اۆتونوميالى وبلىس پارتيا، ۇكىمەت قۇرىلىمدارى رەفورماسىن تەرەڭدەتۋگە باسشىلىق ەتۋ گرۋپپاسى كەڭسەسىنىڭ ءماجىلىسىن اشتى

  • كەلۋ قاينارى: ىلە گازەتى
  • 04:37:07 14/06/2018

 

    ءتىلشىمىز ما چىڭلۋ حابارلايدى. اۆتونوميالى وبلىستىڭ ۇكىمەت قۇرىلىمدارى رەفورماسىنىڭ العاشقى مەرزىمدىك نەگىزدىك ورنالاستىرۋى جونىندەگى قىزمەتىن تىڭعىلىقتى ىستەۋ ءۇشىن، 6 – ايدىڭ 11 – كۇنى اۆتونوميالى وبلىس پارتيا، ۇكىمەت قۇرىلىمدارى رەفورماسىن تەرەڭدەتۋگە باسشىلىق ەتۋ گرۋپپاسى كەڭسەسىنىڭ ءماجىلىسىن اشتى. وبلىستىق پارتكومنىڭ ورىنباسار شۋجيى، ۇيىمداستىرۋ ءبولىمىنىڭ باستىعى، وبلىستىق پارتيا، ۇكىمەت قۇرىلىمدارى رەفورماسىن تەرەڭدەتۋگە باسشىلىق ەتۋ گرۋپپاسىنىڭ ورىنباسار باستىعى، كەڭسە مەڭگەرۋشىسى شى گاڭ ماجىلىسكە قاتىناستى ءارى ءسوز سويلەدى.

    ماجىلىستە وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، وبلىستىق پارتكوم رەفورما كەڭسەسىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى، اۆتونوميالى وبلىستىڭ پارتيا، ۇكىمەت قۇرىلىمدارى رەفورماسىن تەرەڭدەتۋگە باسشىلىق ەتۋ گرۋپپاسى كەڭسەسىنىڭ ورىنباسار مەڭگەرۋشىسى تۇڭ رۇيچيڭ ماجىلىسكە قاتىناسقاندارمەن بىرگە ورتالىقتىڭ، اۆتونوميالى رايوننىڭ جالپى تۇلعالىق ورنالاستىرۋى مەن اۆتونوميالى وبلىستىڭ ءىس جۇزىندىك جاعدايىن ءۇش جاقتان قورىتىندىلاپ، رەفورما رۋحىن قالاي دايەكتى تياناقتاندىرۋ، ءتۇرلى نەگىزدىك قىزمەتتى ويداعىداي ىستەۋ جونىندە جان – جاقتى ورنالاستىرۋ جاسادى.

    شى گاڭ مىنانى تالاپ ەتتى: ساياسات ۇيرەنۋدى كۇشەيتىپ، قۇرىلىم رەفورماسىنىڭ رۋحى مەن باعىتىن تەرەڭ ءتۇسىنۋ جانە يگەرۋ كەرەك. ءارقايسى ورىندار باسشىلىق القا مۇشەلەرى مەن رەفورماعا قاتىستى قۇرىلىمداردىڭ جاۋاپتىلارىن ءبىر رەت جۇيەلى، ەگجەي – تەگجەيلى ۇيرەنۋگە ۇيىمداستىرۋ كەرەك. ءوز ورنىنىڭ ءىس جۇزىندىگىنە بىرلەستىرە وتىرىپ، كاسىپ ساياساتى مەن قۇرىلىم شتاتىنىڭ اينالىم جاعدايىنا ىشكەرىلەي زەرتتەۋ جۇرگىزۋ جانە وي جۇگىرتۋ كەرەك. ءارقايسى ورىن پارتكومدارى (پارتگرۋپپا) باسشىلىق قۇرىلىمدى كەمەلدەندىرىپ، ءبىر تۇتاس جوسپارلاۋ، سايكەستىرۋ مەحانيزمىن اقاۋسىزداندىرۋى، پارتكومنىڭ (پارتگرۋپپا) نەگىزگى جاۋاپتى جولداستارى باستاماشى بولىپ، الدىڭعى شەپتە قولباسشىلىق ەتىپ، ءتۇيىندى مىندەتتەردى وزدەرى ورنالاستىرىپ، نەگىزگى ساتىعا ىشكەرىلەي ارالاسىپ، كوپ جاقتىڭ پىكىرىن قابىلداپ، كەڭ كولەمدە ورتاق تانىم قالىپتاستىرۋى، ءوز ورنىنىڭ قۇرىلىم ورنالاسۋى مەن فۋنكتسيالىق ورنالاسۋىندا ورىن تەپكەن ماسەلەلەرگە قانىق بولۋى، ءوز ورنىنىڭ قۇرىلىم رەفورماسىنداعى ءتۇرلى نەگىزدىك قىزمەتىنىڭ ۋاقىت كەستەسى مەن مىندەتتەمەسىن ايقىنداپ، ءبىر – بىرلەپ تياناقتاندىرۋدى مىقتى يگەرىپ، بۋىندار بويىنشا تىڭعىلىقتى ىلگەرىلەتۋى كەرەك.

    جالپى جاعداي تانىمىن ورناتىپ، ورنىقتى دامۋ جالپى جاعدايىن تياناق ەتە وتىرىپ تاراۋلاردىڭ قۇرىلىم رەفٶرماسىن جوبالاۋ كەرەك. ءارقايسى ورىن پارتكومى (پارتگرۋپپا) اۆتونوميالى وبلىستىڭ ورنىقتى دامۋ جالپى جاعدايىن شىعار ءتۇيىن ەتە وتىرىپ ماسەلەگە وي جۇگىرتىپ، اۆتونوميالى وبلىستىڭ پارتيا، ۇكىمەت قۇرىلىمدارى رەفورماسىنىڭ تۇلعالىق ورنالاستىرۋىن كوزدە ۇستاپ، رەفورما شارالارىن ءبىر تۇتاس جوسپارلاپ جانە وعان وي جۇگىرتىپ، ورتالىقتىڭ، اۆتونوميالى رايوننىڭ العا قويعان پارتيا، ۇكىمەت قۇرىلىمدارى رەفورماسىنىڭ كەلەلى شارالارىن جان – جاقتى ءتۇسىنىپ جانە دۇرىس يگەرىپ، ىلە اڭعارى تانىمىن جانە تاراۋ تانىمىن وڭاۋ كەرەك. رەفٶرمانى باتىلدىقپەن جوسپارلاپ، ورتالىقتىڭ، اۆتونوميالى رايوننىڭ رەفورما جونىندەگى قۇجات رۋحىنان اۋىتقىماي، رەفٶرماعا قاتىستى ءوز قۇرىلىمدارىنىڭ قۇرىلىم ورنالاستىرۋ، شتات سەپتەۋ، قىزمەت جاۋاپكەرلىگىن رەتتەۋ – بىرىكتىرۋ، مەملەكەت مەنشىگىندەگى مال – مۇلىكتى ءبولۋ سياقتى جاقتارداعى نەگىزگى جاعدايىن مۇقيات رەتتەۋ كەرەك.

جاۋاپتى رەداكتور: گۇلدەن ماقسات قىزى