«جەر ۇيىعى _ كوركەم ىلە» اتىنداعى ساياحات ونىمدەرىن تانىستىرۋ جينالىسى نانجيڭدە وتكىزىلدى

  • كەلۋ قاينارى: ىلە گازەتى
  • 07:14:15 02/05/2018

    جاقىنعى جىلداردان بەرى ىلە وبلىسى حالىقارالىق ساياحات اڭعارىن قۇرۋدى نىسانا ەتىپ، ەكولوگيالىق ساياحاتتى، مادەنيەت ساياحاتىن ساناتوريا ساياحاتىن دامىتىپ، مەملەكەت بويىنشا تۇتاس وڭىرلىك ساياحاتتان ۇلگى كورسەتۋ رايونىن بەلسەنە قۇرىپ، وڭىرلىك ەرەكشەلىكتى كورنەكتىلەندىرىپ، ساياحات سارا ونىمدەرى كورىنىس رايونى قۇرىلىسىن، ساياحاتقا قىزمەت وتەۋ ساپاسىن جوعارىلاتۋدى، «جەر ۇيىعى _ كوركەم ىلەنى» جاپپاي قالىپتاستىرۋدى ىلگەرىلەتىپ، ىلە ساياحاتىنىڭ ەلىمىز ءىشى–سىرتىنداعى تانىمالدىعىن جوعارىلاتۋعا كۇش سالدى. جياڭسۋ ولكەسىنىڭ ىلەگە باعىتتامالى كومەك بەرۋ الدىڭعى شەپ قولباسشىلىق شتابى ساياحات ارقىلى شينجياڭعا كومەك بەرۋ شاراسىمەن ىلە وبلىسىنىڭ مەملەكەت بويىنشا تۇتاس وڭىرلىك ساياحاتتان ۇلگى كورسەتۋ رايونىن قۇرۋ قىزمەتىن بار كۇشپەن قولداۋدا. ايتا كەتۋگە تاتيتىنى: 2017–جىلى جياڭسۋ ولكەسى «ءجۇز مىڭ جياڭسۋلىقتىڭ ىلەدە ساياحاتتاۋى» قيمىلىن بەلسەنە ورىستەتكەندىكتەن جياڭسۋ ولكەسىنەن رەت سانى بويىنشا 300 مىڭ ساياحاتشى ىلەگە كەلىپ ساياحاتتاپ، ىلە ساياحاتىنىڭ قاۋىرت دامۋىن جەبەۋ ءۇشىن زور قوزعاۋشى كۇش قوسقان. جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى كاسىپ سەلبەستىگى گرۋپپاسىنىڭ ورىنباسار باستىعى، وبلىستىق ساياحات مەكەمەسىنىڭ ورىنباسار باستىعى ليۋ شۇيدۇڭ بىلاي دەدى: وسى رەتكى تانىستىرۋ اپتالىعىندا جياڭسۋ ولكەسىنىڭ 13 ايماق دارەجەلى قالاسىندا ءۇرتىس 14 مايدان قيمىل ورىستەتىلەدى، ساياحات ونىمدەرىن شوعىرلى جارمەنكەلەۋ قيمىلىنىڭ باستى ماقساتى _ «ءجۇز مىڭ جياڭسۋلىقتىڭ ىلەدە ساياحاتتاۋ» قيمىلىن ۇزدىكسىز ىشكەرىلەي ىلگەرىلەتىپ، اناعۇرلىم كوپ جياڭسۋلىق ساياحاتشىنى ىلەگە ساياحاتتاي كەلۋگە ۇيىمداستىرىپ، اناعۇرلىم كوپ جياڭسۋلىق ساياحاتشىعا تانىستىرۋ اپتالىعى قيمىلى ارقىلى «جەر ۇيىعى» _ كوركەم ىلە قۇرىلىسى ءۇشىن شينجياڭعا كومەك بەرۋشى الدىڭعى شەپ قولباسشىلىق شتابىنىڭ قۇلشىنىسىن ءتۇسىندىرۋ بولىپ تابىلادى.

    جياڭسۋ ولكەسى مەن نانجيڭ قالاسىنىڭ قاتىستى باسشىلارى جانە بيڭتۋان 4–، 7–ديۆيزيالارىنىڭ قاتىستى جاۋاپتىلارى تانىستىرۋ ماجىلىسىنە قاتىناستى.

    ۇعىسۋىمىزشا، بۇل رەتكى قيمىلدا ىلە وبلىسىنىڭ «جەر ۇيىعى» _ جاڭا ىلە قۇرۋ سىندى تاماشا بولاشاعى تىعىز توڭىرەكتەلىپ، شوعىرلى ءبىر اپتا ىشىندە نەگىزگى مايداندا قيمىل ورىستەتىلۋمەن بىرگە، نانجيڭ قالاسىنىڭ جياڭنيڭ رايونى، ۋشيدىڭ جياڭيىڭى، شۇيجوۋ قالاسى، چاڭجوۋدىڭ ۋجينى، نانتۇڭ، جۇن–ان، يانچىڭ، ياڭجوۋ، جىنجياڭ، تايجوۋ، جاڭجياگاڭ سياقتى جەرلەردە دە ارت–ارتىنان بولىمشە مايدان قيمىلى ورىستەتىلىپ، ىلەنىڭ مول ساياحات قاينارى بايلىعى مەن ەرەكشە ساياحات ساۋدا ءونىمى ۇگىتتەلىپ تانىستىرىلادى ءارى كاسىپكە ساۋداگەر شاقىرۋ قيمىلى دا ورىستەتىلەدى ەكەن.

جاۋاپتى رەداكتور: گۇلدەن ماقسات قىزى