جۇڭگو مەن قازاقستان ناق تەڭگە اقشاسىن شەكارا اتتاپ اينالىمعا سالۋ كاسىبىن رەسمي باستادى

  • كەلۋ قاينارى: ىلە گازەتى
  • 03:08:51 22/05/2018

  

    ءتىلشىمىز سۇن ۋيشيا قورعاستان حابارلايدى. 5 – ايدىڭ 16 – كۇنى جۇڭگو مەن قازاقستان ناق تەڭگە اقشاسىن شەكارا اتتاپ اينالىمعا سالۋ كاسىبىن رەسمي باستادى. جۇڭگو اۋىل شارۋاشىلىق بانكەسى قورعاس سەلبەستىك ورتالىعىنىڭ بولىمشە بانكەسى جۇڭگو – قازاقستان قورعاس حالىقارالىق شەكارالىق سەلبەستىك ورتالىعىنداعى (تومەندە قىسقارتىلىپ سەلبەستىك ورتالىعى دەپ اتالادى) ناق تەڭگە اقشاسىن شەكارا اتتاپ اينالىمعا سالۋ كاسىبىن ىسكە قوستى. بۇل جۇڭگو - قازاقستان اقشالارىمەن ەسەپ جابۋ ارناسىنىڭ قورعاستا تولىق اشىلعانىن، ەكى ەلدىڭ ەكى جاقتى اقشا اينالىمى ارناسىنىڭ شينجياڭدا رەسمي قۇرىلىپ، جىبەك جولى ەكونوميكالىق بەلدەۋىندەگى وزەكتى رايوننىڭ فينانس ورتالىعى قۇرىلىسىن جەدەلدەتىپ، شەكارا جاعالاۋىنداعى فينانس رەفورماسى مەن حالىق اقشاسىنىڭ حالىقارالانۋىن جەبەۋدە كەلەلى ءمان الادى.

    شەكارا اتتاعان ناق اقشانى اينالىمعا سالۋ جىبەك جولى ەكونوميكالىق بەلدەۋى قارجى اينالىمىنىڭ ارناسىن ىركىلىسسىزدەندىرىپ، جۇڭگو مەن قازاقستاننىڭ فينانس قۇرىلىمى اراسىنداعى ءوزارا اۋىس – كۇيىستى جەبەپ، ەكى ەل اقشاسىنىڭ شەكارا اتتاپ اينالىمعا تۇسۋىندەگى بوستىقتى تولتىرىپ، قورعاستىڭ فينانس قۇرىلىمى مەن جەكەلەردىڭ شەتەل اقشالارىن ايىرباستاۋ ماسەلەسىن ءونىمدى تۇردە شەشتى. سونىمەن بىرگە، اقشانىڭ شەكارا اتتاپ اينالىمعا ءتۇسۋ جاڭا ارناسى مەن ۇلگىسىن ىسكە قوسىپ، سەلبەستىك ورتالىعىنىڭ اقشانى شەكارا اتتاپ اينالىمعا سالۋ ارقىلى اقشا اينالىم ۋاقىتىن اناعۇرلىم قىسقارتىپ، كەدەننەن ءوتۋ رەسمياتىن قاراپايىمداستىرىپ، اقشانىڭ شەكارا اتتاپ اينالىمعا ءتۇسۋ جاعىنداعى وزىندىك قۇندى تومەندەتتى. بۇل 2015 – جىلى شينجياڭدا حالىق اقشاسى مەن تەڭگەنى بانكەلەر اراسىنداعى ايىرباستىڭ وڭىرلىك ماڭدايشالىعى اسىلعاننان بەرگى جۇڭگو - قازاقستان ەكى جاقتىڭ اقشامەن ەسەپ جاساۋ جاعىنداعى تاعى ءبىر تىڭ ىلگەرىلەۋشىلىگى بولىپ تابىلادى.

    قورعاس ەكونوميكالىق اشۋ رايونى پارتيا قىزمەتى كوميتەتىنىڭ ورىنباسار شۋجيى، قورعاس قالاسىنىڭ باستىعى جەڭىس قادىس ۇلى ارناۋ سوزىندە بىلاي دەدى: «ءبىر بەلدەۋ، ءبىر جول» دارىپتەمەسى مەن قازاقستاننىڭ «نۇرلى جول» جاڭا ەكونوميكالىق ساياساتىنىڭ ىشكەرىلەي توعىسۋىنا بايلانىستى جۇڭگو مەن قازاقستاننىڭ ەكى جاقتى ساۋداسىنداعى قارجى قوسۋ، سەلبەستىك جاساۋ، ساياحاتتاۋ، تۋىسشىلاۋ جانە جۇمىسكەر جوتكەۋ جاقتارى جىل سايىن ارتىپ، بازاردىڭ ەكى ەلدىڭ ەكى جاقتى اقشامەن ەسەپ جاساۋ قاجەتىن كۇن سايىن ارتتىردى. جۇڭگو مەن قازاقستاننىڭ فينانس قۇرىلىمدارى اراسىندا شەكارا اتتاپ اينالىمعا سالۋدى ورىستەتۋى _ فينانستىڭ تۇلعالىق ەكونوميكانىڭ دامۋىن قولداعان تىڭ شاراسى، بۇل ناق اقشانىڭ شەكارا اتتاپ اينالىمعا ءتۇسۋ ارناسىن ىركىلىسسىزدەندىرىپ، بانكەنىڭ جۇيەلى ارناداعى ناق اقشاسىنىڭ اينالىم سيپاتتى ماسەلەسىن ءونىمدى تۇردە شەشىپ، حالىق اقشاسى مەن تەڭگە ايىرباسىنداعى حالىقتىق بازاردى جۇيەلەندىرىپ، قاريدار ەسەبىنىڭ وزىندىك قۇنىن، سىندىرىلىم حاۋىپ – قاتەرىن تومەندەتىپ، ەكى ەل كاسىپورىندارىنىڭ جانە تۇرعىندارىنىڭ شەكارالىق ساۋدا، ساياحاتتاي ءجۇرىپ زات ساتىپ الۋ سياقتى جاقتاردا اقشا ايىرباستاپ تولەۋ قاجەتىنەن شىعىپ، ەكى جاقتى اقشا ايىرباستاۋ ساۋداسىنىڭ جاندانۋىن جەبەيدى.

جاۋاپتى رەداكتور: گۇلدەن ماقسات قىزى