شي جينپيڭ مەن وماننىڭ سۇلتانى كابۋس ءبىر - بىرىنە قۇتتىقتاۋ تەلەگرامماسىن جولدادى

  • كەلۋ قاينارى: شينجياڭ گازەتى تورابى
  • 04:18:58 28/05/2018

 

جۇڭگو مەن وماننىڭ ستراتەگيالىق سەرىكتەستىك قاتىناس ورناتقاندىعىن جاريالادى ءارى ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 40 جىلدىعىن قۇتتىقتادى

 

    شينحۋا اگەنتتىگىنىڭ 5 - ايدىڭ 25 - كۇنى بەيجيڭنەن بەرگەن حابارى. 5 - ايدىڭ 25 - كۇنى مەملەكەت ءتوراعاسى شي جينپيڭ مەن ومان سۇلتاندىعىنىڭ سۇلتانى كابۋس ءبىر - بىرىنە قۇتتىقتاۋ تەلەگرامماسىن جولداپ، جۇڭگو مەن وماننىڭ ستراتەگيالىق سەرىكتەستىك قاتىناس ورناتقاندىعىن بىرگە جاريالادى ءارى ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 40 جىلدىعىن قىزۋ قۇتتىقتادى.

    شي جينپيڭ قۇتتىقتاۋ تەلەگرامماسىندا مىنانى اتاپ كورسەتتى: جۇڭگو مەن ومان ديپلوماتيالىق قارىم - قاتىناس ورناتقان 40 جىلدان بەرى، ەكى ەل ۇكىمەتى جانە حالقى ءبىر - بىرىنە قۇرمەت ەتىپ، ءبىر - بىرىنە تەڭ تۇرعىدا مامىلە جاساپ، تەرەڭ دوستىق ورناتتى، ەكى جاقتى قارىم - قاتىناس جالپى بەتتىك تەز قارقىنمەن دامىدى، تاراپتاردىڭ «ءبىر بەلدەۋ، ءبىر جول» جۇلگەسىن بىرگە ورناتۋ اياسىنداعى ءار سالاداعى ىنتىماقتاستىعىنىڭ ناتيجەسى قوماقتى بولىپ، ەكى ەلگە جانە ەكى ەل حالقىنا ناقتى پايدا جەتكىزدى. مەن جۇڭگو مەن ومان قارىم - قاتىناسىنىڭ دامۋىنا وسكەلەڭ ءمان بەرەمىن، ەكى ەلدىڭ ديلوماتيالىق قارىم - قاتىناس ورناتقاندىعىنىڭ 40 جىلدىعى ورايىندا، ەكى ەل قارىم - قاتىناسى دەڭگەيىنىڭ ستراتەگيالىق سەرىكتەستىك قاتىناس دارەجەسىنە كوتەرىلگەندىگىن تۇراقتاندىرۋدى سىزبەن بىرگە جاريالاعىم كەلەدى. مەن مۇنىڭ ەكى ەل قارىم - قاتىناسىنىڭ دامۋىن پارمەندى ساياسي كەپىلمەن قامتاماسىز ەتىپ، ەكى ەلدى «ءبىر بەلدەۋ، ءبىر جول» ىنتىماقتاستىعىن بىرگە ورناتۋ بارىسىندا اناعۇرلىم كوپ ناتيجەگە قول جەتكىزۋگە باستاپ، تاراپتاردىڭ حالىقارالىق جانە وڭىرلىك ىستەردەگى ورتاق مۇددەسىن قورعاپ، ەكى ەل قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتەتىندىگىنە كامىل سەنەمىن.

    كابۋس قۇتتىقتاۋ تەلەگرامماسىندا بىلاي دەدى: ومان جاق جۇڭگومەن اراداعى قاتىناستى دامىتۋعا ءمان بەرەدى، ديپلوماتيالىق قارىم - قاتىناس ورناتقان 40 جىلدان بەرى، ەكى ەلدىڭ دوستىق ىنتىماقتاستىعىنىڭ قول جەتكىزگەن بەلسەندى ناتيجەسىن قاستەرلەيدى، ومان مەن جۇڭگونىڭ ستراتەگيالىق سەرىكتەستىك قاتىناسىن ورناتۋ جانە ونى ۇزدىكسىز كۇشەيتۋ ارقىلى ەكى ەلدىڭ ورتاق مۇددەسىن ىشكەرىلەي ىلگەرىلەتۋدى قالايدى.

جاۋاپتى رەداكتور: گۇلدەن ماقسات قىزى