جەڭىل - جەلپى سىرقاتتى اۋىلدا، سالماقتى ناۋقاستى اۋداندا ەمدەدى

  • كەلۋ قاينارى: شينجياڭ گازەتى تورابى
  • 08:59:29 27/05/2018

   

ەمدەۋ بىرلەستىك تۇلعاسىنىڭ ساپالى قىزمەت كورسەتۋى بۇقارانىڭ دەنساۋلىعىن كوزدەدى

 ءتىلشىمىز چاۋ جين

 

    «بۇرىن ءبىز ۇنەمى اۋداندىق شيپاحاناعا بارىپ اۋرۋ كورسەتىپ، ءدارى - دارمەك الاتىنبىز، اقشانى كوپ جۇمساۋمەن قاتار، ءوزىمىز دە شارشايتىنبىز. قازىر جاعداي جاقسى، اۋىل - قالاشىق ەمحاناسىنداعى شيپاگەرلەردىڭ ورەسى ءوستى، اۋداندىق شيپاحانادان ءار اپتادا شيپاگەر كەلىپ اۋرۋ كورەدى، بۇقارا اۋرۋ كورسەتۋ ءۇشىن الىسقا بارىپ اۋرە بولمايتىن بولدى». يانجي حۇيزۋ اۆتونوميالى اۋدانى شاعانچەركە اۋىلدىق ەمحانادا 5 - ايدىڭ 16 - كۇنى اۋرۋ كورسەتىپ وتىرعان گاۋ ليچيننىڭ وسى سوزدەرى نەگىزگى ساتىداعى بۇقارانىڭ رايونىمىزدىڭ ەمدەۋ بىرلەستىك تۇلعاسى قۇرىلىسىنان يگىلىكتەنگەن ناقتى تيىمدىلىكتەرىن بەينەلەدى.

    گاۋ ليچيننىڭ قان قىسىمى جوعارى، ول قان قىسىمىن تومەندەتەتىن ءدارىنى ۇزاق ۋاقىتتان بەرى ءىشىپ كەلەدى. ۇيىندەگىلەر ونى اۋىلدىق ەمحاناعا تەكسەرتكەلى اكەلگەندە، ونىڭ قان قىسىمى 110 ميلليمەتر دە 180 ميلليمەتر سىناپ باعاناسىن كورسەتتى. بۇرىن قان قىسىمى مۇنداي جوعارى بولعاندا، جوعارى دارەجەلى شيپاحاناعا ەمدەلۋگە جىبەرىلەتىن، وسى كۇنى يانجي اۋداندىق حالىق شيپاحاناسى ىشكى اۋرۋلار 1 - ءبولىمىنىڭ مەڭگەرۋشىسى مەيىربان مامەت اۋىلدىق ەمحانادا اۋرۋ كورىپ وتىرعان ەدى، ول اۋرۋ بەلگىسىنە قاراي ەمدەۋ جوباسىن رەتتەدى. گاۋ ليچين ەمحانادا جاتىپ ەمدەلگەن كەزدە، اۋىلدىق ەمحانانىڭ شيپاگەرلەرى قاشىقتان مەيىربانمەن بايلانىس جاساپ، دياگنوزىن انىقتاتقاننان كەيىن، گاۋ ليچيننىڭ قان قىسىمى تەز ارادا قالىپقا ءتۇستى. گاۋ ليچين ساۋىعىپ ۇيىنە قايتقاننان كەيىن ەسەپتەپ كورسە، وسى رەت ەمحانادا جاتىپ ەمدەلگەندە بۇرىن اۋداندىق شيپاحانادا ەمدەلگەندەگىمەن سالىستىرعاندا، 1000 يۋاننان كوبىرەك اقشا ۇنەمدەپتى.

    «جەڭىل - جەلپى سىرقاتتى اۋىلدا، سالماقتى ناۋقاستى اۋداندا ەمدەتۋ»، «بۇقارانىڭ اۋرۋ كورسەتۋى قيىن بولۋ، اۋرۋ كورسەتۋى قىمبات بولۋ ماسەلەسىن شەشۋ» − اۆتونوميالى رايوندىق پارتكوم مەن ۇكىمەتتىڭ بەرتىنگى جىلداردا نەگىزگى ساتىداعى بۇقاراعا ءۇرتىس ىستەپ كەلگەن ناقتى ىستەرى.

    «بولىمدەر سۇيەمەلدەۋ، بولىمدەردەگى تىرەكتىلەردى تاڭداپ، اۋىلعا اۋرۋ كورۋگە، اۋرۋلاردى تەكسەرۋگە جەتەكشىلىك ەتۋگە، رەتسەپتەرگە باعا بەرۋگە، اۋرۋ تاريحىن ساپا جاقتان مەڭگەرۋگە جىبەرۋ سياقتىلار اۋداندىق شيپاحانا قىزمەتىنىڭ ءبىر بولىمىنە اينالدى، ويتكەنى قازىر كوپشىلىك تۇگەل ءبىر ءۇيدىڭ ادامدارى عوي». يانجي اۋداندىق دەنساۋلىق ساقتاۋ، جوسپارلى تۋىت كوميتەتى شيپاگەرلىك ىستەر ءبولىمىنىڭ باستىعى جاۋ شياۋلي وسىلاي دەپ تانىستىرا كەلىپ: 2014 - جىلى 10 - ايدا يانجي اۋدانى اۋدان، اۋىل، قىستاق 3 دارەجەلى ەمدەۋ - دەنساۋلىق ساقتاۋ بايلىقتارىن بىرلەستىرۋ ارقىلى 8 اۋىل - قالاشىق شيپاحاناسى مەن 47 قىستاق ەمحاناسىنداعى ادام، قازىنا، زات سياقتىلاردىڭ ءبارىن اۋداندىق حالىق شيپاحاناسىنىڭ باسقارۋىنا تاپسىرىپ بەرىپ، جاۋاپكەرلىكتى بىرگە ارقالايتىن، پايدادان تەڭ يگىلىكتەنەتىن، سايكەستى داميتىن اۋدان كولەمىندە ەمدەۋدەن قىزمەت كورسەتۋ بىرلەستىك تۇلعاسىن قۇردى.

جاۋاپتى رەداكتور: گۇلدەن ماقسات قىزى