«1 - مامىر» مەرەكەسىن قۇتتىقتاۋ بايلانىسىمەن سەرىك ويىندارى اۋىل - قىستاقتارعا جەتكىزىلدى

  • كەلۋ قاينارى: شينجياڭ گازەتى تورابى
  • 10:24:54 02/05/2018

 

    تىلشىلەرىمىز ۋاڭ حۋان، شيە لۇڭ 4 - ايدىڭ 29 - كۇنى ءپايزاۋاتتان حابارلايدى. 4 - ايدىڭ 29 - كۇنى ءپايزاۋات اۋدانى جامباز اۋىلى جوعارى گال قىستاعىنىڭ مەرەكە زالىنان كۇلكى مەن شاپالاق ءۇنى تولاستامادى. شينجياڭ كوركەمونەر تەاترى سەرىك ويىندارى ۇيىرمەسىنىڭ 2018 - جىلعى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا مادەنيەت ارقىلى حالىققا تيىمدىلىك جاساۋ، ويىن كورسەتۋ شاعىن اترەتى جەرگىلىكتى ورىنداعى 500دەن استام قىستاق تۇرعىندارىنا تارتىمدى ويىن نومىرلەرىن قويدى.

    ويىن نومىرلەرى اۋىل - قىستاق تۇرمىسىمەن تىعىز قابىسقان، ەرەكشەلىگى ايقىن، رايونىمىزدىڭ ۇلتتار ىنتىماعى، حالىق تۇرمىسىن جاقسارتۋ، ەكونوميكانىڭ دامۋى سياقتى جاقتاردا قول جەتكىزگەن جەتىستىكتەرىن تۇرلىشە جاقتاردان بەينەلەگەن. «پارتيا مەن ۇكىمەتتىڭ بىزگە جاساعان قامقورلىعى مەن سۇيىسپەنشىلىگىنە العىس ايتامىز، <1 - مامىر> حالىقارالىق ەڭبەكشىلەر مەرەكەسى قارساڭىندا بىزگە وسىنداي تارتىمدى ويىن نومىرلەرىن ازىرلەگەنىنە توتەنشە تەبىرەندىك. ولاردىڭ ۇنەمى كەلىپ تۇرۋىن ءۇمىت ەتەمىز»، - دەدى قىستاق تۇرعىنى حالبىنۇر تۇر تەبىرەنە.

    شينجياڭ كوركەمونەر تەاترى سەرىك ويىندارى ۇيىرمەسىنىڭ جاۋاپتىسى باي لۋ بىلاي دەپ تانىستىردى: ارتيستەر جۋىقتا عانا شاڭحاي سەرىك ويىندارى مەكتەبىنەن ءبىلىم الىپ كەلگەن، ولاردىڭ ورتاشا جاسى 20دا، جالىنداپ تۇرعان كەزدەرى. ولار قىستاق تۇرعىندارىنىڭ كۇشتى ىنتاسىن كورىپ، ويىن نومىرلەرىن ونان ارى كۇش سالا، بەرىلە وينادى. ۇعىسۋعا قاراعاندا، بۇل ۇيىرمە ءپايزاۋات اۋدانىنداعى اۋىر كەدەي قىستاقتاردا 120 كەزەكتەن استام ويىن نومىرلەرىن قويعان ەكەن.

جاۋاپتى رەداكتور: گۇلدەن ماقسات قىزى