پارتيانىڭ وزىندىك توڭكەرىسى _ ۇلى قوعامدىق توڭكەرىستىڭ قۇدىرەتتى قوزعاۋشى كۇشى

  • كەلۋ قاينارى: ىلە گازەتى
  • 08:12:35 27/04/2018

    يان شياۋفىڭ

    

    شي جينپيڭ جولداس پارتيا 19–قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ–تالقىلاۋ كلاسىنىڭ وقۋ باستاۋ سالتىندا سويلەگەن ماڭىزدى سوزىندە بىلاي دەپ اتاپ كورسەتتى: جاڭا داۋىردە جۇڭگوشا سوتسياليزمدە تاباندى بولۋ جانە ونى دامىتۋ سىندى ۇلى قوعامدىق توڭكەرىستى ويداعىداي جۇرگىزۋ ءۇشىن، پارتيامىز وزىندىك توڭكەرىستى باتىلدىقپەن جۇرگىزىپ، پارتيانى اناعۇرلىم قايسار، قۋاتتى ەتىپ قۇرۋى كەرەك. اتالعان ماڭىزدى تۇجىرىم پارتيانىڭ وزىندىك توڭكەرىسى مەن ۇلى قوعامدىق توڭكەرىس اراسىنداعى ديالەكتيكالىق قاتىناستى پايىمدادى؛ پارتيانىڭ وزىندىك توڭكەرىسىن باتىلدىقپەن جۇرگىزۋ–جاڭا داۋىردەگى ۇلى قوعامدىق توڭكەرىستە جەڭىسكە قول جەتكىزۋدىڭ قۇدىرەتتى قوزعاۋشى كۇشى جانە ءتۇبىرلى كەپىلى.

    پارتيانىڭ وزىندىك توڭكەرىسى ارقىلى ۇلى قوعامدىق توڭكەرىستىڭ جەڭىسكە قول جەتكىزۋىن جەبەۋ–پارتيامىزدىڭ باعالى تاجىريبەسى

    ءبىر قىزىل كەمە ءبىر ءىرى پارتيانى جاراتتى، ءبىر ساياسي پارتيا ءبىر ۇلتتىڭ تاعدىرىن وزگەرتتى. جۇڭگو كوممۋنيستىك پارتياسىنىڭ 97 جىلدىق كۇرەس جۇرگىزۋ بارىسى–ۇلى قوعامدىق توڭكەرىستى ۇزدىكسىز ىلگەرىلەتىپ، جۇڭحۋا ۇلتىنىڭ ۇلى كوركەيۋىن جۇزەگە اسىرۋدىڭ شۇعىلالى تاريحى. ۇلى قوعامدىق توڭكەرىستىڭ باستالۋىن، ورىستەتىلۋىن، تابىستى بولۋىن ءارى ۇزدىكسىز العا باسۋىن قوعامدىق نەگىزگى قايشىلىقتار جانە ءارقايسى تاريحي داۋىردەگى قوعامداعى باستى قايشىلىقتار بەلگىلەگەن، سونداي–اق پارتيامىزدىڭ وزىندىك توڭكەرىس ارقىلى شىڭداعان بەرىك باسشىلىق ۇيىتقىسى جەبەگەن.

    پارتيانىڭ وزىندىك توڭكەرىسى–ۇلى قوعامدىق توڭكەرىستىڭ جەبەۋشىسى. جۇڭگو كوممۋنيستىك پارتياسى قۇرىلعالى بەرى حالىققا باسشىلىق ەتىپ، جاڭا دەموكراتيالىق توڭكەرىستى جۇرگىزىپ، ءۇش ۇلكەن تاۋدى اۋدارىپ تاستاپ، جاڭا جۇڭگونى قۇردى؛ سوتسياليستىك توڭكەرىستى جۇرگىزىپ، سوتسياليستىك نەگىزگى ءتۇزىمدى ورناتتى؛ رەفورما جاساۋ، ەسىك اشۋ ۇلى توڭكەرىسىن جۇرگىزىپ، مەملەكەت پەن ۇلتتىڭ دامۋىنا بوگەت بولاتىن بارلىق يدەيالىق جانە تۇزىلىستىك كەدەرگىلەردى الاستاپ، جۇڭگوشا سوتسياليزم جولىن اشتى. ايتالىق 1929–جىلى اشىلعان گۋتيان ءماجىلىسى، 1942–جىلى باستالعان يان–انداعى ستيل دۇرىستاۋ قوزعالىسى سياقتىلاردىڭ بارلىعى پارتيامىزدىڭ تەرەڭ وزىندىك توڭكەرىس جۇرگىزۋىنىڭ تابىستى امالياتى. جاڭا جۇڭگو قۇرىلعاننان كەيىن، اسىرەسە، رەفورما جاساپ ەسىك اشقاننان بەرى، پارتيامىز ەمتيعان بەرۋ جولىندا ەشقاشان سالعىرتتانباي، پارتيانىڭ وزىندىك توڭكەرىسىن جالعاستى ىلگەرىلەتىپ، پارتيا قۇرىلىسىندا جارىققا شىققان تىڭ ماسەلەلەردى كۇش سالا شەشتى، اسىرەسە، پارتيا ىشىندە جارىققا شىققان شىرىكتەسۋ ماسەلەسىن كۇش سالا شەشىپ، پارتيانىڭ باستان–اياق جۇڭگوشا سوتسياليزم ىستەرىنىڭ بەرىك باسشىلىق ۇيىتقىسى بولۋىن شىنايى قامتاماسىز ەتتى.

    پارتيانىڭ وزىندىك توڭكەرىسى ۇلى قوعامدىق توڭكەرىسكە بەرىك باسشىلىق ۇيىتقىنى جاراتىپ بەردى. ءبىر جارتىلاي وتار، جارتىلاي فەودالدىق قوعامدا سوتسياليستىك ەل قۇرۋدىڭ، ءبىر ەكونوميكاسى، مادەنيەتى مەشەۋ شىعىستاعى ءىرى ەلدە سوتسياليزم قۇردىڭ، دۇنيەدە وراسان زور وزگەرىس بولعان ءداۋىر تۇسىندا جۇڭگوشا سوتسياليزم قۇرۋدىڭ قاي–قايسىسى دا تۇرلىشە سيپاتتاعى جانە مازمۇنداعى قوعامدىق توڭكەرىسكە سۇيەنىپ تاريحي بۇرىلىستى جەبەپ، قوعامدى العا باستىرۋعا مۇقتاج.

جاۋاپتى رەداكتور: جازيرا بولاتباي قىزى