دۇرە قالاشىعى اۋلا شارۋاشىلىعىن دامىتىپ، شارۋالاردىڭ كىرىسىن ارتتىردى

  • كەلۋ قاينارى: ىلە گازەتى
  • 09:36:38 12/06/2018

    

    قازىر كوكتوعاي اۋدانى دۇرە قالاشىعىنداعى شارۋالار جىلىجايدا كوكونىس مايساسىن ەگۋمەن قاربالاستانۋدا. جۋىق جىلداردان بەرى دۇرە قالاشىعى اۋىل شارۋاشىلىق 10–ديۆيزياسىنىڭ بەيتۇن اۋىل شارۋاشىلىق تەحنيكاسىنا جەتەكشىلىك ەتۋ ورنىمەن بايلانىس جاساپ، اۋلا شارۋاشىلىعىن دامىتىپ، ورگانيكالى اۋىل شارۋاشىلىعىنان ۇلگى كورسەتۋ ورنىن قۇرىپ، 10–ديۆيزيانىڭ قارجى جانە تەحنيكالىق جاقتان كومەكتەسۋىندە شارۋالاردىڭ كىرىسىن ارتتىرىپ، قىستاق تۇرعىندارىنىڭ قىزۋ قارسى الۋىنا بولەندى.

    2015–جىلدان باستاپ دۇرە قالاشىعى ۇيالى تەرەك قىستاعىنىڭ تۇرعىنى جەڭىسگۇل بەيتۇن اۋىل شارۋاشىلىق تەحنيكاسىنا جەتەكشىلىك ەتۋ ورنىنداعى مامانداردىڭ جەتەكشىلىگىندە كوكونىس ەگىمشىلىگى تەحنيكاسىن ۇيرەنىپ، اۋلا شارۋاشىلىعىن دامىتىپ، كىرىسىن ارتتىردى.

    دۇرە قالاشىعى ۇيالى تەرەك قىستاعىنىڭ تۇرعىنى جەڭىسگۇل: «وتكەندە كوكونىستى قىرۋار اقشا جۇمساپ ساتىپ الاتىنبىز، قازىر قاتىستى ورىنداردىڭ كومەگىندە كوكونىستى ءوز اۋلامىزعا ەگىپ، پايداسىن كورىپ جاتىرمىز، بۇل اۋلا شارۋاشىلىعىن دامىتىپ، وتباسى كىرىسىمىزدى ارتتىرۋىمىزعا پايدالى بولدى» دەدى.

    جاقىنعى جىلداردان بەرى دۇرە قالاشىعى پارتكومى مەن بيڭتۋان 10–ديۆيزياسى بەيتۇن اۋىل شارۋاشىلىق تەحنيكاسىنا جەتەكشىلىك ەتۋ ورنىمەن بايلانىس جاساپ، اۋدانداعى شارۋالارعا جاڭا تەحنيكا ۇيرەتتى ءارى بيىل 100 مىڭ يۋانعا جۋىق قارجى قوسىپ، 5 كوكونىس ەگەتىن جىلىجاي سالىپ، قالاشىق تۇرعىندارىنىڭ سىرتتان كوكونىس ساتىپ الۋ تاريحىن اياقتاتتى.

    مۇقامادي ءشارىپ ۇلى

جاۋاپتى رەداكتور: جازيرا بولاتباي قىزى