ايدىنكولدىڭ كەلبەتى ارتا ءتۇستى

  • كەلۋ قاينارى: شينجياڭ گازەتى تورابى
  • 07:57:35 04/05/2018

    − اۆتونوميالى رايوندىق احپارات - باسپا ءسوز - راديو - كينو - تەلەۆيزيا مەكەمەسىنىڭ قىستاقتا تۇراتىن قىزمەت اترەتى جايلى

    ءتىلشىمىز لۋ يان

 

    كوكتەمىنىڭ جانعا جايلى شاعىندا، حوتان قالاسى سورباق اۋىلى ايدىنكول قىستاعىندا سەيىلدەپ ءجۇرمىن، كوركى كوز تارتاتىن قىستاق كەلبەتى ادامدى ونان ارى جەلپىندىرەدى. كوكپەن بوي تالاسقان زاۋلىم تەرەكتەر، رەتتى كوشەلەر، تەپ - تەگىس جولدار تىرشىلىككە تىڭ تەبىن سيلاسا، قىستاق تۇرعىندارى اينالاسىنداعى زور وزگەرىستەردى اڭگىمەلەپ، قۋانىشتان جۇزدەرىنەن كۇلكى ۇيىرىلەدى.

    اۆتونوميالى رايوندىق احپارات - باسپا ءسوز - راديو - كينو - تەلەۆيزيا مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى قىستاققا تۇسكەننەن بەرى، وسى قىستاقتا بولعان زور وزگەرىس قىستاق تۇرعىدارىنىڭ باقىت سەزىمىن جوعارىلاتتى.

    ايدىنكول قىستاعىنداعى قوقسىق الاڭىنا كوپتەن بەرى قىستاق تۇرعىندارى نارازى بولىپ كەلگەن، ماڭىنداعى بىرنەشە قىستاق قوقسىقتارىن وسى اراعا توگەتىندىكتەن، ساسىق ءيىس قولقانى قاۋىپ، قۇرت - شىبىن ۇيمەلەپ جاتاتىن. قىستاق تۇرعىندارى دا تارتقان ازابىن كىمگە ايتارىن بىلمەي اڭتارىلاتىن.

    بيىل قىستاقتا تۇراتىن قىزمەت اترەتى بۇقارانى باستاپ قوقسىق الاڭىن تازالاعاندىقتان، قىستاق تۇرعىندارىنىڭ دا تىنىسى كەڭىپ، ساسىق يىسكە تۇنشىقپايتىن بولدى.

    بۇل قىستاقتاعى وزگەرىستەر ساناپ تاۋىسقىسىز. توپىراعى بۇرقىراپ، شاڭى شىعىپ جاتاتىن قىستاق جولى داڭعىل جولعا اينالىپ، 17 كيلومەتر اسفالت جول قىستاقتى تولىق قامتىدى. جول شىراقتارى سامالاداي سامسىپ، تۇندە كوشەگە شىققان قىستاق تۇرعىندارى الاڭسىز جۇرەتىن بولدى؛ ايقىش - ۇيقىش قورىقتاردى بۇزىپ، رەتتى دە كورىكتى ەتىپ قايتا سالدى.

    بۇگىنگى تاڭدا، كورىكتى قىستاق كوشەلەرىن ارالايتىن بولساڭىز، قۋانىشتان شاتتانىپ جۇرگەن قىستاق تۇرعىندارىن كوپتەپ كەزدەستىرەسىز.

    4 - ايدىڭ 20 - كۇنى ءتىلشى جول بويىنان 80 جاستاعى قىستاق تۇرعىنى باكىر جومادىنى كەزدەستىردى، قىستاقتاعى زور وزگەرىستەر جايلى ءسوز بولعاندا، ول: تۇرمىسىمىز كۇن سايىن جاقسارىپ كەلەدى، قىستاق كەلبەتى مەن تۇرعىنداردىڭ يدەياسىندا زور وزگەرىس بولىپ، ومىرگە دەگەن تىڭ تالپىنىس پايدا بولدى. تۇرمىسىم ناشار بولعاندىقتان، مەنى زەينەتاقى جانە ەڭ تومەنگى تۇرمىستى قامتاماسىزداندىرۋدان يگىلىكتەندىردى. قىزمەت اترەتى ۇنەمى كەلىپ جاعداي ۇعىسىپ، قال سۇراپ تۇرادى، ءوزىمدى وتە باقىتتى سەزىنەمىن. ەگىس جۇمىستارىنىڭ قاربالاس كەزىندە قىزمەت اترەتى مەن ەرىكتى قىزمەت كورسەتۋ اترەتى كەلىپ ءبيدايىمدى ورىپ بەردى، - دەدى جۇزىنەن باقىتتىڭ لەبى ەسىپ.

   قىستاقتىڭ راديوسى، كوپ مەديالى جيىن زالى ىسكە قوسىلىپ، پارتيانىڭ ءۇنىن تەز ارادا ءاربىر وتباسىنا جەتكىزدى.

جاۋاپتى رەداكتور: جازيرا بولاتباي قىزى