شينجياڭ شارۋالارعا كومەكتەسۋ ماقساتىنداعى اقشا شىعارۋ قىزمەت تۇيىندەرىن اۋىل - قالاشىقتارعا تولىق جالپىلاستىردى

  • كەلۋ قاينارى: شينجياڭ گازەتى تورابى
  • 08:18:31 08/06/2018

  

    شينحۋا اگەنتتىگىنىڭ 6 - ايدىڭ 5 - كۇنى ۇرىمجىدەن بەرگەن حابارى. جۇڭگو حالىق بانكەسى ءۇرىمجى ورتالىق بولىمشە بانكەسىنەن ۇعىسۋعا قاراعاندا، شينجياڭ شونجى اۋدانى كارىز اۋىلى باتىس كارىز قىستاعىنداعى شارۋالارعا كومەكتەسۋ ماقساتىنداعى اقشا شىعارۋ قىزمەت ءتۇيىنى تاياۋدا قۇرىلعان، بۇل بانكە قۇرىلىمىنىڭ شينجياڭ اۋىل - قىستاق وڭىرىندە قۇرعان شارۋالارعا كومەكتەسۋ ماقساتىنداعى 5831 - اقشا شىعارۋ قىزمەت ءتۇيىنى ەكەن. وسىلايشا شينجياڭ شارۋالارعا كومەكتەسۋ ماقساتىنداعى اقشا شىعارۋ قىزمەت تۇيىندەرى اۋىل - قالاشىقتاردا %100، قىستاقتاردا %88.5 جالپىلاسقان.

    بەرتىنگى جىلداردا، ەگىنشى - مالشىلار كىرىسىنىڭ ۇزدىكسىز ارتۋىنا، اۋىل شارۋاشىلىعىنا تيىمدىلىك جاسايتىن ءتۇرلى قوسىمشا قاراجاتتاردىڭ ۇزدىكسىز كوبەيۋىنە، ەگىنشى - مالشىلاردىڭ فينانس قىزمەت كورسەتۋىنە دەگەن سۇرانىسىنىڭ ۇزدىكسىز ارتۋىنا ساي، ەگىنشى - مالشىلاردىڭ جاقىن ماڭىنان اقشا شىعارىپ الۋ، اقشا وتكەرمەلەۋ، تۇتىنۋ، قول تەلەفون اقىسىن تاپسىرۋ سياقتى نەگىزگى فينانستىق قىزمەت كورسەتۋلەردەن يگىلىكتەنۋى ءۇشىن، شينجياڭ شارۋالارعا كومەكتەسۋ ماقساتىنداعى اقشا شىعارۋ قىزمەت ءتۇيىنى قۇرىلىسىن 2012 - جىلى باستاپ، اۋىل - قىستاقتاعى فينانس قىزمەت كورسەتۋىنىڭ «ەڭ سوڭعى ءبىر شاقىرىمىنا» جەتۋگە كۇش سالدى.

    اسىرەسە، 2017 - جىلى شينجياڭ وڭتۇستىك شينجياڭداعى اۋىر كەدەي وڭىرلەرگە نازاردى شوعىرلاندىرىپ، شارۋالارعا كومەكتەسۋ ماقساتىنداعى اقشا شىعارۋ قىزمەت ءتۇيىنى قۇرىلىسىن جەدەلدەتىپ، اقشا تولەۋ جاعىندا قىزمەت كورسەتۋ مۇلدە جوق 1000 نەشە قىستاقتى قوستى، مۇندا كەدەيلىكتەن قۇتىلدىرۋداعى 7 ءتۇيىندى اۋدانداعى شارۋالارعا كومەكتەسۋ ماقساتىنداعى 324 اقشا شىعارۋ قىزمەت تۇيىنىنە قارجىلاي قوسىمشا قاراجات بەرىلىپ، وڭتۇستىك شينجياڭ وڭىرىندەگى اقشا تولەۋدەن قىزمەت كورسەتۋ ورتاسىن ءونىمدى تۇردە جاقسارتتى.

    بيىل شينجياڭ بانكە قۇرىلىمدارىن، اقشا تولەۋ قۇرىلىمدارىن تومەنگە بارىپ قىزمەت كورسەتۋگە بەلسەنە جەتەكتەپ، قىزمەت كورسەتۋ تۇيىندەرىن نەگىزگى ساتىلارعا دەيىن كەڭەيتۋمەن قاتار، اۋىل - قىستاقتاعى اقشا تولەۋ ءونىمى مەن قىزمەت كورسەتۋ ۇلگىسىنە جاڭالىق جاساپ، اۋىل - قىستاق وڭىرىندە فينانستىق قىزمەت كورسەتۋدىڭ جالپىلاسۋ كولەمىن كەڭەيتەدى.

جاۋاپتى رەداكتور: گۇلدەن ماقسات قىزى