پارتيانىڭ باسشىلىعىنا تاباندى بولۋ ءۇشىن پارمەندى زاڭ كەپىلىن ازىرلەيىك

  • كەلۋ قاينارى:
  • 04:58:04 18/04/2018

    دەموكراتيانى تولىق ساۋلەلەندىرۋ، ورتاق تانىمدى كەڭ كولەمدى شوعىرلاندىرۋ نەگىزىندە قويىلعان وزگەرىس ەنگىزۋ جونىندەگى ۇسىنىس بۇكىل پارتيانىڭ، بۇكىل ەلدەگى ٴار ۇلت حالقىنىڭ ورتاق تىلەگىن بەينەلەيدى، پارتيانىڭ دارىپتەمەسى مەن حالىق ەركىنىڭ وسكەلەڭ بىرلىگىن ايگىلەيدى. بۇكىل پارتيانىڭ، بۇكىل ەلدەگى ٴار ۇلت حالقىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن كۇرەس جاساۋداعى ورتاق نەگىزگى زاڭ نەگىزىن بەكەمدەپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋدە كەلەلى رەال جانە تەرەڭ تاريحي مانگە يە.

    ءتىلشى: جاڭادان ماقۇلدانعان نەگىزگى زاڭعا وزگەرىس ەنگىزۋ جوباسى جاڭا داۋىردەگى پارتيانىڭ بارلىق قىزمەتكە بولعان باسشىلىعىنا تاباندى بولۋدا قانداي كەلەلى مانگە يە؟

    حۋاڭ جين: پارتيا ورتالىق كوميتەتىنىڭ نەگىزگى زاڭعا وزگەرىس ەنگىزۋ جونىندەگى پىكىرىنە ساي، وسى رەت نەگىزگى زاڭعا وزگەرىس ەنگىزىلدى، نەگىزگى زاڭنىڭ العى سوزىندە پارتيانىڭ باسشىلىق ورىنى تۇراقتاندىرىلۋ نەگىزىندە، نەگىزگى زاڭنىڭ باس پروگرامماسىندا بەلگىلەنگەن مەملەكەتتىڭ ٴتۇبىرلى تۇزىمىندە «جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى» دەپ ايقىن بەلگىلەنگەن، مۇندا نەگىزگى زاڭداعى «ٴارقانداي ۇيىمنىڭ نەمەسە جەكەنىڭ سوتسياليستىك ٴتۇزىمدى بۇلدىرۋىنە تيىم سالىنادى» دەگەن بەلگىلەمەنىڭ «پارتيا باسشىلىعىن بۇلدىرۋگە تيىم سالىنادى» دەگەن ىشكى ءمانى قامتىلعان.

    وسىلايشا پارتيانىڭ باسشىلىق ورنىن ءتىپتى دە كۇشەيتكەن نەگىزگى زاڭنىڭ بەدەلى بۇكىل ەلدەگى ٴار ۇلت حالقىنىڭ، مەملەكەت ورگاندارى مەن قارۋلى كۇشتەردىڭ، ٴارقايسى ساياسي پارتيالار مەن قوعامدىق ۇيىمداردىڭ، ءار سالاداعى كاسىپورىن جانە ٴىسورىن ۇيىمدارىنىڭ پارتيانىڭ باسشىلىعىنا تاباندى بولىپ، پارتيا باسشىلىعىن سانالىلىقپەن قورعاۋ سانالىلىعىن كۇشەيتەدى؛ پارتيانىڭ باسشىلىعىنا قارسى تۇراتىن، سوققى بەرەتىن جانە پارتيانىڭ باسشىلىعىن تەرىسكە شىعاراتىن ارەكەتتەرگە كۇشتى سەس كورسەتەدى، سونداي – اق، مۇنداي ارەكەتتەردى جازالاۋدا نەگىزگى زاڭنىڭ فاكتتەرىمەن قامدايدى.

    وسى رەتكى نەگىزگى زاڭعا وزگەرىس ەنگىزۋدە «جۇڭگو كوممۋنيستىك پارتياسىنىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى» دەگەن مازمۇننىڭ نەگىزگى زاڭعا كىرگىزىلۋى، سوتسياليزمنىڭ ماندىك قاسيەتى جاعىنان پارتيانىڭ مەملەكەت ىشىندەگى باسشىلىق ورنىن تۇراقتاندىردى، بۇل پارتيانىڭ باسشىلىعىن مەملەكەتتىڭ ساياسي ءومىرى مەن قوعامدىق ٴومىرىنىڭ بارلىق سالاسىندا دايەكتى تياناقتاندىرىپ، بۇكىل پارتياداعى، بۇكىل ەلدەگى ٴار ۇلت حالقىنىڭ يدەيا، ساياسي، ارەكەتتە بىردەي بولۋىن جۇزەگە اسىرۋعا ءتيىمدى.

    مۇنداي وزگەرىس ەنگىزۋ پارتيانىڭ 18–قۇرىلتايىنان بەرى بىرتىندەپ قالىپتاسقان. پارتيانىڭ 19–قۇرىلتايىندا بەلگىلەنگەن ماڭىزدى نازاريالىق كوزقاراستار مەن ٴىرى باعىت–ساياساتتاردىڭ مەملەكەتتىڭ ٴتۇبىرلى ءىرى زاڭىنا ەنگىزىلۋى پارتيا مەن مەملەكەت ىستەرىنىڭ دامۋىنداعى جاڭا ناتيجەلەردى، جاڭا تاجىريبەلەر مەن جاڭا تالاپتاردى بەينەلەۋمەن بىرگە جاڭا داۋىردە بارلىق قىزمەتكە پارتيا باسشىلىق ەتۋدە تاباندى بولۋدى، جاڭا داۋىردە جۇڭگوشا سوتسياليزمدە تاباندى بولۋ مەن ونى دامىتۋدى، جاڭا داۋىردە جاپپاي دوڭگەلەك داۋلەتتى قوعامدى، وسىزاماندانعان قۇدىرەتتى ەل قۇرىپ، جۇڭحۋا ۇلتىنىڭ ۇلى گۇلدەنۋى سىندى سوتسياليستىك جۇڭگو ارمانىن جۇزەگە اسىرۋدى پارمەندى نەگىزگى زاڭمەن قامتاماسىزداندىرادى.

    حانزۋشادان اۋدارعان جازيرا بولاتباي قىزى

جاۋاپتى رەداكتور: گۇلدەن ماقسات قىزى