توعىزتاراۋ اۋدانىنداعى جالپى حالىق وزەن (كول، قويما) باستىعى ءتۇزىمىن ىلگەرىلەتۋگە اتسالىستى

  • كەلۋ قاينارى: ىلە گازەتى
  • 04:34:00 14/06/2018

 

    ما چىڭلۋ (ءوز ءتىلشىمىز)

    5 – ايدىڭ 30 – كۇنى توعىزتاراۋ اۋدانى توعىزتاراۋ قالاشىعى توحىيۇزى الەۋمەتتىك اۋماعىندا الەۋمەتتىك اۋماق پەن «ۇعىسۋ، تيىمدىلىك جاساۋ، توعىستىرۋ» بويىنشا سول ورىندا تۇراتىن قىزمەت اترەتى بىرلەسىپ، 40 تان استام تۇرعىندى شاقىرىپ، قارا سۋ توعانى جاعاسىندا اڭگىمە ءماجىلىسىن اشىپ، «توعىزتاراۋ اۋدانىنىڭ باتىس توعاندى قايتا قازۋ، قارا سۋ توعانى ارناسى مەن ونىڭ ەكى جاعاسىن تازالاۋ، رەتتەۋ جونىندەگى ورنالاستىرۋ قىزمەتى ءماجىلىسى ماڭىزدى ەستەلىگىنىڭ» رۋحىن ناق مايداندا ۇگىتتەدى. اڭگىمە ماجىلىسىندە قارا سۋ توعانىنىڭ لاستانۋىن تۇبەگەيلى وڭاۋ كەرەك دەگەندى ەستىگەن تۇرعىندار ايرىقشا قۋانىپ، ءماجىلىس اياقتالا سالىسىمەن ۇيلەرىنەن قۇرال – سايماندارىن اكەلىپ، الەۋمەتتىك اۋماقتىڭ، «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ كادرلارىمەن بىرلىكتە قوقىر – قوقسىقتى تازالادى.

    توعىزتاراۋ اۋدانى 2017 – جىلى وزەن (كول، قويما) باستىعى ءتۇزىمى قىزمەتىن ورىستەتكەننەن بەرى ورتالىقتىڭ، اۆتونوميالى رايوننىڭ، اۆتونوميالى وبلىستىڭ ءبىر تۇتاس ورنالاستىرۋى مەن تالاپتارىنا ساي، اۆتونوميالى رايوننىڭ، اۆتونوميالى وبلىستىڭ «وزەن (كول، قويما) باستىعى ءتۇزىمىن اتقارۋ جوباسىن جاپپاي جالپىلاستىرۋ» جونىندەگى نۇسقاۋىنىڭ رۋحىن مۇقيات دايەكتى تياناقتاندىرىپ، توعىزتارۋ اۋدانىنداعى نەگىزگى وزەن اعارلارىنىڭ جاعدايىمەن ۇشتاستىرىپ، وزەن اعارلارىنىڭ ەكولوگياسىن قورعاۋ جانە ۋنيۆەرسالدى وڭاۋ قىزمەتىن جاپپاي ىلگەرىلەتىپ، وزەن (كول، قويما) باستىعى ءتۇزىمى قىزمەتتەرىن ءونىمدى تياناقتاندىردى.

    توعىزتاراۋ اۋدانىنىڭ وزەن اعارلارى كوپ، سۋ بايلىعى مول، سۋدىڭ جىلدىق اعىن مولشەرى 9 ميلليارد 356 ميلليون تەكشە مەتر، سۋ بايلىعى شينجياڭ بويىنشا جالپى مولشەردىڭ 6/1، وبلىس بويىنشا 3/1 ۇلەسىن يەلەيدى. اۋدان وڭىرىندە ۇلكەندى – كىشىلى 40 تان ارتىق وزەن اعارى بار، 25 وزەن اعارى اۆتونوميالى رايوننىڭ وزەن اعارى تىزىمدىگىنە ەنگىزىلگەن، ونىڭ «توعىز ارنالى سۋ قاينارى» دەگەن اتى بار، وسىنداي جاعراپيالىق ەرەكشەلىك وزەن (كول، قويما) باستىعى ءتۇزىمى قىزمەتىندە كورنەكتى ماڭىزعا يە بولدى. قازىر توعىزتاراۋ اۋدانى وڭىرلەر مەن وزەن الابى سايكەستىرىلگەن وزەن (كول، قويما) باستىعى ءتۇزىمى ۇيىمدىق جۇيەسىن قالىپتاستىرىپ، اۋدان، اۋىل، قىستاق سىندى ءۇش دارەجەلى وزەن (كول، قويما) باستىعى ءتۇزىمىن جاپپاي جالپىلاستىردى.

    توعىزتاراۋ اۋدانى وزەن (كول، قويما) باستىعى ءتۇزىمى قىزمەتىن ءتىپتى دە ويداعىداي ورىستەتىپ، وزەن اعارلارىن قورعاۋ ءۇشىن ءاربىر وزەن اعارىندا ورىن تەۋىپ وتىرعان ماسەلەلەردى مۇقيات انىقتاپ، تەكسەرىپ، وبلىستىق سۋ ىستەرىن، ەلەكتر قۋاتىن بارلاۋ – ولشەۋ، جوبالاۋ، زەرتتەۋ مەكەمەسىنىڭ تاپسىرۋىمەن اۋدان دارەجەلى ءتورت وزەن اعارى «ءبىر وزەن، ءبىر شارا» جوباسىن بەلگىلەدى. قازىرگە دەيىن 4 وزەن اعارى ءۇشىن «ءبىر وزەن، ءبىر شارا» جوباسىن بەلگىلەپ بولدى، توعىزتاراۋ اۋدانى قازىر ورىستەتىلىپ وتىرعان لاستانۋ قاينارىن وڭاۋ قىزمەتىمەن ۇشتاستىرىپ تولىقتاۋ، كەمەلدەندىرۋ قىزمەتىن قوسا جۇرگىزۋدە.

جاۋاپتى رەداكتور: گۇلدەن ماقسات قىزى