تاۋار ايىرباسى پرينسيبىنىڭ پارتيانىڭ ىشكى تۇرمىسىن بۇلدىرۋىنە سانالى تۇردە تيىم سالايىق

  • كەلۋ قاينارى: ىلە گازەتى
  • 06:22:46 02/05/2018

    ۇقىقتىڭ تاۋارلانۋىنان باتىل ساقتانايىق

     يان پان، ۋي شيڭحۋا

 

    پارتيا 19–قۇرىلتايىنىڭ بايانداماسىندا بىلاي دەپ اتاپ كورسەتىلگەن: «تاۋار ايىرباسى پرينسيبىنىڭ پارتيانىڭ ىشكى تۇرمىسىن بۇلدىرۋىنە سانالى تۇردە تيىم سالىپ، تازا دا جايلى، تاماشا ەكولوگيا قالىپتاستىرۋ كەرەك». تاۋار ايىرباسى پرينسيبىنىڭ پارتيانىڭ ىشكى تۇرمىسىن بۇلدىرۋىنە تيىم سالۋدا ەڭ الدىمەن تاۋار ايىرباسى پرينسيبىنىڭ نە ەكەنىن، ونىڭ پارتيانىڭ ىشكى تۇرمىسىن قالاي بۇلدىرەتىندىگىن ٴبىلۋ كەرەك.

    سوتسياليزم شارت–جاعدايىندا بازار شارۋاشىلىعىن دامىتۋ _ پارتيامىزدىڭ ۇلى جاسامپازدىعى. رەفورما جاسالىپ، ەسىك اشىلعاننان بەرى سوتسياليستىك بازار شارۋاشىلىعىن دامىتۋدىڭ نازارياسى مەن امالياتى ۇزدىكسىز تەرەڭدەتىلدى. پارتيا 12–قۇرىلتايىنىڭ بايانداماسىندا: «جوسپارلى شارۋاشىلىقتى نەگىز، بازار شارۋاشىلىعىن قوسىمشا ەتۋ» دەپ، پارتيا 12–كەزەكتى ورتالىق كوميتەتىنىڭ ٴۇشىنشى جالپى ماجىلىسىندە ماقۇلدانعان: «ج ك پ ورتالىق كوميتەتىنىڭ ەكونوميكالىق ٴتۇزىلىس رەفورماسى جونىندەگى قاۋلىسىندا: «جالپىلىق مەنشىك نەگىزىندەگى جوسپارلى تاۋار شارۋاشىلىعى» دەپ، پارتيا 13–قۇرىلتايىنىڭ بايانداماسىندا:«سوتسياليستىك جوسپارلى تاۋار شارۋاشىلىعى ٴتۇزىلىسى _ جوسپار مەن بازار ىشكى جاقتا بىرلىككە كەلگەن ٴتۇزىلىس بولۋعا ٴتيىس» دەپ العا قويىلىپ، پارتيا 13–كەزەكتى ورتالىق كوميتەتىنىڭ ٴتورتىنشى جالپى ماجىلىسىنەن كەيىن جوسپارلى تاۋار شارۋاشىلىعىن دامىتۋعا ۇيلەسەتىن، جوسپارلى شارۋاشىلىق پەن بازار ارقىلى تەڭشەۋ ۇشتاستىرىلعان ەكونوميكالىق ٴتۇزىلىس پەن اينالىم مەحانيزمىن ورناتۋ كەرەكتىگى ورتاعا قويىلدى، ال، پارتيا 14–قۇرىلتايى بايانداماسىندا سوتسياليزم مەن بازار شارۋاشىلىعىن ۇشتاستىرىپ، سوتسياليستىك بازار شارۋاشىلىعى ٴتۇزىلىسىن ورناتۋ كەرەكتىگى ايقىن اتاپ كورسەتىلدى. سودان باستاپ ەلىمىزدىڭ سوتسياليستىك بازار شارۋاشىلىعى ٴتۇزىلىسى العاشقى ادىمدا ورناتادى ٴارى رەفورمانىڭ تەرەڭدەۋىمەن كەمەلدەنە ٴتۇستى. سوتسياليستىك بازار شارۋاشىلىعىندا بازار بايلىقتى ورنالاستىرۋدا شەشۋشى رول اتقاراتىندىقتان تاۋار ايىرباسى پرينسيبىنە قۇرمەت ەتىلەدى. تاۋار ايىرباسى پرينسيبى دەگەنىمىز _ تەڭ باعادا ايىرباستاۋ، ەكى جاققا دا پايدالى بولۋ، ساپاسىنا قاراي باعا قويۋ، ٴادىل ساۋدا جاساسۋ دەگەندىك.

    سوتسياليستىك بازار شارۋاشىلىعىن دامىتۋ قوعامدىق وندىرگىش كۇشتى ازات ەتىپ ٴارى دامىتىپ، ەلىمىزدىڭ ەكونوميكاسى مەن قوعامىنىڭ دامۋىن ىلگەرىلەتۋدە توتەنشە ماڭىزدى رول اتقارادى. دەسە دە پارتيامىز ۇزاق ۋاقىتتىق ٴارى كۇردەلى بازار شارۋاشىلىعى سىناعىنا ٴدوپ كەلۋدە، مۇنىڭ ىشىندە ۇلكەن سىناقتىڭ ٴبىرى _ تاۋار ايىرباسى پرينسيبىنىڭ پارتيانىڭ ىشكى تۇرمىسىن بۇلدىرۋىنەن بارىنشا قىراعى بولۋ مەن وعان تيىم سالۋ.

    بارشا پارتيا مۇشەلەرىنىڭ جەكەلىك ارەكەتى ۇقساماعان ەكى تۇرگە بولىنەدى: ٴبىرى _ پارتيا مۇشەلەرىنىڭ جەكەلىك، وتباسىلىق كۇندەلىكتى تۇرمىسىنداعى ارەكەتى؛ ەندى ٴبىرى _ پارتيا مۇشەلەرىنىڭ پارتيانىڭ ىشكى تۇرمىسى مەن ۇكىمەت ىسىندەگى مىندەت ارەكەتى. الدىڭعىسىن الىپ ايتساق، پارتيا مۇشەلەرى قاراپايىم بۇقارا سياقتى ٴوزىنىڭ ٴارى وتباسىنىڭ زاتتىق، مادەنيەتتىك تۇرمىس قاجەتىن قاناعاتتاندىرۋ ٴۇشىن، ٴسوزسىز، تۇرمىستىق تۇتىنۋ بۇيىمدارىن ساتىپ الۋىنا تۋرا كەلەدى، مۇندا تاۋاردى كەڭ باعادا ايىرباستاۋ مەن ٴوزارا پايدا جەتكىزۋ پرينسيبىنە قۇرمەت ەتىپ، الىم–بەرىمدە ەكى جاق ٴبىر–بىرىنە زورلاماۋى، ٴوزارا تالاسپاۋى، وزگەنى زيانداپ وزىنە پايدا جەتكىزبەۋى قاجەت.

جاۋاپتى رەداكتور: گۇلدەن ماقسات قىزى