مەملەكەتتىك كەڭەس «مەملەكەتتىك كەڭەس قۇرىلىمدارى رەفورماسىنا ساياتىن اكىمشىلىك زاڭ - ەرەجەلەردە بەلگىلەنگەن اكىمشىلىك ورگانداردىڭ قىزمەت جاۋاپكەرلىگىن رەتتەۋ ماسەلەسى جونىندەگى قاراردى» باسىپ تاراتتى

  • كەلۋ قاينارى: ىلە گازەتى
  • 04:13:23 08/06/2018

    

    شينحۋا اگەنتتىگىنىڭ 6 - ايدىڭ 5 - كۇنى بەيجيڭنەن بەرگەن حابارى. لي كىچياڭ زۇڭليدىڭ بەكىتۋىمەن، مەملەكەتتىك كەڭەس جۋىقتا «مەملەكەتتىك كەڭەس قۇرىلىمدارى رەفورماسىنا ساياتىن اكىمشىلىك زاڭ - ەرەجەلەردە بەلگىلەنگەن اكىمشىلىك ورگانداردىڭ قىزمەت جاۋاپكەرلىگىن رەتتەۋ ماسەلەسى جونىندەگى قاراردى» (قىسقاشا «قارار» دەلىنەدى) باسىپ تاراتىپ، مەملەكەتتىك كەڭەس قۇرىلىمدارى رەفورماسىنا ساياتىن اكىمشىلىك زاڭ - ەرەجەلەردە بەلگىلەنگەن اكىمشىلىك ورگانداردىڭ قىزمەت جاۋاپكەرلىگىن رەتتەۋ ماسەلەسىن ايقىندادى. 

    «قاراردا» مىنالار اتاپ كورسەتىلدى: پارتيا 19 - قۇرىلتايىنىڭ جانە ج ك پ 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن دايەكتىلەندىرۋ، «مەملەكەتتىك حالىق قۇرىلتايى تۇراقتى كوميتەتىنىڭ مەملەكەتتىك كەڭەس قۇرىلىمدارى رەفورماسىنا ساياتىن زاڭداردا بەلگىلەنگەن اكىمشىلىك ورگانداردىڭ قىزمەت جاۋاپكەرلىگىن رەتتەۋ ماسەلەسى جونىندەگى قارارىندا» بەلگىلەنگەن پرينسيپ بويىنشا، اكىمشىلىك زاڭ - ەرەجەلەردە بەلگىلەنگەن اكىمشىلىك ورگانداردىڭ قىزمەت جاۋاپكەرلىگى مەن قىزمەتىن ورنىقتى، ءتارتىپ رەتتەۋ، اكىمشىلىك ورگانداردىڭ قىزمەت جاۋاپكەرلىكتەرىن زاڭ بويىنشا اتقارۋىنا، قىزمەتىن زاڭ بويىنشا جۇرگىزۋىنە كەپىلدىك ەتۋ، مەملەكەتتىك قۇرىلىمداردىڭ جاساقتالۋى مەن فۋنكتسيالىق سەپتەلۋىنىڭ جاقسارۋىن، سايكەسىمدىلىگىن، ۇتىمدىلىعىن ىلگەرىلەتۋ كەرەك. «قاراردىڭ» باستى مازمۇندارى مىنالار: 

    اكىمشىلىك ورگانداردىڭ قىزمەت جاۋاپكەرلىكتەرىن اتقارۋىن قامتاماسىز ەتۋ جانە قىزمەت جۇرگىزۋدىڭ ۇزدىكسىزدىگى جاعىندا، «مەملەكەتتىك كەڭەس قۇرىلىمدارىنا رەفورما جاساۋ جوباسىندا» ۇيىمداستىرىلعاننان كەيىنگى اكىمشىلىك ورگان نەمەسە قىزمەت جاۋاپكەرلىگى وتكىزىپ بەرىلگەن اكىمشىلىك ورگان ارقالايدى دەپ بەلگىلەنگەندەردى قاتىستى اكىمشىلىك زاڭ - ەرەجە بەلگىلەمەلەرى وزگەرتىلگەنگە نەمەسە كۇشىنەن قالدىرىلعانعا دەيىن قاتىستى زاڭ - ەرەجە بەلگىلەمەلەر رەتتەلىپ قولدانىلىپ، ۇيىمداستىرىلعاننان كەيىنگى اكىمشىلىك ورگان نەمەسە قىزمەت جاۋاپكەرلىگى وتكىزىپ بەرىلگەن اكىمشىلىك ورگان ارقالايدى؛ قاتىستى قىزمەت جاۋاپكەرلىگى رەتتەلگەنگە دەيىن، بۇرىن وسى قىزمەت جاۋاپكەرلىگى مەن قىزمەتتى اتقارعان اكىمشىلىك ورگان ارقالاي تۇرادى. جەرگىلىكتى ءار دارەجەلى اكىمشىلىك ورگاندار ارقالايتىن اكىمشىلىك زاڭ - ەرەجەلەردە بەلگىلەنگەن قىزمەت جاۋاپكەرلىگى مەن قىزمەتتەر رەتتەلۋى قاجەت بولسا، وسى اتالعان پرينسيپ بويىنشا اتقارىلادى. 

    جوعارى دارەجەلى اكىمشىلىك ورگانداردىڭ قاتىستى بەكىتۋ، ارحيۆكە الۋ، قايتا قاراۋ سياقتى باقىلاۋ، باسقارۋ، جەتەكتەۋ سياقتى فۋنكتسيالارىن زاڭ بويىنشا اتقارۋى جاعىندا، جوعارى دارەجەلى اكىمشىلىك ورگاننىڭ قىزمەت جاۋاپكەرلىگى رەتتەلگەن، ءبىراق تومەن دارەجەلى اكىمشىلىك ورگاننىڭ قىزمەت جاۋاپكەرلىگى ءالى رەتتەلمەگەن بولسا، «مەملەكەتتىك كەڭەس قۇرىلىمدارىنا رەفورما جاساۋ جوباسىندا» اتالعان قىزمەت جاۋاپكەرلىگىن ارقالايدى دەپ بەلگىلەنگەن جوعارى دارەجەلى اكىمشىلىك ورگان قاتىستى باسقارۋ، باقىلاۋ، جەتەكشىلىك ەتۋ سياقتى قىزمەت جاۋاپكەرلىكتەرىن اتقارادى. 

جاۋاپتى رەداكتور: گۇلدەن ماقسات قىزى