كاسىپ جاراتۋدى جەبەۋ بازاسى شارۋالاردىڭ اۋقاتتانۋ جولىنا اينالدى

  • كەلۋ قاينارى: ىلە گازەتى
  • 09:39:30 05/06/2018

 

    سوڭعى جىلداردان بەرى كۇنەس اۋدانىنىڭ جەر-جەرىندە كاسىپ جاراتۋدى جەبەۋ بازاسى قۇرىلىپ، جەرگىلىكتى ورىنداعى كاسىپ جاراتۋشىلار مەن كاسىپ جاراتۋ ويى بارلارعا تەكشە ورناتىلىپ، وسىعان وراي ءتۇرلى تيىمدىلىك، سۇيەمەلدەۋ ساياساتتارى شىعارىلعاندىقتان بارشا جاستاردىڭ جۇمىس ىستەپ، كاسىپ جاراتۋ بەلسەندىلىگى ارتتى.

    كۇنەس اۋدانى قارابۋرا قالاشىعىنىڭ قىستاق تۇرعىنى سۋ شيانپيڭ بىرنەشە جىلدىڭ الدىندا كاسىپورىننىڭ جۇمىسشىسى بولاتىن، دەسە دە ول بۇعان قاناعاتتانباي، كاسىپ جاراتۋدى ارماندايتىن. 2014-جىلى ول ءبىر زات اينالىمى دۇكەنىن اشادى، دۇكەنىنىڭ ماي اقىسى جوعارى، پايداسى ماردىمسىز بولعاندىقتان كاسىپ جاراتۋدان ۋاز كەشىپ، كاسىپورىنعا قايتادى. 2016-جىلى قارابۋرا قالاشىعىنىڭ كاسىپ جاراتۋدى جەبەۋ بازاسىنىڭ جەبەۋىندە قايتادان حالىققا قولايلى بولعان زات اينالىمى جۇك جونەلتۋ پۋنكىتىن قۇرادى. دۇكەننىڭ ءۇش جىلدىق ماي اقىسىنا تيىمدىلىك جاسالعاندىقتان ونىڭ ساۋداسى بارعان سايىن جاقسارىپ، ءار ايداعى پايداسى8 مىڭ دا 10 مىڭ يۋانعا دەيىن جەتتى.

    قارابۋرا قالاشىعى حالىققا قولايلى بولعان زات اينالىمى، جۇك جونەلتۋ پۋنكىتىنىڭ جاۋاپتىسى سۋ شيانپيڭ: العاش كاسىپ جاراتۋشى بولعان ءبىز ءۇشىن العاندا ۇكىمەتتىڭ قامداعان بۇل كاسىپ جاراتۋدى جەبەۋ بازاسىنىڭ كومەگى زور بولدى، ءار جىلى دۇكەن ماي اقىسىنىڭ %70 ىن كەشىرىم ەتكەندىكتەن ءبىر جىلدا 10 مىڭ يۋان، ءۇش جىلدا 30 مىڭ يۋان تيىمدىلىككە يە بولدىق، قازىر دۇكەنىم بارعان سايىن دامۋدا، بۇل كاسىپ جاراتۋشىلاردىڭ سەنىمىن ءتىپتى دە بەكەمدەي ءتۇستى.

    ۇعىسۋعا قاراعاندا، قىستاق تۇرعىندارى وسىندا كەلىپ كاسىپ جاراتىپ، ۇكىمەتتىڭ ءۇش جىلدىق دۇكەن ماي اقىسىن كەشىرىم ەتۋ تيىمدىلىگىنەن يگىلىكتەنۋدەن سىرت، جەرگىلىكتى ۇكىمەت ولاردىڭ كاسىپ جاراتۋ قارجىسى كومەك قارىز اقشا الۋ سياقتى جۇمىستارىنا قول ۇشىن بەرىپ، شىنايى كاسىپ جاراتۋ ارمانىن جۇزەگە اسىرۋىنا كومەكتەسىپ كەلەدى ەكەن.

    قارابۋرا قالاشىعى ەڭبەك قامتاماسىزداندىرۋ بولىمشەسىنىڭ باستىعى حۋ حايفىڭ: قارابۋرا قالاشىعىنىڭ بۇل كاسىپ جاراتۋدى جەبەۋ بازاسى 2016-جىلى اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ قارجى قوسۋىمەن قۇرىلعان، تومەندە 7 دۇكەن، جوعارىدا ءۇش كاسىپورىن بار، جيىنى جەتى جەكە كاسىپكەر، ءۇش كاسىپورىن وسىندا كاسىپ جاراتىپ، كاسىپتەنۋدە。 ولار كاسىپتەنۋشىلەردەن 75 ادامنىڭ كاسىپتەنۋىنە جەتەكشىلىك ەتۋدە، قىس ماۋسىمىندا بۇل باقشا رايونىندا كولەمدى كۋرسى وتكىزىلىپ، كۋرسى ارقىلى كاسىپ جاراتۋعا بارىنشا جەبەپ كەلەمىز-دەدى.

    قالينۇر بەلدەنبەك ۇلى

جاۋاپتى رەداكتور: گۇلدەن ماقسات قىزى