شينجياڭدا وقۋ الدىنداعى 3 جىلدىق ءتالىم – تاربيەنىڭ جالپىلاسۋ مولشەرى %95 كە جەتتى

  • كەلۋ قاينارى: ىلە گازەتى
  • 05:22:22 31/05/2018

    

    بۇدان ءبىر ميلليون 370 مىڭ ءار ۇلت بالالارى يگىلىكتەندى

 

    شينحۋا اگەنتتىگىنىڭ ءتىلشىسى اينۇر ۇرىمجىدەن حابارلايدى. مەملەكەت پەن شينجياڭ ۇيعۇر اۆتونوميالى رايونىنىڭ مول قارجى قوسۋى جانە وقۋ–اعارتۋ جاعىنان حالىققا تيىمدىلىك جاساۋ ساياساتىنىڭ ارقاسىندا بيىل 5–ايعا دەيىن شينجياڭدا وقۋ الدىنداعى 3 جىلدىق ءتالىم–تاربيەنىڭ جالپىلاسۋ مولشەرى %95 كە جەتىپ، بۇدان ءبىر ميلليون 370 مىڭ ءار ۇلت بالالارى يگىلىكتەندى.

    ءتىلشىنىڭ اۆتونوميالى رايوندىق وقۋ–اعارتۋ مەڭگەرمەسىنەن ۇعىسۋىنشا، مەملەكەت پەن اۆتونوميالى رايوننىڭ قارجى قوسۋ مولشەرىنىڭ ۇزدىكسىز ارتۋىنا ىلەسە جاقىنعى جىلداردان بەرى شينجياڭدا وقۋ الدىنداعى 3 جىلدىق ءتالىم–تاربيە اناعۇرلىم كولەمدى، اناعۇرلىم جوعارى ساپا نەگىزىندە جالپىلاستىرىلىپ، «قاتتى» جانە «جۇمساق» بولشەككە بىردەي ءمان بەرىلىپ، اۆتونوميالى رايون، ايماق (وبلىس، قالا)، اۋدان جانە اۋىل–قىستاق سىندى 4 دارەجەلى ورىندا وقۋ الدىنداعى ءتالىم–تاربيەنى جالپىلاستىرۋعا قىزمەت وتەۋ جۇيەسى قۇرىلىپ، جالپىلاسۋ كولەمى %95.95 كە، تۇتاس رايوندا بالالار باقشاسىندا وقىپ جاتقان بالالاردىڭ سانى ءبىر ميلليون 396 مىڭ 100 ادامعا جەتكەن.

    «وقۋ–اعارتۋ نەگىزى ءالسىز رايون» اتانعان وڭتۇستىك شينجياڭداعى 3 ايماق، ءبىر وبلىس – اۋىل–قىستاقتا وقۋ الدىنداعى ءتالىم–تاربيەنى جالپىلاستىرۋ قىزمەتىنىڭ ەڭ ماڭىزدى ءتۇيىنى سانالادى. جاقىنعى ءبىرقانشا جىلداردان بەرى مەملەكەت پەن اۆتونوميالى رايون كوڭىل ءبولۋ سيپاتتى ساياسات، قارجى، وقىتۋشىلار قۋاتى سياقتى جاقتاردان سۇيەمەلدەۋ ارقىلى وڭتۇستىك شينجياڭنىڭ وقۋ الدى ءتالىم–تاربيە قىزمەتىن تەز قارقىنمەن ورنىقتى دامىتتى. 2017–جىلدىڭ وزىندە – اق شينجياڭدا وقۋ–اعارتۋدىڭ ىركىلىسسىز ارناسى اشىلىپ، وڭتۇستىك شينجياڭداعى 3 ايماق، ءبىر وبلىس نەگىزگى ءتۇيىن ەتىلىپ، اۋىل–قىستاقتا 4 مىڭ 387 بالالار باقشاسى جاڭادان جانە وزگەرتىلىپ سالىنىپ، وقۋ الدى ءتالىم–تاربيە قىزمەتى اۋىل–قىستاقتا نەگىزىنەن جالپىلاستى. وسىلايشا ءار ۇلت بالالارىنان ءبىر ميلليون 176 مىڭ 100 ادام ءوز جەرىندە اقىسىز دا ساپالى وقۋ الدى ءتالىم – تاربيەسىنەن يگىلىكتەندى.

    «قاتتى بولشەك» قۇرىلىسىن كۇشەيتۋمەن بىرگە، جاقىنعى ءبىرقانشا جىلدان بەرى، شينجياڭ «شينجياڭ وقۋ الدى قوس ءتىلدى ەرەكشە قىزمەت ورنى جوسپارىن» اتقارىپ، پەداگوگيكا مەكتەبىندەگى وقۋشىلاردىڭ وقۋ قاراجاتىن كەشىرىم ەتۋ، كادرلاردى ساباق وتۋگە ۇيىمداستىرۋ سياقتى وقۋ–اعارتۋ جاعىنان حالىققا تيىمدىلىك جاساۋ ساياساتىن اتقارۋ ارقىلى ءتۇرلى ارنالارمەن وقۋ الدى ءتالىم–تاربيەسىندە وقىتۋشى كەمشىل بولۋى ماسەلەسىن شەشىپ، جالپى 40 مىڭ 500 وقىتۋشى تولىقتادى. سونىمەن بىرگە، وقۋ الدى ءتالىم–تاربيە قاراجاتى ولشەمىن ءار بالاعا جىلىنا 2 مىڭ 800 يۋاننان بەرۋ ولشەمى بويىنشا جوعارىلاتىپ، وقۋ الدى ءتالىم–تاربيە قىزمەتىنىڭ ساپاسىن بارىنشا جاقسارتتى.

جاۋاپتى رەداكتور: گۇلدەن ماقسات قىزى