پروكۋراتۋرانىڭ ايبارىن ارتتىرىپ، قوعام ورنىقتىلىعى مەن مەملەكەت حاۋىپسىزدىگىنىڭ ادال قورعاۋشىلارىنان بولايىق

  • كەلۋ قاينارى: ىلە گازەتى
  • 05:25:30 02/05/2018

  

    ىلە قازاق اۆتونوميالى وبلىستىق حالىق پروكۋراتۋراسىنىڭ باس پروكۋرورى دالەلقان سابىرقان ۇلى

 

    مەن پروكۋراتۋرا ورگانىندا ۇزاق ۋاقىت قىزمەت ىستەپ، پارتيانىڭ ءتالىم–تاربيەسى مەن باۋلۋىندا ەسەيىپ – ەرجەتكەن ءبىر از ۇلت پارتيالى باسشى كادرمىن. پارتيامىزدىڭ تاماشا ساياساتىنىڭ كەڭ حالىق بۇقاراسىن باي–باقىتتى تۇرمىسقا بولەگەندىگى مەنى تەرەڭ اسەرلەندىردى. مەن پارتيانىڭ تاربيەلەۋى مەن ماپەلەۋىنە، سونداي–اق ءبىزدى بۇگىنگى بەرەكەلى دە ورنىقتى زامان مەن باي–باقىتتى تۇرمىسقا جەتكىزگەندىگىنە شەكسىز العىس ايتامىن. مەن شينجياڭدا ەسەيىپ–ەرجەتتىم، بالا كەزىمدەگى كورشى–قولاڭ، ءار ۇلت بۇقاراسىنىڭ ءوزارا قويۋ ارالاسىپ، ىنتىماقتى، تاتۋ–ءتاتتى وتكەن كۇندەرى مەنىڭ ماڭگىلىك ەستەن كەتپەس ەستەلىگىم بولدى. مەن ءار ۇلت بۇقاراسى بەرەكەلى بولىپ، تاتۋ–ءتاتتى ارالاسقان وسىنداي ۇلكەن شاڭىراقتى، ۇلى وتانىمدى، تۋىپ وسكەن وسى اتا مەكەنىمدى قىزۋ سۇيەمىن. الايدا، «ءۇش ءتۇرلى كۇشتىڭ» وتانىمىزدى بولشەكتەۋ قاسكۇنەمدىگىن تيتتەي دە توقتاتپاي وتىرعاندىعىن اماليات بولاتتاي فاكتتەرمەن دالەلدەپ وتىر. تاريحتى ەستەن شىعارماۋ ءبىزدىڭ بورىشىمىز، شينجياڭ ەجەلدەن بەرى ۇلى وتانىمىزدىڭ بولىنبەس بولەگى، سوناۋ باتىس حان داۋىرىنەن باستاپ كوپ ۇلتتى مەملەكەتىمىزدىڭ بولىنبەس ءبىر بولەگىنە اينالعان. بولشەكتەۋشىلەردىڭ وتاندى بولشەكتەۋگە سۇقتانۋى شەگىنەن اسقان قىلمىس ەكەنىن، ەڭ سوڭىندا وزدەرى قۇرىپ جوعالاتىندىعىن تاريح جاندى رەال مىسالدارمەن دالەلدەپ وتىر. سوندىقتان، ءبىز يدەولوگيا سالاسىنداعى بولشەكتەۋشىلىككە قارسى كۇرەستى ىشكەرىلەي جۇرگىزىپ، ولاردىڭ تاريحتى بۇرمالاپ، وزگەرتۋگە ۇرىنعان قارانيەت–قاسكۇنەمدىگىن ايپاراداي اشكەرەلەپ جانە سىن تەزىنە الىپ، قاتاڭ سوققى بەرۋ كۇرەسىن تيتتەي دە بوساڭسىتپاي ولارمەن باتىل كۇرەس جاساۋىمىز كەرەك. كەزەكتە شينجياڭنىڭ «ءۇش كەزەڭ قاباتتاسۋ» جاعدايى تۇبىرىنەن وزگەرمەدى، ءبىزدىڭ «ءۇش ءتۇرلى كۇشپەن» بولعان كۇرەسىمىز ۇزاق ۋاقىتتىق، كۇردەلى، قيان–كەسكى كۇرەس، كەي ۋاقىتتا ءتىپتى دە شيەلەنىسىپ كەتەدى. قوعام ورنىقتىلىعى _ باس نىسانا، ءبىرىنشى تالاپ ءارى باياندى تىنىشتىقتىڭ نەگىزى بولىپ تابىلادى.

    پروكۋراتۋرا ورگانى _ پارتيانىڭ قۇرىش قورعانى، ول قوعام ورنىقتىلىعى مەن مەملەكەت حاۋىپسىزدىگىن قورعاۋ بارىسىندا جاپالى مىندەت، داڭقتى بورىش ارقالاپ وتىر. مەن ءبىر باس پروكۋرور بولعاندىعىم ءۇشىن، ءسوزسىز،ءتىپتى دە اۋىر جاۋاپكەرلىك ارقالاۋىم كەرەك. باس شۋجي شي جينپيڭ ورتالىقتىڭ شينجياڭ قىزمەتى جونىندەگى ەكىنشى رەتكى اڭگىمە ماجىلىسىندە: «شينجياڭدا كادرلاردى باعالاۋدا، ەڭ اۋەلى وتاننىڭ تۇتاستىعىن قورعاۋ، ۇلتتىق بولشەكتەۋشىلىككە قارسى تۇرۋداعى يدەيالىق تانىمى مەن ءىس جۇزىندىك بەينەسىنە قاراۋ كەرەك» –دەپ اتاپ كورسەتكەن ەدى. مەن ءبىر پارتيالى باسشى كادرمىن، ورنىقتىلىقتى قورعاۋدى، استە، ەستەن شىعارماي، ساياسي جاۋاپكەرلىكتى كوكەيدە بەرىك ساقتاپ، ساياسي مايداننان، استە، اۋىتقىماي، ساياسي باعداردى دۇرىس مەڭگەرىپ، جاۋاپكەرلىكتى باتىل ارقالاپ، جولداستارمەن ءبىر جاعادان باس، ءبىر جەڭنەن قول شىعارا وتىرىپ، پروكۋرورلىق فۋنكتسيامىزدى ويداعىداي ساۋلەلەندىرىپ، قاتاڭ سوققى بەرۋ ارناۋلى كۇرەسىن ىشكەرىلەي قانات جايدىرىپ، كەشەندى ءادىس–شارا قولدانىپ، لاڭكەستەرگە سىلەيتە سوققى بەرىپ، لاڭكەستىك ارەكەتتەردىڭ قاينارىن باتىل جويۋىمىز، ءىستى ەرتە باستان، شاعىن كولەمنەن، جەدەل دە ويداعىداي مەڭگەرۋگە تاباندى بولىپ، جاۋدىڭ «قالدىق كۇشتەرىن تاۋىپ شىعىپ، ءوسىپ–ءوربۋىن تەجەپ، تامىرىنا بالتا شاۋىپ»، لاڭكەستىك توپتار مەن لاڭكەستەرگە دالمە–ءدال، جەرىنە جەتە سوققى بەرىپ، ولاردىڭ اپتىعىن باسىپ، باس نىسانانى بۇلجىماي تياناقتاندىرىپ، جاۋ كۇشتەرگە جۇدىرىقتى ءدال سىلتەپ، مەملەكەت حاۋىپسىزدىگىنە كەپىلدىك ەتۋدى ونان ارى كۇشەيتىپ، تىنىش ىلە قۇرىلىسىن بار كۇشپەن ىلگەرىلەتۋىمىز كەرەك.

جاۋاپتى رەداكتور: گۇلدەن ماقسات قىزى