مالشى وتباسىلارىنا جاساندى سەرىك تەلەۆيزيا جابدىعىن ورناتتى

  • كەلۋ قاينارى: ىلە گازەتى
  • 04:07:38 24/05/2018

   

 سۋرەتتە: قىزمەت گرۋپپاسىنداعىلار مەن نىلقى اۋداندىق راديو – تەلەۆيزيا مەكەمەسىنىڭ كاسىپتىك تەحنيك قىزمەتكەرلەرى مالشى وتباسىلارىنا جاساندى سەرىك تەلەۆيزيا جابدىعىن ورناتۋدا.

 

    نىلقى اۋدانى اقتۇبەك قىستاعىنىڭ بۋبۇلاق مال شارۋاشىلىق ءوڭىرى شالعاي تاۋلى وڭىرگە ورنالاسقان قاتىناسى قولايسىز، ەلەكترمەن قۇبىر سۋىن جەتكىزۋ قيىن بولعاندىقتان، تەلەۆيزور كورۋدىڭ ءوزى دە مالشىلار ءۇشىن وتە قيىن بولىپ كەلگەن ەدى.

    بيىل نىلقى اۋداندىق مۇگەدەكتەر بىرلەستىگىنەن اقتۇبەك قىستاعىنا بارعان قىزمەت گرۋپپاسى حالىق تىلەگىن توعىستىرۋ، ارالاپ احۋال ۇعىسۋ بارىسىندا بۋبۇلاق مال شارۋاشىلىق وڭىرىندەگى مالشىلاردىڭ ەلەكتىردەن، اۋىز سۋدان تارىعۋ ماسەلەسىن ۇعىسقان سوڭ، نىلقى اۋداندىق راديو – تەلەۆيزيا مەكەمەسىمەن سەلبەسۋ ارقىلى جەر جاعدايىنا قاراي كوشىرىلگەن 5 مالشى وتباسى مەن تاۋلى وڭىردەن جازىق وڭىرگە كوشىرىپ وتىرىقتاندىرعان 10 مالشى وتباسىنا 15 جاساندى سەرىك تەلەۆيزيا جابدىعى مەن ءتورت اقىلدىق جۇيەنى اقىسىز ورناتىپ بەرۋمەن بىرگە، مالشىلار وتىرىقتانعان وڭىرگە ۇلكەن كەرنەۋلى راديو جۇيەسىن ورناتىپ، راديومەن تەلەۆيزور سىندى ۇگىت قۇرالدارىن شالعاي تاۋلى وڭىردەگى مالشى وتباسىلارىنا جالپىلاستىردى.

       اقىلباي مۇقامەتالي ۇلى

جاۋاپتى رەداكتور: جازيرا بولاتباي قىزى