نەگىزگى زاڭدى ۇيرەنۋدىڭ قىزۋ ورلەۋى كوتەرىلدى

  • كەلۋ قاينارى: ىلە گازەتى
  • 09:34:13 12/06/2018

  

  جاڭادان وزگەرىس ەنگىزىلگەن «جۇڭحۋا حالىق رەسپۋبليكاسىنىڭ نەگىزگى زاڭى» جاريالانعاننان كەيىن كۇيتۇن قالاسىنداعى ءار ۇلت كادر– بۇقاراسى توراپتان، گازەت – جۋرنالداردان نەگىزگى زاڭنىڭ ناقتى مازمۇنىن، اسىرەسە، وزگەرىس ەنگىزىلگەن تۇيىندەرىن ۇيرەنىپ، نەگىزگى زاڭدى ۇيرەنۋ، ءبىلۋ، نەگىزگى زاڭعا بويسۇنۋ، نەگىزگى زاڭدى اتقارۋدىڭ قىزۋ ورلەۋىن كوتەردى.

    كۇيتۇن قالالىق ءۇرىمجى شىعىس جولى كوشە ءىس باسقارماسىنىڭ دۇڭتيڭيۋان الەۋمەتتىك اۋماعى ءار دۇيسەنبى كۇنگى تۋ شىعارۋ سالتى مەن ءار بەيسەنبى كۇنى كەشتە اشىلاتىن تۇرعىنداردىڭ كەشكى مەكتەبىنەن پايدالانىپ، الەۋمەتتىك اۋماق پارتيا ياچەيكاسى مەن وسى اۋماققا تۇسكەن «ۇعىسۋ، تيىمدىلىك جاساۋ، توعىستىرۋ» قىزمەت اترەتى قاراستىلىعىنداعى تۇرعىنداردى، وڭتۇستىكتەن كۇيتۇنگە بارىپ جۇمىس ىستەپ جاتقان جۇمىسشىلاردى «نەگىزگى زاڭدى» ۇيرەنۋگە ۇيىمداستىرىپ، ولاردى نەگىزگى زاڭدى ۇيرەنۋگە، بىلۋگە، نەگىزگى زاڭعا بويسۇنۋعا جەتەلەپ، نەگىزگى زاڭدى دايەكتى اتقارۋعا بەرىك نەگىز قالادى.

    ۇيرەنۋ ارقىلى كوپشىلىك «نەگىزگى زاڭنىڭ» تاريحي ءمانىن ىشكەرىلەي ءتۇسىندى ءارى ءبىر اۋىزدان نەگىزگى زاڭ – مەملەكەتتى جونگە سالىپ، ەلدى الاڭسىز ەتۋدىڭ باس ۋستاۆى، پارتيا مەن حالىقتىڭ ەركىنىڭ شوعىرلى بەينەسى دەي كەلىپ بىلاي دەستى: «ءىس جۇزىندىك ارەكەتىمىز ارقىلى نەگىزگى زاڭنىڭ رولىن ساۋلەلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن ءبىر اۋىزدىلىقتى ساقتاپ، نەگىزگى زاڭدى قورعاۋشى، نەگىزگى زاڭنىڭ اتقارىلۋىن ىلگەرىلەتۋشى بولىپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن كوپتەپ ۇلەس قوسامىز».

    كۇيتۇن قالالىق دۇڭتيڭيۋان الەۋمەتتىك اۋماق پارتيا ياچەيكاسىنىڭ ورىنباسار شۋجيى مامەتالي ماممەتنياز بىلاي دەدى: «>نەگىزگى زاڭعا< قاتاڭ بويسۇنىپ، پارتيانىڭ ءسوزىن تىڭداپ، >ۇش ءتۇرلى كۇشتىڭ< بۇلگىنشىلىك جاساۋىنا، استە، جول بەرمەي، ۇلتتار ىنتىماعىن بەكەمدەپ، شينجياڭنىڭ قوعام ورنىقتىلىعى مەن باياندى تىنىشتىعىنا كەپىلدىك ەتۋ ءۇشىن تيەسەلى ۇلەس قوسامىن».

    كۇيتۇن قالالىق دۇڭتيڭيۋان الەۋمەتتىك اۋماعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ ورىنباسار باستىعى ۋي جۇن بىلاي دەدى: «نەگىزگى زاڭعا وزگەرىس ەنگىزۋ _ حالىقتىڭ تىلەگى. مەن، ءسوزسىز، >نەگىزگى زاڭنىڭ< تارماقتارى بويىنشا يدەيام مەن ارەكەتىمدى جۇيەگە ءتۇسىرىپ، نەگىزگى زاڭعا بويسۇناتىن، نەگىزگى زاڭدى قورعايتىن تولىمدى ازامات بولۋعا كۇش سالامىن».

    ەركىنعازى احىمەتباي ۇلى

جاۋاپتى رەداكتور: جازيرا بولاتباي قىزى