مىندەت – بورىشى ايقىن، زاڭ بويىنشا اكىمشىلىك جۇرگىزەتىن ۇكىمەتتىڭ جونگە سالۋ جۇيەسىن ورناتايىق

  • كەلۋ قاينارى: ىلە گازەتى
  • 04:19:20 03/05/2018

    مىندەت–بورىشى ايقىن، زاڭ بويىنشا اكىمشىلىك جۇرگىزەتىن ۇكىمەتتىڭ جونگە سالۋ جۇيەسىن ورناتۋدا، ۇكىمەتتىڭ جونگە سالۋ نەگىزگى ەرەكشەلىگى مەن زاڭدىلىعىن تياناق ەتىپ، پارتيا مەن مەملەكەتتىڭ قۇرىلىم رەفورماسىنىڭ ماڭىزدى پرينسيبىنە قاتاڭ بويسۇنۋ كەرەك.

    پارتيانىڭ جاپپاي باسشىلىعىنا تاباندى بولۋ. پارتيانىڭ جاپپاي باسشىلىعى پارتيا مەن مەملەكەتتىڭ قۇرىلىم رەفورماسىن تەرەڭدەتۋدىڭ ءتۇبىرلى كەپىلى. پارتيا، ۇكىمەت، ارميا، عىلىم سالاسىنا، جۇيەدەن بارلىعىنا پارتيا باسشىلىق ەتەدى. پارتيا ەڭ جوعارى ساياسي باسشىلىق كۇش، پارتيا باسشىلىعى–ءبىزدىڭ ەڭ ۇلكەن ءتۇزىم ابزالدىعىمىز. پارتيانىڭ مىندەت–بورىشى ايقىن، زاڭ بويىنشا اكىمشىلىك جۇرگىزەتىن ۇكىمەتتىڭ جونگە سالۋ جۇيەسىن ورناتۋعا باسشىلىعىن كۇشەيتىپ، پارتيانىڭ باسشىلىعىن ۇكىمەتتىڭ جونگە سالۋ قىزمەتىنىڭ ءتۇرلى جاعىندا جانە جالپى بارىسىندا دايەكتىلەندىرۋ _ ۇكىمەت قۇرىلىمىنىڭ ورنالاسۋى مەن فۋنكتسياسىنىڭ سەپتەلۋىن ساپالىلاندىرۋدىڭ باستى مىندەتى، مىندەت–بورىشى ايقىن، زاڭ بويىنشا اكىمشىلىك جۇرگىزەتىن ۇكىمەتتىڭ جونگە سالۋ جۇيەسىن ورناتۋدىڭ جان جۇيەسى. سوندىقتان، ءسوزسىز، جۇڭگوشا سوتسياليزم باعىتىندا تاباندى بولىپ، «ءتورت تانىمدى» كۇشەيتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىرتۇتاس باسشىلىعىن باتىل قورعاپ، يدەيادا، ساياسيدا، ارەكەتتە پارتيا ورتالىق كوميتەتىمەن سانالىلىقپەن وسكەلەڭ ءبىر اۋىزدىلىقتى ساقتاپ، پارتيانىڭ جاپپاي باسشىلىعىن قامتاماسىزداندىرۋدىڭ تۇزىمدىك ورنالاستىرۋىن كەمەلدەندىرىپ، پارتيانىڭ جالپى جاعدايدى مەڭگەرەتىن ءارقايسى جاقتى سايكەستىرەتىن باسشىلىق ۇيتقىلىق رولىن تولىق ساۋلەلەندىرۋىنە كەپىلدىك ەتۋ كەرەك.

    حالىقتى وزەك ەتۋگە تاباندى بولۋ. ۇكىمەتىمىز _ حالىقتىڭ ۇكىمەتى، سوندىقتان، ءسوزسىز، حالىققا جاۋاپتى بولۋ، حالىق ءۇشىن قىزمەت ىستەۋ، ەڭ كەڭ حالىق بۇقاراسىنىڭ ءتۇبىرلى مۇددەسىن ويداعىداي جۇزەگە اسىرۋ، قورعاۋ، دامىتۋ كەرەك. مىندەت–بورىشى ايقىن، زاڭ بويىنشا اكىمشىلىك جۇرگىزەتىن ۇكىمەتتىڭ جونگە سالۋ جۇيەسىن ورناتۋدا، ءسوزسىز، بارلىعىندا حالىق ءۇشىن قىزمەت ىستەۋگە، حالىققا سۇيەنۋگە، حالىققا باقىت جاراتۋعا، حالىقتى قورعاۋعا تاباندى بولىپ، حالىققا يگىلىك جاراتۋ، حالىقتىڭ ءىسىن ءبىتىرۋ، حالىق قامىن ويلاۋ، حالىقتىڭ ۇقىق–مۇددەسىن قامتاماسىزداندىرۋ، حالىقتىڭ ءۇنىن تىڭداۋ، حالىقتىڭ باقىلاۋىن قابىلداۋ ءتۇزىلىس مەحانيزمىن كەمەلدەندىرىپ، حالىقتىڭ كۇن سايىن ارتىپ وتىرعان تاماشا تۇرمىسقا تالپىنۋ قاجەتىن قاناعاتتاندىرۋ كەرەك. سونىمەن بىرگە حالىقتىڭ بەلسەندىلىگىن، ىرىقتىلىعىن، جاسامپازدىعىن تولىق جەبەپ، قوعام مىندەتىنە الا الاتىن فۋنكتسيانى قوعامعا جۇكتەپ، حالىقتىڭ مەملەكەت ىستەرىن، ەكونوميكا–مادەنيەت ىستەرىن، قوعامدىق ىستەردى زاڭ بويىنشا باسقارۋىن پارمەندى كەپىلگە يە ەتۋ كەرەك.

جاۋاپتى رەداكتور: گۇلدەن ماقسات قىزى