–ايدىڭ 11–كۇنى مەملەكەتتىك 13–كەزەكتى حالىق قۇرىلتايىنىڭ 1–ءماجىلىسىنىڭ ٴۇشىنشى جالپى جيىنىندا «جۇڭحۋا حالىق رەسپۋبليكاسىنىڭ نەگىزگى زاڭعا وزگەرىس ەنگىزۋ جوباسى» ماقۇلداندى. وسىنىڭ ىشىندە جۇڭگو كوممۋنيستىك پارتياسىنىڭ جاپپاي باسشىلىعىنا تاباندى بولۋ جانە ونى كۇشەيتۋ جونىندەگى مازمۇن وسى رەتكى نەگىزگى زاڭعا وزگەرىس ەنگىزۋدەگى نەگىزگى ءتۇيىن بولدى. سونىمەن ٴتىلشى جۇڭگو ساياسي–زاڭ ۋنيۆەرسيتەتىنىڭ باستىعى حۋاڭ جيىنعا ارنايى تىلشىلىك ىستەي باردى.

    ءتىلشى: نەگىزگى زاڭعا وزگەرىس ەنگىزۋ − دەموكراتيانى تولىق ساۋلەلەندىرۋ، ورتاق تانىمعا كەلۋ نەگىزىندە جۇرگىزىلدى. جۇڭگو كوممۋنيستىك پارتياسىنىڭ باسشىلىعىنا تاباندى بولۋ جانە ونى كۇشەيتۋ جاعىنداعى مازمۇنعا وزگەرىس ەنگىزۋدىڭ ءمانى نە؟

    حۋاڭ جين: نەگىزگى زاڭ–مەملەكەتتىڭ ٴتۇبىرلى ءىرى زاڭى، مەملەكەتتى باسقارىپ، حالىقتى الاڭسىز ەتەتىن باس ۋستاۆ، پارتيا مەن حالىق ەركىنىڭ شوعىرلى بەينەلەنۋى، مەملەكەتتىڭ ٴتۇرلى تۇزىمدەرى مەن زاڭ–ەرەجەلەرىنىڭ جالپى نەگىزى. نەگىزگى زاڭعا وزگەرىس ەنگىزۋ مەملەكەتتىڭ ساياسي تۇرمىسىنداعى كەلەلى ءىس. ەرەكشە اتاپ وتۋگە تاتيتىنى، وسى رەتكى نەگىزگى زاڭعا وزگەرىس ەنگىزۋ پارتيا باسشىلىعىن پارمەندى نەگىزگى زاڭمەن قامتاماسىز ەتتى.

    پارتيا 19–قۇرىلتايىنىڭ بايانداماسىندا بايىمدالعان جاڭا داۋىردەگى جۇڭگوشا ەرەكشەلىككە يە سوتسياليزم يدەياسى مەن نەگىزگى جوباسىندا بىلاي دەپ ايقىن اتاپ كورسەتىلگەن: جۇڭگوشا سوتسياليزمنىڭ ەڭ ماندىك ەرەكشەلىگى _ جۇڭگو كوممۋنيستىك پارتياسىنىڭ باسشىلىعى، جۇڭگوشا سوتسياليستىك ءتۇزىمنىڭ ەڭ زور ابزالدىعى _ جۇڭگو كوممۋنيستىك پارتياسىنىڭ باسشىلىعى، پارتيامىز ەڭ جوعارى ساياسي باسشىلىق كۇش؛ پارتيا _ بارىنە باسشىلىق ەتەدى. پارتيانىڭ بارلىق قىزمەتكە بولعان باسشىلىعىنا تاباندى بولۋ، جاڭا داۋىردە جۇڭگوشا سوتسياليزمگە تاباندى بولۋ مەن ونى دامىتۋدىڭ تۇڭعىش نەگىزگى جوباسى، سونداي – اق ەلىمىزدىڭ ساياسي تۇرمىسى مەن قوعامدىق تۇرمىسىنىڭ ەڭ جوعارعى ساياسي پرينسىبى.

    پارتيا 19 – كەزەكتى ورتالىق كوميتەتىنىڭ ەكىنشى جالپى ماجىلىسىندە قاراپ ماقۇلدانعان «ج ك پ ورتالىق كوميتەتىنىڭ نەگىزگى زاڭنىڭ ٴىشىنارا مازمۇندارىنا وزگەرىس ەنگىزۋ جونىندەگى ۇسىنىسىندا» بىلاي دەلىنگەن: «جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى» دەگەن مازمۇندى نەگىزگى زاڭنىڭ جالپى پروگرامماسىنداعى 1 ـ تارماقتىڭ ەكىنشى تارماقشاسىنا جازۋ ۇسىنىس ەتىلگەن. مەملەكەتتىڭ نەگىزگى تۇزىمىنە قاتىستى تاراۋعا وزگەرىس ەنگىزۋ ۇسىنىسى پارتيانىڭ باسشىلىعى مەن جۇڭگوشا سوتسياليستىك ٴتۇزىمنىڭ ىشكى بايلانىسىن ورگانيكالى تۇردە بىرلىككە كەلتىرىپ، پارتيا 19–قۇرىلتايىنىڭ رۋحى مەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، نەگىزگى زاڭنىڭ كەمەلدى دامۋىن ىلگەرىلەتۋدەگى ماڭىزدى شارا. ماركستىك ساياسي پارتيانىڭ قۇرىلىسى جونىندەگى نازاريانىڭ قولدانىلۋى جانە دامىتىلۋى، سونداي–اق كوممۋنيستىك پارتيانىڭ بيلىك جۇرگىزۋ زاڭدىلىعى جانە سوتسياليستىك قۇرىلىس زاڭدىلىعى جونىندەگى تانىمنىڭ تەرەڭدەتىلۋى بولىپ تابىلادى.

جاۋاپتى رەداكتور: گۇلدەن ماقسات قىزى