«جەلەكتىلەر قىزمەت وتەۋ اترەتى» كورىكتى اۋىل–قىستاق قۇرۋ ىستەرىنە بەلسەنە اتسالىستى

  • كەلۋ قاينارى: ىلە گازەتى
  • 04:08:57 22/05/2018

  

    نىلقى اۋدانى مىس اۋىلىنىڭ ۇتى قىستاعىندا ءوز ەرىكتەرىمەن ۇيىمداسقان «جەلەكتىلەر قىزمەت وتەۋ اترەتى» قۇرىلىپ، ورتا تازالىعىن وڭاۋ قىزمەتىن بەلسەنە ورىستەتىپ، كورىكتى اۋىل–قىستاق قۇرۋ قۇرىلىسىنا ءوز ۇلەستەرىن قوسىپ، كوركەم ورتا جاراتۋعا جاپپاي اتتانىسقا كەلىپ، قىستاق تۇرعىندارىنىڭ قونىستانۋ ورتاسىنىڭ اناعۇرلىم رەتتى، تازا بولۋى ءۇشىن، اۋىل–قىستاق ورتاسىنىڭ جارىق، تازا، كورىكتى بولۋىن جۇزەگە اسىرۋعا قۇلشىندى.

    بيىل 5–ايدىڭ 18–كۇنى مىس اۋىلى ۇتى قىستاعىنا بارعانىمىزدا جەلەكتىلەردىڭ «حالىق ءۇشىن قىزمەت وتەۋ كۇنى» بايلانىسىمەن 100 دەن استام اپايدىڭ كۇرەك كوتەرىپ، ۇتى قىستاعى تۇرعىندار كوميتەتىنە كەلىپ، كوشە جاعالاۋلارىنداعى قوقىر–قوقسىقتاردى، شاعىل تاستاردى تەرىپ، ويلى–شۇڭقىر جەرلەردى تەگىستەپ جۇرگەنىن كوردىك. قيمىلعا قاتىناسقان قىزمەت وتەۋ اترەتىنىڭ مۇشەلەرى ورتا تازالىعىن جاقسارتۋ بارىسىندا، لاستان، شارشاۋدان جاسقانباي، ەڭبەككە بەلسەنە قاتىناسىپ، جول جاعالاۋىنداعى لاس، ناشار جاعدايدى تۇبىرىنەن وزگەرتۋگە كۇش سالدى.

    مىس اۋىلى ۇتى قىستاعىنىڭ ايەلدەر قىزمەتى مەڭگەرۋشىسى، قىزمەت وتەۋ اترەتىنىڭ باستىعى سەرىكقان تولەپبەرگەن قىزى: «بۇگىن ءبىزدىڭ جەلەكتى ەرىكتىلەرىنىڭ قىزمەت وتەۋ كۇنى، ءار اپتانىڭ بەيسەنبى كۇنى ەڭ كوڭىلدى بولاتىن ءبىر كۇن، ءبىزدىڭ جاقسى ءىس ىستەۋىمىز داڭق، باسقالارعا مەيىر باعىشتاپ، ءوزىمىزدى كوڭىلدەندىرۋ بولىپ تابىلادى، بۇل دا پارتيا مەن ۇكىمەتتىڭ جاساعان قامقورلىعىنا العىس ايتۋىمىزدىڭ ءتاسىلى» دەدى.

    «جەلەكتىلەر قىزمەت وتەۋ اترەتى» قۇرىلعاننان بەرى، ۇنەمى قىستاق كولەمىندەگى قيىنشىلىعى بار بۇقارانىڭ قيىنشىلىعىن شەشۋگە، ءوندىرىس، تۇرمىس جۇمىستارىنا كومەكتەسىپ، ءبىر جاق قيىنشىلىققا ۇشىراسا كوپ بولىپ كومەكتەسۋ رۋحىن ساۋلەلەندىرىپ، بۇقارانىڭ جاقسى باعاسىنا يە بولىپ كەلەدى.

    مىس اۋىلى ۇتى قىستاعىنىڭ تۇرعىنى ما شيۋلان: «وتباسى جۇمىسىن ىستەۋدە كومەك قاجەت بولسا، جەتىم–جەسىر، قارتتارعا قارايلاسۋ، وتباسى قايشىلىقتارىن جاراستىرۋدا، ‹ جەلەكتىلەر قىزمەت وتەۋ اترەتى› كومەكتەسىپ جاراستىرادى ولاردىڭ بۇل ىزگى ىستەرىنە راقىمەت» دەدى.

    مىس اۋىلى ۇتى قىستاعىنىڭ تۇرعىنى، «جەلەكتىلەر قىزمەت وتەۋ اترەتىنىڭ» ورىنباسار اترەت باستىعى ۋ سايحۋا: « ءبىزدىڭ بۇل اترەت قۇرىلعالى ەكى جىلدان استى، جاڭادان قۇرىلعان كەزدە 60 نەشە ادام بولاتىن، قازىر قىزمەت وتەۋ اترەتىمىزدىڭ مۇشە سانى 100 ادامنان استى. قوسىنىمىز قۇرىلعاننان بەرى، قىستاقتاعى كەدەي وتباسى نەمەسە ءبىزدىڭ كومەگىمىزگە مۇقتاج بولعان جاندارعا كومەك قولىمىزدى سوزىپ كەلەمىز. ءبىزدىڭ اترەتىمىز العاش قۇرىلعان كەزدە، قيىنشىلىعى بار وتباسىلارىنىڭ اۋلاسىنا كوكونىس ەگىپ بەرىپ، ولاردىڭ تۇرمىستىق قيىنشىلىعىن شەشىپ وتىردىق. قىستاعىمىزدىڭ بەت–بەينەسىن وزگەرتۋ، كوركەم اۋىل–قىستاق جاراتۋ ءبىزدىڭ ءاربىر باۋىرلاستىڭ، ءاربىر جەلەكتىنىڭ بورىشى. سوندىقتان ءار رەت وسىنداي قيىنشىلىقتار نەمەسە قاجەتسىنۋ بار بولسا، ءبىز بەلسەنە اتسالىسىپ قىزمەت وتەپ وتىرامىز» دەدى.

جاۋاپتى رەداكتور: گۇلدەن ماقسات قىزى