جاڭا داۋىردەگى ەكولوگيالىق وركەنيەت قۇرىلىسىنىڭ پارمەندى يدەيالىق قارۋى

  • كەلۋ قاينارى: ىلە گازەتى
  • 03:14:04 11/05/2018

    حۋاڭ چىڭلياڭ

    

    پارتيانىڭ 18 – قۇرىلتايىنان بەرى شي جينپيڭ جولداس حالىقتىڭ كوركەم ەكولوگيالىق ورتاعا بولعان كۇن سايىن ارتىپ وتىرعان سۇرانىسىن قاناعاتتاندىرۋدى كوزدە ۇستاي وتىرىپ، ادام مەن تابيعاتتىڭ قاتىناسىن جاپپاي يگەرىپ، ەكولوگيالىق وركەنيەت قۇرىلىسى جونىندە ءبىر قىدىرۋ ماڭىزدى پايىمداۋلار جاريالاپ، ءبىر مۇنشا ستراتەگيالىق ورنالاستىرۋلار جاساپ، ماركسيزمنىڭ ادام مەن تابيعاتتىڭ قاتىناسى نازارياسىنىڭ تىڭ دەڭگەيىن اشىپ، جاڭا داۋىردەگى ەكولوگيالىق وركەنيەت قۇرىلىسىن پارمەندى يدەيالىق قارۋمەن قامدادى.

    جاڭا داۋىردەگى ەكولوگيالىق وركەنيەت قۇرىلىسىنىڭ تانىم نازارياسى

    پارتيانىڭ 18 – قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ەكولوگيالىق وركەنيەت قۇرىلىسىن «بەستى ءبىر تۇلعا ەتۋ» جالپى ورنالاستىرۋىن ءبىرتۇتاس ىلگەرىلەتىپ، «ءتورتتى جاپپاي ورنالاستىرۋ» ستراتەگيالىق ورنالاستىرۋىن سايكەستى ىلگەرىلەتۋدىڭ ماڭىزدى مازمۇنى ەتىپ، ءبىزدىڭ جاڭا داۋىردەگى ەكولوگيالىق وركەنيەت قۇرىلىسىنىڭ ەلەۋلى ماڭىزىنا بولعان تانىمىمىزدى تانىم نازارياسى دەڭگەيىنەن تەرەڭدەتتى.

    ەكولوگيالىق وركەنيەت قۇرىلىسى _ جۇڭگو ارمانىن جۇزەگە اسىرۋ تاقىرىبىندا بولۋعا ءتيىستى مىندەت. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى جۇڭگو ارمانى _ جۇڭحۋا ۇلتىنىڭ تاياۋ زاماننان بەرگى ەڭ ۇلى ارمانى، جالپى جۇڭحۋا پەرزەنتتەرىنىڭ ورتاق تىلەگى. قازىر جۇڭگو ارمانىن جۇزەگە اسىرۋ ءۇشىن ءبىرىنشى قادامدا ءبىرىنشى 100 جىلدىق كۇرەس نىساناسىن جۇزەگە اسىرۋ، ياعني جاپپاي دوڭگەلەك داۋلەتتى قوعام قۇرۋ كەرەك. شي جينپيڭ جولداس بىلاي دەپ اتاپ كورسەتتى: دوڭگەلەك داۋلەتتى قوعامنىڭ جاپپاي قۇرىلۋ–قۇرىلماۋىنىڭ شەشۋشى ءتۇيىنى _ ەكولوگيالىق ورتانىڭ ساپاسى. سونىمەن بىرگە ول لاستانۋدان ساقتانۋدىڭ قامال الۋ شايقاسىن باتىلدىقپەن ويداعىداي جۇرگىزۋدى اتاپ كورسەتتى.

    جۇڭگو ارمانىن جۇزەگە اسىرۋدىڭ ەكىنشى قادامى _ جاپپاي دوڭگەلەك داۋلەتتى قوعام قۇرۋ نەگىزىندە جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاپ، ەكىنشى 100 جىلدىق كۇرەس نىساناسىن جۇزەگە اسىرۋ. شي جينپيڭ جولداس پارتيانىڭ 19 – قۇرىلتايىندا جاساعان بايانداماسىندا بىلاي دەپ اتاپ كورسەتتى: وسى عاسىردىڭ ورتا شەنىندە ەلىمىزدى باي، دەموكراتيالى، مادەنيەتتى جانە كوركەم سوتسياليستىك وسىزاماندانعان قۇدىرەتتى ەل ەتىپ قۇرىپ شىعامىز. كوركەم بولۋ سوتسياليستىك وسىزاماندانعان قۇدىرەتتى ەل قۇرۋدىڭ ماڭىزدى نىساناسى ەتىلىپ، ەكولوگيالىق وركەنيەت قۇرىلىسىنىڭ جۇڭگو ارمانىن جۇزەگە اسىرۋ بارىسىنداعى ماڭىزدى ورنىنىڭ اناعۇرلىم ايقىندالۋى _ جۇڭگو ارمانى وسكەلەڭ ەكولوگيالىق وركەنيەتكە يە كوركەم جۇڭگو ارمانى ەكەنىن بەينەلەدى.

جاۋاپتى رەداكتور: جازيرا بولاتباي قىزى