ەرلى - زايىپتىلاردىڭ بىرەۋى ءۇيدى ساتىپ جىبەرسە، توقتام كۇشكە يە ەمەس دەپ تۇراقتاندىرۋعا بولا ما

  • كەلۋ قاينارى: شينجياڭ زاڭ جانە تۇرمىس گدازەتى
  • 05:22:57 06/06/2018

    ۋاڭ شيان

    

    دەلو جاعدايى

    2009 - جىلى 3 - ايدىڭ 30 - كۇنى تالاپكەر مي شۋە مەن جاۋاپكەر لي كۇي نەكەلەنۋدى تىزىمگە الدىرعان. 2014 - جىلى 7 - ايدىڭ 9 - كۇنى تالاپكەر مي شۋە جاۋاپكەر لي كۇي ۇستىنەن ۇزاق ۋاقىت ءىز - دەرەكسىز كەتكەندىكتەن، «ورتامىزداعى ەرلى - زايىپتىلىق ماحاببات تۇبىرىنەن ءۇزىلدى» دەگەن سىلتاۋمەن حالىق سوتى مەكەمەسىنە نەكەدەن اجىراسۋ جونىندە ارىز ۇسىنعان. 2014 - جىلى 12 - ايدىڭ 2 - كۇنى حالىق سوتى مەكەمەسى تالاپكەر مەن جاۋاپكەردىڭ اجىراسۋىنا رۇقسات ەتۋ ۇكىمىن شىعارعان. تاراپتار نەكە قاتىناسى بار مەزگىلدە بىرگە ءۇي ساتىپ العان، 2010 - جىلى 4 - ايدىڭ 22 - كۇنى ءۇي - مۇلىك باسقارۋ تاراۋى ءۇي - مۇلىك ۇقىعى كۋالىگىن تارقاتقان كۋالىك ەستەلىگىندە «يەدەرشىلىك ەتۋشىلەر مي شۋە مەن لي كۇي، ورتاق يەلىك ەتەدى» دەپ انىق جازىلعان. 2014 - جىلى 3 - ايدىڭ 29 - كۇنى جاۋاپكەر لي كۇي ءوز بەتىمەن جاۋاپكەر جاڭ نامەن ءۇي ساتىپ بەرۋ - ساتىپ الۋ كەپىلدىك توقتامىن جاساسىپ، جوعارىدا ايتىلعان ءۇيدى 620 مىڭ يۋانعا جاۋاپكەر جاڭ ناعا ساتاتىن بولىپ كەلىسكەن. سول كۇنى جاۋاپكەر جاڭ نا لي كۇيگە ءۇي ساتىپ الۋ كەپىل سوماسى ءۇشىن 20 مىڭ يۋان بەرگەن، جاۋاپكەر لي كۇي اقشا تاپسىرىپ الۋ قولحاتىن جازىپ بەرگەن. جاۋاپكەر جاڭ نا 2014 - جىلى 4 - ايدا سول ۇيگە كوشىپ كىرىپ، قازىرگە دەيىن سول ءۇيدى پايدالانىپ كەلگەن.

    تاراپتار ورتاسىنداعى تالاس - تارتىس

    تالاپكەر مي شۋە ورتاق يەلىكتەگى ءۇيدى جاۋاپكەر لي كۇي ءوزىنىڭ رۇقساتىنسىز ءوز الدىنا جاۋاپكەر جاڭ ناعا ساتىپ جىبەرگەن ارەكەتى كۇشكە يە ەمەس دەپ قاراپ، حالىق سوتى مەكەمەسىنە جاۋاپكەر جاڭ نا مەن لي كۇي جاساسقان ءۇي ساتىپ بەرۋ - ساتىپ الۋ توقتامىنىڭ كۇشكە يە ەمەس ەكەنىن، جاۋاپكەر جاڭ نانىڭ بۇل ءۇيدى وزىنە دەرەۋ قايتارىپ بەرۋىن تالاپ ەتىپ ارىز ۇسىنادى.

    جاۋاپكەر جاڭ نا ءۇي ساتىپ بەرۋ - ساتىپ الۋ توقتامىن جاساسقان كەزدە جاۋاپكەر لي كۇي ءۇي - مۇلىك ۇقىعى كۋالىگىن، باج تاپسىرۋ تالونىن كورسەتكەنىن، ءبىراق، سول كەزدە جاۋاپكەر لي كۇي بۇل ءۇيدىڭ ەرلى - زايىپتىنىڭ ورتاق مۇلىكى ەكەنىن، ايەلىنىڭ بۇل ءۇيدى ساتۋعا قوسىلعانىن ايتقانىن، سونىمەن بىرگە ءوزىنىڭ اسكەري وفيتسەرلىك كۋالىگى مەن ازاماتتىق كۋالىگىن دە كورسەتكەنىن، لي كۇيگە 20 مىڭ يۋان ءۇي ساتىپ الۋ كەپىلدىك سوماسىن بەرگەننەن كەيىن، يەدەرشىلىك ۇقىعىن اۋىستىرۋ رەسمياتىن ءبىتىرۋدى تالاپ ەتسەدە جاۋاپكەر لي كۇيدىڭ كۇنى بۇگىنگە دەيىن رەسميات بىتىرمەگەنىن ايتىپ، «ءۇي ساتىپ بەرۋ - ساتىپ الۋ توقتامىن جاساسقان كەزدە جاۋاپكەر لي كۇي مەن تالاپكەر مي شۋە ءالى نەكەدەن اجىراسپاعان، سوندىقتان ءۇي ساتىپ بەرۋ - ساتىپ الۋ توقتامى كۇشكە يە، توقتام زاڭ بويىنشا قورعالۋى ءتيىس» دەپ قاراپ، تالاپكەردىڭ ارىز - شاعىم تالابىنا قوسىلمايتىنىن ورتاعا قويعان. جاۋاپكەر لي كۇي سوتقا بارىپ، ارىزعا جاۋاپ بەرمەگەن.

جاۋاپتى رەداكتور: جازيرا بولاتباي قىزى