جۇگەندەلىپ بورانى، جاسىل جەلەك وراندى

  • كەلۋ قاينارى: ىلە گازەتى
  • 03:32:49 23/05/2018
  

كەزىندە بوران ازىناپ تۇراتىن سارعۋسىن جەل وتىندە بۇگىنگى كۇنى جاسىل قالتقى بوي كوتەردى
 

  كىرىپ–شىعاتىن ماڭىزدى قاتىناس جولىندا جەلدىڭ ەڭ جوعارى جىلدامدىعى سەكۋندىنا 40 مەترگە جەتتى

    ءار جىلى تامىز ايىنىڭ ورتاسىنان كەلەر جىلى مامىر ايىنىڭ ورتاسىنا دەيىن سارعۋسىن جەل وتىندە نەگىزىنەن بوران ازىناپ تۇرادى. ەستەلىككە الىنعان ساندى مالىمەتتەرگە قاراعاندا، قىس مەزگىلىندە ءار ايدا 15 كۇن شاماسىندا جەل سوعادى، جەل وتتەرىندە جەلدىڭ ورتاشا جىلدامدىعى سەكۋندىنا 9 مەترگە، ەڭ جوعارى جىلدامدىعى سەكۋندىنا 40 مەترگە دەيىن جەتىپ، جەل جىلدامدىعى كۇشتى، قاردى ۇشىرىپ اكەتۋ قۋاتى زور بولۋى وزگە جەردە سيرەك كەزدەسەدى.

    سارعۋسىن جەل ءوتىنىڭ جاعراپيالىق ورنى تىم بولەكشە. ەرتەرەكتە، ەكى تاۋدىڭ اراسىمەن جەل كۇشى تاۋ ساعاسىن بويلاپ سارعۋسىن جەل وتىنە، ودان قۇلىستاي ساحاراسىنا قاراي ويىساتىن. شاۋەشەك اۋدان قالاشىعى سارعۋسىن جەل وتىنەن سوققان جەلدىڭ ءبىر بۇرىشىنا قالتقى بولاتىن. كەيىن كەلە شاۋەشەكتەن شاعانتوعاي مەن تولى اۋدانى ءبولىنىپ شىعىپ، سارعۋسىن جەل وتىنەن سوققان جەلدى توساتىن تاعى ەكى قالتقى كوبەيدى.

    شاۋەشەك، شاعانتوعاي، ءدوربىلجىن ءۇش جەردىڭ سىرتپەن قارىم–قاتىناس جاساۋىنداعى ماڭىزدى جولى بولعاندىقتان، سارعۋسىن جەل ءوتىنىڭ قارلى بورانى راقىمسىز ەكەنىن بىلە تۇرا، ادامدار بۇل ارادان نار تاۋەكەلگە بەل بايلاپ وتەتىن. ارى–بەرى وتكەن كوپتەگەن ادام وسى ارادا جانىنان جۇدا بولىپ، بۇل ارا ءبىر كەزدەرى «اجال ءوتى» اتانعان–دى.

جاۋاپتى رەداكتور: جازيرا بولاتباي قىزى