ايەل جۇمىسشى–قىزمەتشىلەردىڭ رولىن بارىنشا ساۋلەلەندىرىپ، كاسىپورىننىڭ اقاۋسىز دامۋىن ىلگەرىلەتەيىك

  • كەلۋ قاينارى: ىلە گازەتى
  • 05:27:12 02/05/2018

    2. ايەل جۇمىسشى–قىزمەتشىلەردىڭ مادەنيەت، تەحنيكا ساپاسىن جوعارىلاتۋعا كۇش سالۋ

    كاسىپورىندى دامىتۋدا ءبىر جاقسى باسشىلىق القانىڭ بولۋى، جابدىقتاردىڭ وزىق بولۋى، باسقارۋ تۇزىمدەرىنىڭ قاتاڭ بولۋىمەن بىرگە، ەڭ ماڭىزدىسى كاسىپتىك–تەحنيكالىق قابىلەت يەلەرىنىڭ بولۋى وتە قاجەت. سوندىقتان كاسىپورىنداعى جۇمىسشىلار ۇيىمى، ايەلدەر قىزمەت ۇيىمى ايەل جۇمىسشى–قىزمەتشىلەردىڭ مادەنيەت، تەحنيكا ساپاسىن جوعارىلاتۋعا ءمان بەرىپ، ولاردى مەرزىمدى تۇردە تاربيەلەپ تۇرۋ ءتيىس. اسىرەسە، كاسىپورىندا جىل سايىن تەحنيكالىق جاتتىعۋ جارىسىن، «جەلەكتىلەردىڭ ەڭبەك كورسەتۋ»، «ايەل شەبەر بولۋ»، «تاپقىرلىق، جاڭالىق جاراتۋ» سياقتى ەڭبەك باسەكەسىن ورىستەتۋمەن بىرگە، ەڭبەك وزاتتارىنان، ۇزدىك جۇمىسشىلاردان، ۇزدىك شەبەرلەردەن ۇيرەنىپ، قالتقىسىز ۇلەس قوسۋ، اقىلعا ۇيلەسەتىن ۇسىنىس–پىكىرلەردى بەرۋ سياقتى قيمىلداردى ءورىس الدىرىپ، ايەلدەردىڭ جارتى الەمدىك رولىن ساۋلەلەندىرۋمەن بىرگە، وتباسىندا «جاقسى جۇباي بولۋ»، «جاقسى انا بولۋ»، «جاقسى پەرزەنت بولۋ» وبرازىن جاقسى ساۋلەلەندىرىپ، جاڭا داۋىردەگى تولىمدى ايەلدەردەن بولۋعا كۇش سالۋ كەرەك.

    3. ايەل جۇمىسشى–قىزمەتشىلەردى ەڭبەكتە قورعاۋ جۇمىسىن ويداعىداي ىستەۋ

    ايەلدەردى ەڭبەكتە قورعاۋ پارتيا مەن مەملەكەتىمىزدىڭ ايەلدەردىڭ زاڭدى ۇقىق–مۇددەسىن قورعاۋداعى ماڭىزدى قىزمەتىنىڭ ٴبىرى. كاسىپورىنداعى جۇمىسشىلار ۇيىمى، ايەلدەر قىزمەت ۇيىمى اكىمشىلىك تاراۋلارمەن سەلبەسىپ، ايەل جۇمىسشى–قىزمەتشىلەردى ەڭبەكتە قورعاۋ جۇمىسىن ويداعىداي ىستەۋ كەرەك. سوڭعى جىلدان بەرى مەملەكەتتىك كەڭەس، اۆتونوميالى رايون ىلگەرىندى–كەيىندى بولىپ «ايەل جۇمىسشى–قىزمەتشىلەردى ەڭبەكتە قورعاۋ بەلگىلەمەسىن»، «ايەلدەردىڭ زاڭدى ۇقىق–مۇددەسىن قامتاماسىزداندىرۋ زاڭى»، «ەڭبەك زاڭى» جانە جاڭادان وزگەرىس ەنگىزىلگەن «اۆتونوميالى رايوننىڭ حالىق سانى جانە جوسپارلى تۋىت ەرەجەسى» سياقتى ٴبىر قىدىرۋ زاڭ–ەرەجەلەردى جاريالادى. بۇل زاڭ–ەرەجەلەردىڭ كاسىپورىنداعى اتقارىلۋى ٴبىرشاما جاقسى بولدى، دەسە دە، جۇمىسشى–قىزمەتشىلەردىڭ ٴتول مۇددەسىنە قايشى كەلەتىن ٴىشىنارا ماسەلەلەر ٴالى دە ٴومىر سۇرۋدە. سوندىقتان كاسىپورىنداعى جۇمىسشىلار ۇيىمى، ايەلدەر قىزمەت ۇيىمى ٴىس جۇزىندىك جاعدايدى شىعار ٴتۇيىن ەتىپ، ورتاسى ناشار سەحتاردا ىستەيتىن ايەل جۇمىسشى–قىزمەتشىلەردىڭ دەنساۋلىعىن مەرزىم بويىنشا تەكسەرتىپ، اۋرۋى بارلارىن ەمدەتىپ ساۋىقتىرۋعا ٴمان بەرگەن ٴجون. اسىرەسە، ايەلدەردىڭ «5 مەزگىلدىك قورعاۋىن»، جۇكتى بولعانىنا جەتى اي تولعاندارىن تۇنگى كەزەكشىلىكتەن كۇندىزگى كەزەكشىلىككە اۋىستىرۋ، ٴوندىرىس مىندەتىن ازايتۋ ٴارى دەمالاتىن، تازالىق ۇيلەرىن قۇرۋ، بوسانعاندا 158 كۇن دەمالىس ۋاقىت بەرۋ سياقتى قىزمەتتەردى سەلبەسىپ ويداعىداي مىقتى يگەرۋ ٴتيىس. سونىمەن بىرگە كاسىپورىنداعى جۇمىسشىلار ۇيىمى، ايەلدەر قىزمەت ۇيىمى وتباسىندا قيىنشىلىعى بار جۇمىسشى–قىزمەتشى، ەڭبەك وزاتتارىنان حال سۇراپ، ۇلتتار ىنتىماعىنىڭ بەرەكەلى شاڭىراعى قيمىلىن ٴورىس الدىرىپ، ٴوزارا سىرلاسىپ، ٴوزارا كومەكتەسىپ، ولاردىڭ ناقتى قيىنشىلىقتارىن شەشۋ كەرەك. سونىمەن بىرگە، كاسىپورىن جۇمىسشىلار ۇيىمى، ايەلدەر قىزمەت ۇيىمى نەگىزگى ساتىلارعا ىشكەرىلەي ارالاسىپ، ايەل جۇمىسشىلاردى توقتامنان سەبەپسىز بوساتۋ، ەڭبەكاقىلارىن كەشەۋىلدەتىپ تاراتۋ، قامسىزداندىرۋ اقىلارىن ۋاعىندا تاپسىرماۋ سياقتى، ولاردىڭ ٴتول مۇددەسىنە زيان جەتكىزەتىن جايتتەردىڭ تۋىلۋىنان ساقتانىپ، باقىلاپ–باسقارۋدى كۇشەيتىپ، ماسەلەنى ٴادىل، دۇرىس شەشىم ەتۋگە كەپىلدىك ەتۋ كەرەك.

جاۋاپتى رەداكتور: گۇلدەن ماقسات قىزى