موتورلى كولىكتىڭ ساپا ماسەلەسى سەبەبىنەن قاتىناس شىرعالاڭى تۋىلسا، تولەم جاۋاپكەرشىلىگىن كىم ارقالايدى

  • كەلۋ قاينارى: شينجياڭ زاڭ جانە تۇرمىس گازەتى
  • 05:24:16 06/06/2018

    

    جاناربەك ءۇرىمجى قالاسىنىڭ ءمالىم كولىك بازارىنان ءمالىم قالاداعى كولىك ءوندىرۋ زاۆودىندا وندىرىلگەن ءبىر جەڭىل اۆتوموبيل ساتىپ الادى، ەكى ايدان كەيىن جاناربەك اۆتوكولىكتى جۇرگىزىپ كەتىپ بارا جاتىپ جولدان ءوتىپ بارا جاتقان قايراتقا كەز بولىپ، دەرەۋ كولىك تورموزىن باسادى، ءبىراق تورموز بۇزىلىپ، كولىك توقتاماي قايراتتى سوعىپ جارالايدى. كەيىن قاتىناس ساقشى اترەتى تەكسەرۋ ارقىلى جاناربەكتىڭ قاتىناس ەرەجەسىنە قايشىلىق جاساماعاندىعىن، كولىكتى دە ءتارتىپ بويىنشا جۇرگىزگەندىگىن، تەك اۆتوكولىگىنىڭ تورموزىندا اۋىر ساپا ماسەلەسى ساقتالىپ، وسى رەتكى قاتىناس شىرعالاڭىن تىكەلەي تۋدىرعاندىعىن انىقتايدى.

    موتورلى كولىك ساپا ماسەلەسى سەبەبىنەن قاتىناس شىرعالاڭىن تۋدىرسا، موتورلى كولىككە مەنشىكتى ادام قاتىناس شىرعالاڭى سەبەبىنەن تارتقان زياندى كولىك ساتۋشى جانە كولىك وندىرگەن زاۆود تولەيدى. «ازاماتتىق ىستەر زاڭىنىڭ جالپى ەرەجەلەرىنىڭ» 122 - تارماعىندا بىلاي دەپ بەلگىلەنگەن: «ءونىم ساپاسىنىڭ ولشەمگە تولماۋى سەبەبىنەن باسقالاردىڭ مال - مۇلكىنە، جەكە باسىنا زيان جەتسە، ءونىمدى ءوندىرۋشى، ساتۋشى زاڭ بويىنشا ازاماتتىق ىستەر جاۋاپكەرشىلىگىن ارقالاۋ كەرەك. ەگەر كولىك جاساۋشى مەن ساتۋشى جاق حاۋىپ - قاتەر جاۋاپكەرشىلىگىن تاسۋشىلارعا، ساقتاۋشىلارعا جۇكتەگەن بولسا، ءونىمدى ءوندىرۋشى، ساتۋشى زياندى تولەپ بەرۋدى تالاپ ەتۋىنە ۇقىقتى. «تۇتىنۋشىلاردىڭ ۇقىق - مۇددەسىن قورعاۋ زاڭىنىڭ» 35 - تارماعىندا تۇتىنۋشىلار نەمەسە باسقا زياندالۋشىلار تاۋاردىڭ كەمىستىگى سەبەبىنەن جەكە باسى، مال - مۇلكى زيانعا ۇشىراسا، ساتۋشى زيانىن تولەپ بەرۋدى تالاپ ەتۋگە بولادى. وندىرۋشىگە دە زيان تالابىن قويۋعا بولادى. ءوندىرۋشىنىڭ جاۋاپكەرشىلىگىنە تاۋەلدى بولسا، ساتۋشى تولەپ بەرگەن سوڭ وندىرۋشىدەن تولەم قۋزاۋعا ۇقىقتى. ساتۋشىنىڭ جاۋاپكەرشىلىگى بولسا، ءوندىرۋشى تولەم تولەگەن سوڭ، ساتۋشىدان تولەم قۋزاۋعا ۇقىقتى. ەگەر ۋاقيعا كولىك ساپاسى سەبەبىنەن تۋىلعان بولسا، جوعارىداعى باياندالعان بەلگىلەمەگە نەگىزدەلىپ، موتورلى كولىك يەسى قاتىناس شىرعالاڭى سەبەبىنەن تارتقان زيانىن كولىك ساتۋشى جانە وندىرگەن زاۆود تولەپ بەرەدى.

    سوندىقتان، قايرات كولىك وندىرۋشىدەن نەمەسە ساتۋشىدان ءبىر جولدا تولەم تالاپ ەتۋ كەرەك نەمەسە ءوندىرۋشى مەن ساتۋشىنىڭ بىرەۋىنەن تولەم تالاپ ەتۋىنە بولادى، اۆتوكولىك ءوندىرۋشى مەن ساتۋشى وسى قاتىناس شىرعالاڭىنداعى زيان تولەمىندە ىلىكتەستىك تولەم جاۋاپكەرلىگىن ارقالايدى. ساتۋشى مەن ءوندىرۋشىنىڭ ءبىر تولەم جاۋاپكەرلىگىن ارقالاعاننان كەيىن اعاتتىق وتكىزگەن ءبىر جاقتان تولەم قۋزاۋىنا بولادى.

    باقىتگۇل سەرىك قىزى

جاۋاپتى رەداكتور: جازيرا بولاتباي قىزى