مىندەت – بورىشى ايقىن، زاڭ بويىنشا اكىمشىلىك جۇرگىزەتىن ۇكىمەتتىڭ جونگە سالۋ جۇيەسىن ورناتايىق

  • كەلۋ قاينارى: شينجياڭ زاڭ جانە تۇرمىس گازەتى
  • 08:59:46 28/05/2018

«جۇڭگو كوممۋنيستىك پارتياسىنىڭ پارتيا مەن مەملەكەتتىڭ قۇرىلىم رەفورماسىن تەرەڭدەتۋ جونىندەگى ۇيعارىمىندا» (تومەندە قىسقارتىلىپ «ۇيعارىم» دەلىنەدى) بىلاي دەپ تالاپ ەتىلگەن: ماكرولىق جاقتان باسقارۋ تاراۋلارىنىڭ فۋنكتسياسى مەن ۇقىق شەگىن عىلمي تۇراقتاندىرىپ، مەملەكەتتىڭ دامۋ ستراتەگياسىن، ءبىرتۇتاس جوبالاۋ جۇيەسىن بەلگىلەۋ فۋنكتسياسىن كۇشەيتىپ، مەملەكەت ستراتەگياسىنىڭ، جوباسىنىڭ جەتەكشىلىك ەتۋ رولىن ويداعىداي ساۋلەلەندىرۋ؛ ماكرولىق جاقتان رەتتەۋ–مەڭگەرۋ جۇيەسىن كەمەلدەندىرىپ، رەتتەۋ–مەڭگەرۋ فورماسىنا جاڭالىق ەنگىزىپ، دامۋ جوباسى، قازىنا، فينانس سياقتىلاردى ساياسات جاقتان سايكەستىرۋ مەن قىزمەتتى سايكەستىرۋ مەحانيزمىن ورناتۋ ءتيىس.

    ۇكىمەت قۇرىلىمدارىن ىقشامداپ، ۇقىقتى تومەنگە بەرۋدى ىشكەرىلەي جەبەۋ. ۇكىمەت فۋنكتسياسىنا بۇرىلىس جاساۋدىڭ تەتىگى ۇكىمەت قۇرىلىمدارىن ىقشامداپ، ۇقىقتى تومەنگە بەرۋدە. رەفورما جاسالىپ، ەسىك اشىلعان 40 جىلدان بەرى ەلىمىز اكىمشىلىك ءتۇزىلىس رەفورماسىن ءۇرتىس جەبەپ كەلەدى. تۇپتەپ كەلگەندە، بۇل ۇكىمەت پەن كاسىپورىندى، ۇكىمەت پەن كاپيتالدى، ۇكىمەت پەن كاسىپتى، ۇكىمەت پەن بازارداعى دەلدالدىق ۇيىمداردى ايىرۋدى جەبەۋ ارقىلى ۇكىمەت باسقارۋعا ءتيىستى بولماعان ىستەردى بازاردىڭ نەمەسە قوعامنىڭ باسقارۋىنا وتكىزىپ بەرىپ، ۇكىمەت باسقارۋعا ءتيىستى ىستەردى قاداعالاي، ويداعىداي باسقارۋ ءۇشىن بولىپ تابىلادى. پارتيا 18–قۇرىلتايىنان بەرى پارتيا ورتالىق كوميتەتى، مەملەكەتتىك كەڭەس «ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى سايكەستىرۋ، ساپالى قىزمەت وتەۋ» رەفورماسىن ۇكىمەت فۋنكتسياسىنا بۇرىلىس جاساۋدىڭ قامال الۋ ءتۇيىنى ەتىپ، اكىمشىلىك تەكسەرىپ–بەكىتۋ ىستەرىن قاۋىرت ازايتىپ، كورنەكتى ونىمدىلىكتى قولعا كەلتىردى. وسى رەت مەملەكەتتىك كەڭەستىڭ قۇرىلىم رەفورماسىندا ۇكىمەت قۇرىلىمدارىن ىقشامداپ، ۇقىقتى تومەنگە بەرۋدى ىشكەرىلەي جەبەۋ ۇزدىكسىز كورنەكتى ورىنعا قويىلدى. «ۇيعارىمدا» مىنالار تالاپ ەتىلگەن: ۇكىمەتتىڭ ميكرولىق باسقارۋ ىستەرى مەن ناقتى تەكسەرىپ–بەكىتۋ ىستەرىن ازايتۋ، ۇكىمەتتىڭ بازار مەن بايلىقتى تىكەلەي ورنالاستىرۋىن، بازار قيمىلىنا تىكەلەي ارالاسۋىن بارىنشا ازايتۋ، بايلىقتىڭ بولىسكە ءتۇسۋ ونىمدىلىگى مەن تەڭدىگىن ارتتىرىپ، ءار تۇردەگى بازاردىڭ تۇلعالىق ومىرشەڭدىك قۋاتىن جوعارىلاتۋ كەرەك.

    بازاردى باقىلاپ–باسقارۋ مەن زاڭ اتقارۋ ءتۇزىلىسىن كەمەلدەندىرۋ. بۇل _ مىندەت–بورىشى ايقىن، زاڭ بويىنشا اكىمشىلىك جۇرگىزەتىن ۇكىمەتتىڭ جونگە سالۋ جۇيەسىن ورناتۋدىڭ ءتۇيىندى مىندەتى. بازاردى باقىلاپ–باسقارۋ مەن اكىمشىلىك زاڭ اتقارۋ–اكىمشىلىك ورگانداردىڭ ەڭ كوپ شۇعىلداناتىن كۇندەلىكتى اكىمشىلىك قيمىلى، زاڭ–ەرەجەنى اتقارىپ، ەكونوميكالىق، قوعامدىق ىستەردى زاڭ بويىنشا باسقارۋىنىڭ نەگىزگى جولى، ۇكىمەت فۋنكتسياسىن جۇرگىزۋدىڭ ماڭىزدى فورماسى. «ۇيعارىمدا» مىنالار تالاپ ەتىلگەن: بازاردى باقىلاپ–باسقارۋ تۇزىلىسىنە رەفورما جاساپ ءارى ونى رەتتەپ، باقىلاۋ–باسقارۋ فۋنكتسياسىن بىرىكتىرىپ، باقىلاپ–باسقارۋ مەن سايكەستىرۋدى كۇشەيتىپ، بازاردى باقىلاپ–باسقارۋدىڭ بىرىككەن كۇشىن قالىپتاستىرۋ كەرەك. اكىمشىلىك زاڭ اتقارۋ ءتۇزىلىسى رەفورماسىن تەرەڭدەتىپ، اكىمشىلىك جازالاۋ فۋنكتسياسى مەن زاڭ اتقارۋ بايلىعىن ءبىرتۇتاس جوسپارلاپ ورنالاستىرىپ، زاڭ اتقارۋ قوسىنىن بىرىكتىرىپ، سۇرىپتاپ، باس–باسىنا، قات–قابات، قايتالامالى زاڭ اتقارۋ ماسەلەلەرىن شەشۋ كەرەك.

جاۋاپتى رەداكتور: جازيرا بولاتباي قىزى