جۇرەكتەرگە مەيىر باعىشتاپ، كوڭىلگە مەدەت بەردى

  • كەلۋ قاينارى: ءتاڭىرتاۋ تورابى
  • 10:55:53 11/06/2018

    

    ەرگۇل مۇقاتاي قىزى حابارلايدى. «اعايلار مەن اپايلارعا راقىمەت، مەن مەكتەپ بىتىرگەن سوڭ، جاقسى قىزمەت تاۋىپ، الەۋمەتتىك رايونداعى جانە بارلىق مەيىرىمدى جانداردىڭ ءۇمىتىن جەرگە قالدىرماي، بولاشاقتا قوعامعا ءسوزسىز ءىس جۇزىندىك ارەكەتىممەن جاۋاپ قايتارامىن، مەيىرىمدىلىكتى جالعاستىرىپ، كومەككە ءزارۋ جاندارعا كومەكتەسەمىن»،-دەدى شاۋەشەك قالاسى دۋبەك كوشە باسقارماسى باقشا الەۋمەتتىك رايونىنىڭ تۇرعىنى ليۋ زىچيڭ قولىنا جىلۋعا اتالعان قاراجاتتى الىپ تۇرىپ.

    20 جاستاعى ليۋ زىچيڭ شۋەيۋاننىڭ ەكىنشى جىلدىعىندا وقيتىن بولىپ، اكەسى ليۋ يىڭساي وكپە راگىنا شالدىققان، ءبىر جىلدىق ەمدەلۋدەن كەيىن جۋىقتا قايتىس بولدى. شەشەسى دە ءبىرىنشى دارەجەلى كەمتار، اپەكەسى وتكەن جىلى شۋەيۋاندى تامامداعان بولىپ، اۋرۋ اكەسىن قاراۋ ءۇشىن قىزمەت ىستەۋدى دە قايىرىپ قويعان بولاتىن. بۇكىل وتباسىنىڭ كىرىس قاينارى اكەسىنىڭ سىرتتا جالدانبا جۇمىس ىستەپ تاپقانى ەدى. اكەسىنىڭ دۇنيەدەن وتۋىمەن ولاردىڭ وتباسى تاعى دا كەدەيلىك قىسپاعىندا قالدى.

    جۋىردا، شاۋەشەك قالاسى وقۋ-اعارتۋ، عىلىم-تەحنيكا مەكەمەسىنەن دۋبەك كوشە باسقارماسى باقشا الەۋمەتتىك رايونىنا تۇسكەن قىزمەت اترەتىندەگىلەر «كەدەيلەردى سۇيەمەلدەپ، قيىنشىلىعى اۋىر وتباسىلارىنا كومەكتەسەيىك، بەرەكە-بىرلىكپەن، ءوزارا كومەكتەسىپ، مەيىر باعىشتايىق» اتىنداعى قيىنشىلىعى بار جاندارعا ازدا بولسا كومەك كورسەتۋ ماقساتىندا مەيىر باعىشتاۋ قيمىلىن ورىستەتتى.

    جىلۋ اتاۋ ناق مايدانىندا قىزمەت اترەتىندەگىلەر، قىزمەت اترەتىن جىبەرگەن ورىن، قاراستىلىقتاعى ورىندار، مەيىر باعىشتاۋ كاسىپورىندارى، باتىس ءوڭىر ءدامدى تاعام ساۋدا دۇكەندەرى مەن قاراستىلىقتاعى ءار ۇلت بۇقاراسى جاپا-تارماعاي ات سالىسىپ، قىسقا عانا نەشە ساعات ىشىندە مەيىر باعىشتاۋ قاراجاتىنان 13 مىڭنان ارتىق جينالدى.

    قىزمەت اترەتىنىڭ باستىعى شۇي جۇن: «ليۋ يىڭساي وتباسىنىڭ جاعدايى ەرەكشە بولعاندىقتان، ءبىز جالعاستى ولارعا كوڭىل بولەمىز، ‹باسقالارعا گۇل بەرسەڭ، قولىڭدا ءيىسى قالادى› ەمەس پە، ەگەر بارلىعىمىز وسىلاي ىستەسەك، ءبىزدىڭ قوعامىمىز، ءسوزجوق، اناعۇرلىم جاراسىمدى، اناعۇرلىم كوركەم بولار ەدى. وسىلاي ىستەسەك ولارعا سەنىم ورناتىپ، ۇمىتپەن قۇلشىنا العا باسۋلارىنا جەتەكشى بولادى، ءبىز وسىنداي ءداستۇرلى مادەنيەتىمىزدى جالعاستىرا تۇسەمىز»،-دەيدى.

    وسىنداي مەيىر باعىشتاۋ قيمىلدارىن وزدىرۋ ارقىلى وتباسىندا قيىنشىلىعى اۋىر كەدەي وتباسىلارعا پارتيا مەن ۇكىمەتتىڭ مەيىرى مەن قامقورلىعىن سەزىندىرىپ، قازىرگى كەزدە پارتيانىڭ حالىق تۇرمىسىنا تيىمدىلىك جەتكىزۋ ساياساتتارىنىڭ كومەگىندە ولاردىڭ تۇرمىسى دا بارعان سايىن جاقسارا تۇسەتىن بولادى.

    ەرىكتى ءتىلشىمىزدىڭ قىزمەت ورنى: شاۋەشەك قالالىق «ۇعىسۋ، تيىمدىلىك جاساۋ، توعىستىرۋ» قىزمەت كەڭسەسى

جاۋاپتى رەداكتور: گۇلدەن ماقسات قىزى