بايلىق كاپيتالعا اينالىپ، كىرىس ەسەلەپ ارتتى

  • كەلۋ قاينارى: شينجياڭ گازەتى تورابى
  • 09:09:01 25/05/2018

    سەلبەستىك كووپەراتيۆتەرىنىڭ ۇزدىكسىز دامىپ، كەمەلدەنۋىنە ساي، اۋىل - قىستاقتاردى كوركەيتۋگە دەم بەرۋ رولى بارعان سايىن كورنەكتىلەنە ءتۇستى. «شارۋالار سەلبەستىك كووپەراتيۆىنە قاتىناسقاننان كەيىن، بايلىق كاپيتالعا، قارجى جارناعا، قىستاق تۇرعىندارى جارناگەرلەرگە اينالدى»، - دەدى اشىلى قازاق ۇلتتىق اۋىلدىق پارتكومنىڭ شۋجيى لياڭ تاۋ تىلشىگە. ول: قازىر وسى اۋىلدا 1200دەن استام مالشى ءار ءتۇرلى سەلبەستىك كووپەراتيۆىنە قاتىناسىپ، 4000نان استام ادام يگىلىككە كەنەلدى، بۇل تۇتاس اۋىلداعى جالپى حالىق سانىنىڭ تەڭ جارتىسىنان استامىن ۇستايدى، قىستاق تۇرعىندارىنىڭ كىرىسى جوعارىلاۋمەن بىرگە، قىستاقتىڭ بەت - بەينەسىندە دە وراسان زور وزگەرىستەر تۋىلدى، - دەدى.

    قازىر سانجى وبلىسى 2021 شارۋالار سەلبەستىك كووپەراتيۆىن جەتىلدىردى، مۇنىڭ 19ى مەملەكەت دارەجەلى ۇلگى كورسەتۋ كووپەراتيۆى، 228ى اۆتونوميالى رايون دارەجەلى ۇلگى كورسەتۋ كووپەراتيۆى، 231ى وبلىس دارەجەلى سەلبەستىك كووپەراتيۆى.

    ما ۋىنشين: سانجى وبلىسىنىڭ نىساناسى − اۋىل شارۋاشىلىعىن تابىس جاراتاتىن كاسىپكە، شارۋالاردى باۋراۋ قۋاتى بار شوعىرعا، اۋىل - قىستاقتى حالىق تىنىش تىرشىلىك ەتەتىن كورىكتى مەكەنگە اينالدىرۋ. وبلىس شارۋالار سەلبەستىك كووپەراتيۆىنە سۇيەنە وتىرىپ، اۋىل شارۋاشىلىعىنىڭ دەڭگەيىن جالپى بەتتىك جوعارىلاتۋدى، اۋىل - قىستاقتاردى جاپپاي العا باستىرۋدى، ەگىنشىلەردى جاپپاي دامىتۋدى بىرتە - بىرتە جۇزەگە اسىرۋعا قۇلشىنادى، - دەدى.

جاۋاپتى رەداكتور: گۇلدەن ماقسات قىزى