ءۇرىمجى قالالىق جىلجىمايتىن مۇلىكتى تىركەۋگە الۋ ورتالىعى كوپ ءتۇرلى شارا قولدانىپ، حالىققا قولايلى قىزمەت كورسەتۋدى ىلگەرىلەتتى

  • كەلۋ قاينارى: شينجياڭ گازەتى تورابى
  • 07:57:21 08/06/2018

    ءتىلشىمىز جاۋ چۇنحۋا 6 - ايدىڭ 3 - كۇنى ۇرىمجىدەن حابارلايدى. شينجياڭ تىڭي قورا - جاي اشۋ شەكتى سەرىكتەستىگى كەپىلدى قارىز بەرۋ ءبولىمىنىڭ قىزمەتكەرى شۇي حۇي 5 - ايدىڭ 29 - كۇنى ءۇرىمجى قالالىق قورا - جاي كاسىبى عيماراتىنىڭ جىلجىمايتىن مۇلىكتى تىركەۋگە الۋ زالىنا كەلىپ، كۇنى بۇرىن دايىنداعان ماتەريالدارىن تاپسىرعاننان كەيىن، دايىن ءۇيدى كەپىلگە قويۋ جۇمىسىنىڭ قايىرىلما حۇجاتىن الدى، مۇنداعى «5 قىزمەت كۇنىندە ءبىتىرىپ بەرىلەدى» دەگەن جازۋدى كورگەندە، ول قاباعات قۋاندى.

    شۇي حۇي تىلشىگە بىلاي دەدى: سەرىكتەستىگىمىزدىڭ جۇمىستارى ەداۋىر كوپ كەزدەرى، كەپىلدەن بوساتىپ بولىسىممەن - اق، تاعى كەپىلگە قويامىن، ەكى ورتادا ارى - بەرى شاپقىلاپ جۇرەتىنمىن. قازىر قاتىستى جۇمىس ءبىتىرۋ تارتىپتەرى مەن بۋىندارى ىقشامدالدى جانە وزگەرتىلدى، ۇقساس جۇمىس ءبىتىرۋ ءۇشىن ءبىر توپ ماتەريال عانا دايىنداساق، ءبىر تاراۋعا بارساق بولعانى، 5 كۇندە، اۋەلى, ءتىپتى تەز بىتەدى.

    ەڭ العاشىندا جۇمىس بىتىرۋگە 30 قىزمەت كۇنى جۇمسالاتىن، قازىر 5 قىزمەت كۇنىنە قىسقارىپ، جۇمىس ءبىتىرۋ ۋاقىت شەگى ايرىقشا قىسقاردى. بيىل جىل باسىنان بەرى، ءۇرىمجى قالالىق جىلجىمايتىن مۇلىكتى تىركەۋگە الۋ ورتالىعى كوپ ءتۇرلى شارا قولدانىپ، جۇمىس ءبىتىرۋ ءتارتىبىن ىقشامداپ، جۇمىس ءبىتىرۋ ونىمدىلىگىن جوعارىلاتىپ، بۇقارانى الاڭسىز ەتىپ، جەڭىلدىك جاسادى. كەپىلگە قويۋدى تىركەۋگە الدىرۋ ءۇشىن قاتىستى بەلگىلەمەدەگى ءوتىنىش ەتۋ ماتەريالدارىن دايىنداسا بولعانى، جىلجىمايتىن مۇلىكتى تىركەۋگە الۋ قۇرىلىمىنا بارىپ، جۇمىس بىتىرۋگە بولادى. سونىمەن قاتار جىلجىمايتىن مۇلىكتى تىركەۋگە الۋ ارحيۆىن ءوزى تەكسەرۋ ماشيناسى ىسكە قوسىلىپ، قالا تۇرعىندارى ازاماتتىق كۋالىگىن جانە سۋرەتىن سالىستىرۋ ارقىلى، ءوزىنىڭ جىلجىمايتىن مۇلىك ينفورماتسياسىن دەربەس تەكسەرە الاتىن جانە تەكسەرۋ تىزىمدىگىن باسىپ شىعارا الاتىن بولدى، بۇل جۇمىستاردى تەرەزەگە بارىپ، ءبىتىرۋدىڭ، تەكسەرۋدىڭ جانە تاڭبا باستىرۋدىڭ قاجەتى قالمادى. بۇل ءۇرىمجى قالاسىنىڭ جىلجىمايتىن مۇلىكتى تىركەۋگە الۋدى تەكسەرۋ بۋىنىنىڭ وزگەرگەنىن، جۇمىس بىتىرەتىندەردىڭ دەربەس جۇمىسىن دەربەس بىتىرە الاتىنىن بەينەلەيدى.

    بۇدان سىرت، جۇمىس بىتىرمەك بولىپ كەلگەندەرگە مۇمكىندىگىنشە قولايلىلىق جاساۋ ءۇشىن، ءۇرىمجى قالالىق مەملەكەتتىك جەر بايلىعى مەكەمەسىنىڭ جىلجىمايتىن مۇلىكتى تىركەۋگە الۋ زالى مەن ءۇرىمجى قالالىق ميدۇڭ رايونى اكىمشىلىك ىستەر ورتالىعىنداعى جىلجىمايتىن مۇلىكتى تىركەۋگە الۋ زالى الدىڭعى اقى تاپسىرۋ سىناق ءتۇيىنىن ورناتىپ، جۇمىس بىتىرمەك بولىپ كەلگەندەر وسى ارادا pos ماشيناسى ارقىلى اقى تاپسىرۋ، ينتەرنەتتە اقى تاپسىرۋ، قول تەلەفون ارقىلى اقى تاپسىرۋ سياقتى تاسىلدەردەن پايدالانىپ، اقىنى تەز تاپسىرا الاتىن بولدى، جۇمىس بىتىرەتىن ورىندارعا بارىپ قاتارعا تۇرىپ، اقى تاپسىرۋدىڭ قاجەتى قالمادى. شارت - جاعداي ازىرلەنىپ بولعاندا، بۇل قىزمەت ءۇرىمجى قالالىق قورا - جاي كاسىبى عيماراتىنىڭ جىلجىمايتىن مۇلىك زالىندا دا اتقارىلادى.

    ءۇرىمجى قالالىق جىلجىمايتىن مۇلىكتى تىركەۋگە الۋ ورتالىعى پارتيا ياچەيكاسىنىڭ شۋجيى لياۋ شۇيدۇڭ بىلاي دەدى: بيىل ءبىز «ساپانى ءوسىرۋ جىلى» قيمىلىن ىشكەرىلەي ورىستەتىپ، جىلجىمايتىن مۇلىكتى كەپىلگە قويۋعا، تىركەۋگە الۋعا ءوتىنىش بەرۋ تەرەزەسىن بىرتىندەپ بانكە، الەۋمەتتىك قور سياقتى ورىندارعا كوشىردىك، كەپىلگە قويعاندا، تىركەۋگە الدىرعاندا «كەزدەسپەۋ» سىندى قىزمەت كورسەتۋ ۇلگىسىن ىسكە اسىردىق.

جاۋاپتى رەداكتور: جازيرا بولاتباي قىزى