مەيىر- شاپاعاتقا تولى اشىلىبۇلاق

  • كەلۋ قاينارى: ىلە گازەتى
  • 04:52:13 14/06/2018

 

    ىلە گازەتى مەكەمەسىنىڭ قىستاقتا تۇرۋ، «ەكىنى جاپپاي جالپىلاستىرۋ» قىزمەتىنەن ەستەلىك

    لي جيانپيڭ (ءوز ءتىلشىمىز)

    ىلە گازەتى مەكەمەسىنىڭ كادرى سۇڭ ۋي ۇستەگى جىلى 2 -ايدا «ۇعىسۋ، تيىمدىلىك جاساۋ، توعىستىرۋ» قيمىلى بويىنشا كۇنەس اۋدانىنىڭ بەستوبە اۋىلى اشىلىبۇلاق قىستاعىنا تۇسكەن ەدى. قازىر ول قىستاقتاعى بارلىق كوشەلەردى، ساي-سالانى، وتباسىلارىنىڭ جالپى جاعدايىن تولىق ءبىلىپ الدى.

    ءتىلشى 5 –ايدىڭ 23 - كۇنى اشىلىبۇلاق قىستاعىنا بارىپ، وسى قىستاقتاعى تۋىستىق قاتىناس ورناتقان تۋىسى حالەل ابلاحماننىڭ ءۇيىن ىزدەپ جۇرگەندە ءبىر ەرلى-زايىپتى مالشىنى كەزىكتىردى، ولار دەرەۋ ءتىلشىنىڭ جانىنا كەلىپ: «ءسىز كىمنىڭ تۋىسىسىز؟ ءبىز ءسىزدى باستاپ اپارايىق» دەيدى. ءتىلشى جاعدايىن ايتقاننان كەيىن ولار ءتىلشىنىڭ تۋىسىن تاۋىپ بەرۋگە كومەكتەسەدى. ءتىلشى وسى قاراپايىم ىستەن بۇل قىستاقتاعىلار مەن ىلە گازەتى مەكەمەسىندەگى كادرلاردىڭ ءبىر وتباسى ادامدارىنداي ەتەنە بولىپ كەتكەندىگىن تەرەڭ سەزىنەدى.

    ۇستەگى جىلى 2 -ايدىڭ 1 -كۇنى ىلە گازەتى مەكەمەسىنەن 6 كادر «ۇعىسۋ، تيىمدىلىك جاساۋ، توعىستىرۋ» قيمىلى بويىنشا اشىلىبۇلاق قىستاعىنا تومەنگە تۇسەدى. وسىعان سايكەس ىلە گازەتى مەكەمەسىندەگى باسقا كادرلار دا وسى قىستاققا بارىپ، «بەستە بىرگە بولۋ»، «ءۇشتى جەتكىزۋ» قىزمەتىن ورىستەتىپ، بۇقارانىڭ كوڭىلىندەگى ۇلگىلى كادرلارعا، سونداي-اق ولاردىڭ ەڭ جاقىن تۋىسىنا اينالدى.

    جاندى قيمىلدار ورىستەتىلدى

    5 –ايدىڭ 24 -كۇنى اشىلىبۇلاق قىستاعىندا جاڭبىر ارالاس قار جاۋىپ، جاسىل تۇسكە ەنگەن تاۋلار ءبىر تۇندە-اق اق كورپەگە ورانىپ، تەمپەراتۋرا كۇرت تومەندەدى. قار مەن جاڭبىر توقتاپ، كۇن اشىلعاننان كەيىن قىستاق تۇرعىندار كوميتەتىنىڭ باسكەتبول الاڭىندا قىزىعارلىق ءبىر مايدان باسكەتبول جارىسى وتكىزىلدى. قىستاقتا تۇراتىن قىزمەت اترەتىنىڭ مۇشەلەرى، قىستاق كادرلارى جانە بۇقارا بىرلەسىپ ءبىر گرۋپپا بولسا، ىلە گازەتى مەكەمەسىنەن بارعان كادرلار ءبىر گرۋپپا بولىپ، جارىسقا قاتىناستى. جارىس قىزۋ بەينەدە ءجۇرىلىپ جاتتى. جارىستى تاماشالاۋعا كەلگەن جۇرتشىلىق شاپالاق سوعىپ، ەكى گرۋپپاعا مەدەت بەردى، بۇل رەتكى جارىس - قىستاق تۇرعىندارى مەن كادرلاردىڭ دوستىق سۇيىسپەنشىلىگىن نىعايتتى.

    بيىل قىزمەت اترەتى مەن قىستاق «ەكى كوميتەتى» ىلە گازەتى مەكەمەسىمەن بىرگە اشىلىبۇلاق قىستاعىندا 10 رەتتەن استام قيمىل وتكىزدى. قىستاق تۇرعىندارى قىزمەت اترەتىندەگىلەر مەن تومەنگە تۇسكەن كادرلاردىڭ كومەگىندە مەملەكەتتىڭ ءتۇرلى ءتيىمدى ساياساتىنان حابارلى بولدى، سونداي-اق ولاردىڭ كوڭىل قويا جەتەكتەۋىندە مەملەكەت ءتىل، جازۋىن ۇيرەندى، مۇنىمەن قىستاق تۇرعىندارىنىڭ اۋقاتتانۋعا بولعان سەنىمى ءتىپتى دە ارتا ءتۇستى ءارى ۇلتتار ىنتىماعىنىڭ جىلۋلىعىن تەرەڭ سەزىندى، كادرلار دا بۇقارامەن بولعان بايلانىستى ونان ارى كۇشەيتىپ، قىستاق تۇرعىندارىنىڭ ويىن يگەرۋ، ولار ءۇشىن كوپتەپ جاقسى ءىس، ناقتى جۇمىس ىستەۋ جولىندا ىزدەنىس جاسادى.

جاۋاپتى رەداكتور: گۇلدەن ماقسات قىزى