وبلىسقا توتە قاراستى ورىندار مەملەكەتتە ءبىر تۇتاس قولدانىلاتىن ورتاق ءتىل – جازۋمەن وقىتۋدى ىلگەرىلەتۋدە كورنەكتى جەتىستىككە قول جەتكىزدى

  • كەلۋ قاينارى: ىلە گازەتى
  • 04:29:36 14/06/2018

 

      ءتىلشىمىز جاڭ لياڭ حابارلايدى. 6 – ايدىڭ 11 – كۇنى اۆتونوميالى وبلىستىڭ ورتا – باستاۋىش مەكتەپتەردەگى قوس ءتىل وقىتۋى قىزمەتى ناق مايدان ىلگەرىلەتۋ ءماجىلىسى توعىزتاراۋ اۋدانىندا اشىلدى. ماجىلىستەن ۇعىسۋىمىزشا تاياۋداعى ەكى جىلدان بەرى وبلىسقا توتە قاراستى ورىنداردىڭ مەملەكەتتە ءبىر تۇتاس قولدانىلاتىن ورتاق ءتىل - جازۋمەن وقىتۋدى ىلگەرىلەتۋدە كورنەكتى جەتىستىككە قول جەتكىزگەن.

    توعىزتاراۋ اۋدانىنداعى ورتا – باستاۋىش مەكتەپتەردە ناق مايداندى كوزدەن كەشىرۋ بارىسىندا مىنانى بايقادىق: ءارقايسى مەكتەپتەر مەملەكەتتە ءبىر تۇتاس قولدانىلاتىن ورتاق ءتىل – جازۋمەن وقىتۋدى اتقارۋ بارىسىندا تىڭنان ءادىس – امال قاراستىرىپ، ۇزدىكسىز جاڭالىق جاراتىپ، قويۋ جۇڭحۋا مادەنيەتىن ناقتى وقىتۋ بارىسىنا سىڭىرگەن. ءار ۇلت بالالارى ەسكىشە ادەبي ءتىلدى جاتىق وقي الاتىن، كەيبىر از ۇلت بالالارى ءان – ءبي تەاترىنا قىزىعىپ، بەيجيڭ تەاترىن ورىنداۋمەن بىرگە، بەت الەمىشىن دە وزدەرى بوياي الاتىن بولعان.

    توعىزتاراۋ اۋدانى سيىر فەرماسى بالالار باقشاسىندا ءار ۇلت بالالارى بايىرعى ۇلگىدەگى كيىمدەردى كيىپ، بايىرعى زامانداعى قايناعان بازار وينىن وينادى. قايناعان بازارداعى شاراپحانا، اشەكەيلى كاريدور، اسپۇزىلدار، جىبەك تورعىن - تورقا دۇكەنىندەگى سۇيكىمدى بالالار ءتۇرلى وبرازداردى بەينەلەپ، ادامدى ەجەلگى داۋىرگە قايتا اپارعانداي كۇيگە بولەدى. 2017 – جىلى وبلىسقا توتە قاراستى ورىندار ءبىر نيەت، ءبىر تىلەكتە ىنتىماقتاسىپ، كۇش سالا شايقاس جۇرگىزىپ، اۋىل – قىستاق بالالار باقشاسىنىڭ سالۋعا تيىستىلەرىن سالىپ، بالا باقشا جاسىنا تولاتىن بالالاردىڭ وقۋعا كىرۋگە تيىستىلەرىن كىرگىزىپ، اۋىل – قىستاقتىڭ مەكتەپ الدى ءۇش جىلدىق تەگىن وقىتۋىن جاپپاي جۇزەگە اسىردى. ءبىر ميلليارد 580 ميلليون يۋان قارجى قوسىلىپ، 456 بالالار باقشاسى سالىندى جانە پايدالانۋعا بەرىلدى، «13 – بەس جىلدىقتاعى» بالالار باقشاسىن سالۋ نىسانى جوباسى مەرزىمنەن بۇرىن اسىرا ورىندالدى. وقۋشى باسىنا كەلەتىن قامتاماسىزداندىرۋ قاراجاتىنىڭ ولشەمى ءار وقۋشىعا جىلىنا ءبىر مىڭ 810 يۋاننان 2 مىڭ 800 يۋانعا جوعارىلادى. اۋىل – قىستاقتاعى بالا باقشا جاسىنداعى بالالار تۇگەلدەي اقىسىز بالا باقشاعا كىرىپ، بالا باقشاعا كىرۋدىڭ جالپىلاسۋ مولشەرى %98 كە جەتتى. كەزەكتە وبلىسقا توتە قاراستى ورىنداردا 140 مىڭ بالا باقشا جاسىنداعى بالالار مەملەكەتتە ءبىر تۇتاس قولدانىلاتىن ورتاق ءتىل - جازۋدا وقىتۋ تاربيەسىن قابىلداپ، 2016 – جىلعى 9 – ايمەن سالىستىرعاندا %44 ارتىپ، مەكتەپ الدى وقىتۋى ەكى جىلدان ءۇش جىلعا ۇزارتىلىپ، نەگىزىنەن قامتاماسىزداندىرۋدان جاپپاي تيىمدىلىك جاساۋ جۇزەگە اسىرىلدى؛ ءبىر كلاستا «ەكى وقىتۋشى، ءبىر كۇتۋشى بولۋ» تياناقتاندىرىلىپ، مەملەكەتتە ءبىر تۇتاس قولدانىلاتىن ورتاق ءتىل - جازۋدا باسقارۋ، وقىتۋ جانە تاربيەلەۋ قىزمەتى جۇرگىزىلىپ، بالا باقشا وقىتۋى جۇيەلىلەنىپ، ۇلتتىق جانە حانزۋ تىلىندەگى بالا باقشالاردى بىرىكتىرۋ، كلاستارعا ءار ۇلت بالالارىن ءبولىپ ورنالاستىرۋ، بالالاردىڭ بىرگە ۇيرەنىپ، بىرگە ويناپ، بىرگە ەسەيۋىنە ورتا جاراتىلدى. «قىزمەت ورنىندا ناقتى جاتتىعۋ»، «سەرىكتەستىرىپ بايلانىستىرۋ» جۇرگىزىلىپ، ابزال بايلىقتىڭ اسەر ەتۋ رولى ساۋلەلەندىرىلىپ، تاياۋداعى 3 جىلدان بەرى وبلىسقا توتە قاراستى ورىنداردا اۆتونوميالى رايون دارەجەلى ۇلگىلى بالالار باقشاسىندا اۋىل – قىستاق بالالار باقشاسىنىڭ 230 وقىتۋشىسى تاربيەلەنىپ، قالا – اۋىلداردىڭ مەكتەپ الدى وقىتۋىنىڭ تەڭ دارەجەدە دامۋى ءونىمدى ىلگەرىلەتىلدى. مەملەكەتتە ءبىر تۇتاس قولدانىلاتىن ورتاق ءتىل - جازۋ وقىتۋىن مەكتەپكە كىرۋدىڭ الدىندا جاپپاي جالپىلاستىرۋ جۇزەگە اسىرىلىپ، بالا باقشادان باستاۋىشقا وتۋگە بەرىك نەگىز قالاندى.

جاۋاپتى رەداكتور: گۇلدەن ماقسات قىزى