ىلە وبلىستىق ءتارتىپ تەكسەرۋ كوميتەتى، باقىلاۋ – تەكسەرۋ كوميتەتىنىڭ ورتالىقتىڭ سەگىز ءتۇرلى بەلگىلەمەسى رۋحىنا قايشى 5 تيپتىك دەلو مىسالى جونىندەگى حابارلاندىرۋى

  • كەلۋ قاينارى: ىلە گازەتى
  • 04:35:33 14/06/2018

   

    جۋىقتا ىلە وبلىستىق ءتارتىپ تەكسەرۋ كوميتەتى، باقىلاۋ – تەكسەرۋ كوميتەتى ورتالىقتىڭ سەگىز ءتۇرلى بەلگىلەمەسى رۋحىنا قايشى 5 تيپتىك دەلو مىسالىن اشىق جاريالادى. ولار مىنالار:

    1. نىلقى اۋداندىق قازىنا مەكەمەسىنىڭ بۇرىنعى ورىنباسار باستىعى، اۋىل شارۋاشىلىعىن وركەندەتۋ كەڭسەسىنىڭ بۇرىنعى مەڭگەرۋشىسى جاۋ شياۋجۇننىڭ كەدەيلەردى سۇيەمەلدەۋ نىسانىنا «سۋىق قولدىق ىستەۋ» ماسەلەسى. 2015 – جىلى 3 – ايدان 2017 – جىلى 1 – ايعا دەيىن جاۋ شياۋجۇن قىزمەت قولايلىلىعىنان پايدالانىپ، وزگەلەردىڭ جوعارى ولشەمدى اتىز جانە توعان قۇرىلىسى نىسانىن كوتەرمەگە الۋىنا كومەكتەسكەن ءارى 250 مىڭ يۋان اقشا العان، سونىمەن بىرگە تارتىپكە قايشى وزگە دە ماسەلەلەرى بايقالعان. 2018 – جىلى 5 – ايدا جاۋ شياۋجۇنگە پارتيا ىشىندە 2 جىل قالدىرىپ سىناپ كورۋ، مىندەتىنەن قالدىرۋ (جاي قىزمەتكەر دارەجەسىنە تومەندەتۋ) جازاسى بەرىلىپ، تارتىپكە قايشىلىق جاساپ العان اقشاسى قايتارىپ الىندى.

    2. چاپچال سىبە اۆتونوميالى اۋدانى قاۋىنشى اۋىلىنىڭ بۇرىنعى ورىنباسار باستىعى باي حۇڭپيڭنىڭ مىندەتىن اتقارماۋ، جاۋاپكەرسىزدىك ىستەۋ ماسەلەسى. 2016 – جىلى 4 – ايدا قاۋىنشى اۋىلى كەدەيلەردى سۇيەمەلدەۋ نىسانىن اتقارىپ، ماقسارى تۇقىمىن ەگۋ بارىسىندا 6 قىستاقتان ءبىر مىڭ 710 كيلوگرام ماقسارى تۇقىمىن ارتىق العان، سونىمەن بىرگە، قىستاق كادرلارى وزدەرى ءبولىسىپ الىپ ماقسارى تۇقىمى زايا بولۋ سىندى بۇقارانىڭ مۇددەسىن زيانداۋ ماسەلەلەرى تۋىلعان. 2018 – جىلى 4 – ايدا باي حۇڭپيڭگە پارتيا ىشىندە ەسكەرتۋ جازاسى بەرىلدى.

    3. قۇلجا اۋدانى ونيار اۋىلدىق مال شارۋاشىلىق پۋنكىتىنىڭ بۇرىنعى باستىعى توقتاسىن نيازدىڭ بەيقۇت ءۇي سالىپ، حالىقتى اۋقاتتاندىرۋ قوسىمشا كومەك قاراجاتتى زاڭسىز قىمقىرۋ ماسەلەسى. 2013 – جىلى 4 – ايدان 2014 – جىلى 4 – ايعا دەيىن توقتاسىن نياز ىلگەرىندى – كەيىندى 3 رەت تۋىس – تۋعاندارى مەن دوس – جاراندارى اتىنان بەيقۇت ءۇي سالىپ، حالىقتى اۋقاتتاندىرۋعا بەرىلەتىن 57 مىڭ يۋان قوسىمشا كومەك قاراجاتتى زاڭسىز قىمقىرىپ، جەكە وزىنە ءۇي سالۋ ءۇشىن ىستەتكەن، سونىمەن بىرگە، تارتىپكە قايشى وزگە دە ماسەلەلەر بايقالعان. 2018 – جىلى 4 – ايدا توقتاسىن نيازعا پارتيا ىشىندە ءبىر جىل قالدىرىپ سىناپ كورۋ، قىزمەت دارەجەسىن تومەندەتۋ جازاسى بەرىلىپ، تارتىپكە قايشىلىق جاساپ ىستەتكەن اقشاسى قايتارىپ الىندى.

    4. چاپچال سىبە اۆتونوميالى اۋدانى كەن اۋىلى چىگىلىك قىستاق پارتيا ياچەيكاسىنىڭ بۇرىنعى شۋجيى، قىستاق تۇرعىندار كوميتەتىنىڭ مەڭگەرۋشىسى نۇرالىم نۇردىننىڭ قىزمەتتى الباتى ىستەۋ ماسەلەسى. 2014 – جىلى 12 – ايدان 2015 – جىلى 8 – ايعا دەيىن نۇرالىم نۇردىن قىستاقتىڭ قورا سالۋ نىسانىن تەكسەرۋ وتكەلىن قاتاڭ يگەرمەي، نىساننان يگىلىكتەنەتىندەردىڭ تىزىمدىگىن ءوز بىلگەنىنشە وزگەرتىپ، كەدەي ەمەس 39 وتباسىن كەدەي بۇقارا يگىلىكتەنەتىن كەدەيلەردى سۇيەمەلدەۋ قارجىسىنان يگىلىكتەندىرگەن، اشىق جاريالانعان تىزىمدىكتەگى ءبىر ءبولىم كەدەي وتباسىلارى كەدەيلەردى سۇيەمەلدەۋ قاراجاتىنان يگىلىكتەنبەي قالعان، ەكى وتباسىن كەدەيلەردى سۇيەمەلدەۋ قارجىسىنان قايتالاي يگىلىكتەندىرگەن. 2018 – جىلى 4 – ايدا نۇرالىم نۇردىنعا پارتيا ىشىندە ەسكەرتۋ جازاسى بەرىلدى.

جاۋاپتى رەداكتور: گۇلدەن ماقسات قىزى