قاتىناس شىرعالاڭىن كورۋشى كۋا بولۋدان باس تارتسا، زاڭدىق جاۋاپكەرشىلىك ارقالاي ما

  • كەلۋ قاينارى: شينجياڭ زاڭ جانە تۇرمىس گازەتى
  • 05:16:18 06/06/2018

   

  ءمالىم ءبىر كۇنى، ءمالىم قالادا اۋىر قاتىناس شىرعالاڭى تۋىلىپ، قاتىناس ساقشى اترەتى دەركەزىندە ناق مايدانعا بارىپ، ءبىر جاقتى ەتۋ جۇمىستارىن ىستەيدى، سۋرەتكە الىپ، ناق مايدان سۋرەتىن سىزىپ، ءىز، زاتتىق دالەلدەرىن جيناپ، ناق مايدان تەكسەرۋ ەستەلىگىن جازادى جانە كۋاشىلەردى تەكسەرەدى. اسەمباي ناق مايداندى كورۋشىلەردىڭ ءبىرى ەدى، ناق مايدان سۋرەتىنە دە قول قويادى، الايدا سوت مەكەمەسىنە بارىپ كۋاگەر رەتىندە سوتقا قاتىناسۋ ۇقتىرۋىن تاپسىرىپ الادى. اسەمباي وزىنە اۋرەشىلىك تاۋىپ الۋدان الاڭداپ، سوتقا شىعىپ كۋاگەر بولۋدان باس تارتادى.

    «ازاماتتىق ىستەر ارىز - شاعىم زاڭىنىڭ» 73 - تارماعىندا بىلاي دەپ بەلگىلەنگەن: دەلونىڭ جاعدايىن بىلەتىن ورىندار مەن جەكەلەردىڭ ءبارى دە سوت ۇستىندە كۋا بولۋعا بورىشتى، قاتىستى ورىنداردىڭ جاۋاپتى ادامدارى كۋاشىنىڭ كۋا بولۋىن قولداۋى كەرەك، سوتقا كەلۋگە شىنىندا قيىنشىلىعى بار كۋاشىنىڭ كۋالىك ءسوزىن حالىق سوت مەكەمەسىنىڭ رۇقساتىمەن جازباشا تاپسىرۋىنا بولادى، ءوز ەركىن دۇرىس بەينەلەي المايتىنداردىڭ كۋاشى بولۋىنا بولمايدى. ‹‹ەڭ جوعارى حالىق سوت مەكەمەسىنىڭ ازاماتتىق ىستەر ارىز - شاعىم ىسپاتتارى جونىندەگى ءبىرقانشا بەلگىلەمەسىنىڭ›› 56 - تارماعىندا: «ازاماتتىق ىستەر ارىز - شاعىم زاڭى» 73 - تارماعىنداعى سوتقا كەلۋگە شىنىمەن قيىنشىلىعى بولىپ سوتقا شىعا الماۋ دەگەندى ناقتى بىلاي تۇسىندىرگەن: (1) جاسى ۇلعايعان، دەنە قۋاتى ءالسىز نەمەسە ءجۇرىپ - تۇرۋى قولايسىز، سوتقا شىعۋعا مۇمكىندىگى جوقتار؛ (2) ەرەكشە جۇمىس ورىندا ىستەيتىن، شىنىندا جۇمىس ورنىنان كەتە المايتىندار؛ (3) جول شالعاي، قاتىناسى قولايسىز، سوتقا شىعۋى قيىندار؛ (4) تابيعي اپات سىندى توتەپ بەرۋگە بولمايتىن سەبەپتەردەن سوتقا شىعا المايتىندار؛ (5) سوتقا شىعۋعا مۇمكىندىك بولماعان باسقا ەرەكشە احۋالدار. جوعارىداعى احۋالداردا كۋاشى سوت مەكەمەسىنىڭ رۇقساتىمەن كۋالىك ءسوزىن جازباشا نەمەسە دىبىس - كەسكىن ماتەريال نەمەسە قوس باعىتتى دىبىس - كەسكىن جەتكىزۋ تەحنيكالىق ءتاسىلى ارقىلى كۋا بولادى. بۇدان زاڭدا ازاماتتاردىڭ كۋا بولۋ بورىشىن بەلگىلەسەدە كۋا بولۋدان باس تارتۋ جونىندە ايقىن بەلىگىلەمە جوق ەكەندىگىن كورۋگە بولادى. ونىڭ ۇستىنە قازىرگى زاڭ جانە امالياتتىق احۋالعا نەگىزدەلگەندە، كۋاگەرلەردى قورعاۋ تەبىنى دە جەتكىلىسىز بولعاندىقتان، كوپتەگەن كۋاگەرلەر سوتقا شىعىپ كۋا بولۋدان باس تارتادى. سوندىقتان بۇل دەلو جونىندە اسەمبايدىڭ سوتقا شىعىپ كۋا بولۋدان باس تارتۋىنىڭ سەبەبى بار، زاڭدىق جاۋاپكەرشىلىگى جوق بىرەۋگە زاڭدى جاۋاپكەرشىلىكتى ارقالاۋ تالابىن قويماۋ كەرەك.

جاۋاپتى رەداكتور: جازيرا بولاتباي قىزى