تابيعاتقا تىنىشتىق، جاراسىمدىلىق، كورىكتىلىك سيلايىق

  • كەلۋ قاينارى: ىلە گازەتى
  • 03:27:54 22/05/2018

   

    ەكولوگيانى وڭاۋ _ كورىكتى جۇڭگو قۇرۋداعى ماڭىزدى جول

    ۋ شياۋ يان

 

    كورىكتى جۇڭگو قۇرۋ، اناعۇرلىم مول دا ساپالى ەكولوگيالىق ونىمدەر ارقىلى حالىقتىڭ كۇن سايىن ارتىپ وتىرعان كورىكتى ەكولوگيالىق ورتاعا دەگەن قاجەتىن قاناعاتتاندىرۋ–جاڭا داۋىردەگى جۇڭگوشا سوتسياليزمگە تاباندى بولۋ مەن دامىتۋدىڭ كوكەيتەستى تالابى. كورىكتى جۇڭگونى قالاي قۇرامىز؟ مۇنىڭ توتە جولى–ەكولوگيانى وڭاۋ. پارتيا 19–قۇرىلتاي بايانداماسىندا وتكەن 5 جىلدا ەكولوگيالىق وركەنيەت قۇرىلىسىندا قول جەتكىزىلگەن تابىستاردى قورىتىندىلاعاندا:«ەكولوگيالىق ورتانى قورعاۋ جانە ونى وڭاۋداعى كەلەلى ينجەنەريالاردىڭ اياق الىسى ٴساتتى بولدى» دەپ اتاپ كورسەتىلۋمەن بىرگە، الداعى ەكولوگيالىق ورتا قۇرىلىسى قىزمەتىنە ورنالاستىرۋ جاساعاندا: «ماڭىزدى ەكولوگيالىق ورتا جۇيەسىن قورعاۋ جانە ونى وڭاۋعا ساياتىن كەلەلى ينجەرنەريالاردى اتقارۋ» كەرەكتىگى باسا دارىپتەلدى. سوندىقتان، كورىكتى جۇڭگو قۇرۋدا ەكولوگيانى وڭاۋدىڭ ماڭىزدى رولى مەن اتقارۋ بارىسىن عىلمي يگەرۋ كەرەك.

    ەكولوگيانى وڭاۋ–ەكولوگيالىق وركەنيەت قۇرىلىسىندا ماڭىزدى رولعا يە. ەكولوگيانى وڭاۋ نەگىزىنەن ەكولوگيالىق ينجەنەريا ءىلىمى مەن ەكولوگيالىق تەپە–تەڭدىك، ماتەريانىڭ اينالىمالىعى جونىندەگى زاڭدىلىق پەن ادىستەن پايدالانىپ، لاستانعان، بۇلىنگەن ەكولوگيالىق جۇيەنى جاقسارتۋدى كورسەتەدى. ەكولوگيالىق ورتانى وڭاۋ مەن ەكولوگيالىق ورتانى قالپىنا كەلتىرۋ ءارى بايلانىستى ءارى پارىقتى ۇعىم، مۇنى جاي عانا قاتار قويۋعا بولمايدى. ىشكى مانىنەن العاندا، ەكولوگيالىق ورتانى قالپىنا كەلتىردە بۇرىنعى كۇيىن قايتا قالپىنا كەلتىرۋ دارىپتەلەدى دە، بۇتىندەۋ دەگەن ماعىنا قامتىلمايدى؛ ەكولوگيانى وڭاۋ دەگەندە ادامزاتتىڭ بۇلىنگەن ەكولوگيالىق جۇيەنى جاقسارتۋى نەمەسە قايتا قۇرۋى باسا دارىپتەلىپ، ەكولوگيالىق ورتا مەن ادامزات قوعامنىڭ جاراسىمدى بىرلىگى كورسەتىلەدى. ەكەۋىنىڭ ادامزاتتىڭ تابيعاتقا ارالاسۋ جاعىنداعى تالابى ۇقسامايدى، ەكولوگيالىق ورتانى قالپىنا كەلتىرۋدە ادامزاتتىڭ تابيعاتقا ارالاسۋ مولشەرى شەكتى بولادى، ال ەكولوگيالىق ورتانى وڭاۋدا ادامزات ءتۇرلى قاجەتتى شارالار ارقىلى تابيعاتقا ارالاسادى. ەكولوگيالىق جۇيەنىڭ اۋەلگى جاعدايىن تۇراقتاندىرۋ وتە قيىن بولاتىندىقتان، اسىرەسە، قۇلدىرارۋعا بەت العان ەكولوگيالىق جۇيەنى بۇكىلدەي اۋەلگى قالپىنا كەلتىرۋدى ويلاعانمىزبەن كوپ جاعدايدا تەحنيكالىق جاقتان مۇمكىندىگىمىز بولماعاندى بىلاي قويعاندا، ەكونوميكالىق ونىمدىلىگى دە ايتارلىقتاي بولمايدى. سوندىقتان كوپتەگەن جاعدايدا ەكولوگيانى وڭاۋ ءادىسى ارقىلى ەكولوگيالىق ورتانى جاقسارتۋ ءادىسى پايدالانىلادى. بۇل ەكولوگيانى وڭاۋدىڭ ەكولوگيالىق ورتانى قورعاۋ مەن ەكولوگيانى جونگە سالۋ سالاسىندا ماڭىزدى رول اتقاراتىندىعى بەلگىلەگەن. پارتيا 18–قۇرىلتايىنان بەرى ەلىمىزدىڭ ەكولوگيالىق وركەنيەت قۇرىلىسىندا كورنەكتى تابىستارعا قول جەتكىزىلۋىندەگى ماڭىزدى سەبەپتىڭ ءبىرى–ەكولوگيالىق ورتانى قورعاۋ مەن وڭاۋدا كەلەلى ينجەنەريا اتقارا العاندىعىنان بولىپ وتىر.

جاۋاپتى رەداكتور: گۇلدەن ماقسات قىزى