اۆتونوميالى رايوندىق حالىق ۇكىمەتى كەڭسەسى ۇلتتار ىنتىماعىنىڭ جان تامىرىن بەكەمدەدى

  • كەلۋ قاينارى: شينجياڭ گازەتى تورابى
  • 10:47:34 05/06/2018

   

ءتىلشىمىز شى شين

    5 - ايدىڭ 31 - كۇنى قاشقار جاڭاءشار اۋدانى جاڭا اۋات اۋىلى قاراجار قىستاعىنداعى كەدەي وتباسى ابدىرەي سىدىقتىڭ وتباسى دۋمانعا بولەندى، قىستاقتاعى «ۇلتتار ىنتىماعى كوركەمونەر ۇيىرمەسى» قىستاق تۇرعىندارىنا تارتىمدى ويىن نومىرلەرىن قويىپ جاتتى.

    سونىمەن بىرگە، وسى اۋىلدىڭ ءدوڭقىستاق قىستاعىنداعى قاشقار جاڭاءشار اۋدانى سىيۋان قولعاپ شەكتەۋلى سەرىكتەستىگىنىڭ قولعاپ بولىمشە زاۆودى وسى قىستاقتىڭ ۇلكەن اۋلاسىندا جۇمىس باستاۋ سالتىن وتكىزدى.

    بۇل ەكى قيمىلدى اۆتونوميالى رايوندىق حالىق ۇكىمەتى كەڭسەسى باس بولىپ وتكىزدى.

    حالىق ۇكىمەتى كەڭسەسى ۇلتتار ىنتىماعىن جەبەۋدى ماڭىزدى ساياسي مىندەت رەتىندە قاراپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن ءىس جۇزىندىككە بىرلەستىرە وتىرىپ ويداعىداي ورىستەتتى، تۋىستاسقان كادرلار مەن بۇقارا ءبىر - بىرىنە دەمەۋشى بولىپ، جاڭا داۋىردە ۇدەرە العا تارتۋدىڭ قۇدىرەتتى كۇشىن ۇيىستىردى.

    ۇلگىلەر «ۇلتتار ىنتىماعىنىڭ جاقسىلىعىن» باستاماشىلدىقپەن جىرلادى

    جانىمىزدا ۇلگىلەر بولسا، العا ىلگەرىلەۋگە كۇش سيلايدى.

    اۆتونوميالى رايوندىق حالىق ۇكىمەتىنىڭ شاڭحايدا تۇراتىن ءىس باسقارماسىنىڭ ورىنباسار مەڭگەرۋشىسى، قىستاقتىڭ ءبىرىنشى شۋجيى قايسار مامەت قاراجار قىستاعىنداعى ۇلتتار ىنتىماعىنىڭ ۇلگىسى.

    2017 - جىلى قايسار قاراجار قىستاعىنداعى 5 قىستاق تۇرعىنىنىڭ شاڭحاي پوچتا مەكەمەسىنەن قىزمەت تابۋىنا كومەكتەسەدى، ولار ايىنا 5000 يۋان اينالاسىندا ايلىق الادى.

    29 جاستاعى يبىرايىم ابدۋالي قىزمەت ىستەپ 2 - ايىندا ءوزىنىڭ جيناعان 5000 يۋان ايلىعىن قايسارعا جىبەرەدى، ول وسى اقشانى قىستاقتاعى بالاباقشاسىنا اتايدى.

جاۋاپتى رەداكتور: گۇلدەن ماقسات قىزى