ابلا مامەت: قۇلشىنۋ ارقىلى «كەدەيلىك قالپاعىن» الىپ تاستادىم

  • كەلۋ قاينارى: شينجياڭ گازەتى تورابى
  • 10:29:53 21/05/2018

 

 ءتىلشىمىز ليۋ جيڭ، ەرىكتى ءتىلشى دان ۋي

 

    5 - ايدىڭ 7 - كۇنى اۋات اۋدانى عورۇچول قالاشىعى قاراتال قىستاعىنىڭ قىستاق تۇرعىندار كوميتەتى اۋلاسىندا قايشالىسقان قالىڭ جۇرت. قىستاق تۇرعىنى ابلا مامەت ءوزى جازعان كەدەي وتباسىلارى قاتارىنان شەگىنۋ ءوتىنىشىن تاپتەشتەي وقۋدا، اۋىلداستار ءالسىن - ءالى دۋ قول شاپالاق سوعادى.

    اۆتونوميالى رايوندىق حالىق ىستەرى مەڭگەرمەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قاراتال قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجي تيان ليشين تىلشىگە: ابلا قاجىرلى ەڭبەگىنە سۇيەنىپ، كەدەيلىكتەن قۇتىلىپ اۋقاتتانۋعا ۇمتىلدى، تۇرمىسى بارعان سايىن جاقساردى، ءىس جۇزىندىك ارەكەتى ارقىلى قۇلشىنعان ءومىردىڭ ەڭ تاماشا بولاتىندىعىن ايگىلەدى! - دەدى. «الاقان جايساڭ مۇشكىل كۇيدە قالاسىڭ»

    2014 - جىلى ابلا كەدەي وتباسى دەپ تۇراقتاندىرىلدى. ابلانىڭ ۇيىندەگى 5 جاننىڭ 8 مۋ جەرى، 6 قويى عانا بار، تۇرمىستارى تىم جۇپىنى ەدى، ءار جىلى كوكتەمگى ەگىس كەزىندە تۋىس - تۋعان، دوس - جاراندارىنان قارىز اقشا الىپ، تۇقىم، حيميالىق تىڭايتقىش ساتىپ الاتىن.

    ابلا تەلەۆيزور كورىپ، راديو تىڭداۋدى ۇناتاتىن، پارتيا ورتالىق كوميتەتى مەن اۆتونوميالى رايوننىڭ حالىققا ءتيىمدى ساياساتتارىنىڭ كۇننەن - كۇنگە كوبەيگەنىن، كەدەي وتباسىلارىنا بەرىلەتىن كومەكتىڭ دە بارعان سايىن ارتقانىن ۇعىندى. ابلا قولى بوساي قالسا، قىستاق تۇرعىندار كوميتەتىنە بارىپ، يگىلىكتى ساياساتتاردى سۇراستىرىپ، مۇمكىندىگىنشە يگىلىگىن كوردى. قىسقا عانا 2 جىلدا ابلا بەيقۇت ءۇي سالىپ، حالىقتى اۋقاتتاندىرۋ بويىنشا شىت جاڭا ءۇي سالىپ الدى، تاعى كەدەيلەردى سۇيەمەلدەۋگە بەرىلگەن 16 قويعا يە بولدى. ابلا بۇعان ءدان ريزا، ايەلى مەن بالاسى دا توبەسى كوككە جەتكەندەي قۋاندى.

    ايتسەدە 2016 - جىلعا كەلگەندە، ابلا ىڭعايسىز جاعدايعا تاپ بولدى: اتىزدى باپتاۋعا نەمقۇرايدى قاراعاندىقتان، ول 8 مۋ جەردەگى ماقتادان 3000 نەشە يۋان عانا كىرىس تاپتى؛ العان 16 قويىن جاقسى باقپاعاندىقتان، ىندەتكە شالدىعىپ ۇشەۋى ءولىپ قالدى. كەلەسى جىلى كوكتەمدە قىستاقتا تۇراتىن قىزمەت اترەتىنىڭ كومەگىندە، ابلا ءوسىمسىز قارىز اقشاعا يە بولدى، قيىنشىلىق قىسپاعىنان ايتەۋىر ەپتەپ - سەپتەپ وتكەندەي بولدى.

    ابلا بانكەدەن العان قارىز اقشا قولىنا تيگەندە، قاتتى تەبىرەندى. ايەلىنە جىميىپ: الاقان جايساڭ مۇشكىل كۇيدە قالادى ەكەنسىڭ! - دەدى.

    «كۇتىپ وتىرىپ، يەك سۇيەپ، الاقان جايۋمەن دوڭگەلەك داۋلەتتى تۇرمىسقا جەتۋ مۇمكىن ەمەس»

جاۋاپتى رەداكتور: گۇلدەن ماقسات قىزى