شي جينپيڭ مەن پانامانىڭ زۇڭتۇڭى بارەلا ءوزارا قۇتتىقتاۋ حاتىن جولداپ، جۇڭگو مەن پانامانىڭ ديپلوماتيالىق قاتىناس ورناتقاندىعىنىڭ ءبىر جىلدىعىن قۇتتىقتادى

  • كەلۋ قاينارى: ىلە گازەتى
  • 03:30:09 15/06/2018

 

    شينحۋا اگەنتتىگىنىڭ 6 - ايدىڭ 13 - كۇنى بەيجيڭنەن بەرگەن حابارى. 6 - ايدىڭ 13 - كۇنى مەملەكەت ءتوراعاسى شي جينپيڭ مەن پانامانىڭ زۇڭتۇڭى حۋان كارلوس بارەلا ءوزارا قۇتتىقتاۋ حاتىن جولداپ، ەكى ەلدىڭ ديپلوماتيالىق قاتىناس ورناتقاندىعىنىڭ ءبىر جىلدىعىن قۇتتىقتادى.

    شي جينپيڭ قۇتتىقتاۋ حاتىندا مىنالاردى اتاپ كورسەتتى: بىلتىر 6 - ايدا جۇڭگو مەن پاناما رەسمي ديپلوماتيالىق قاتىناس ورناتىپ، ەكى ەل قاتىناسىنىڭ جاڭا ءداۋىرىن اشتى. بىلتىر 11 - ايدا ءسىز جۇڭگودا تابىستى مەملەكەتتىك ساپاردا بولدىڭىز، ءبىز جۇڭگو - پاناما قاتىناسىن جاپپاي دامىتۋ جونىندە بىرگە كەڭەستىك جانە جوسپار جاسادىق. ەكى جاقتىڭ دەن قويا ماپەلەۋىندە جۇڭگو - پاناما قاتىناسىن دامىتۋدىڭ وركەنى ءوسىپ، جەمىسى مولايىپ كەلەدى. اماليات: جۇڭگو مەن پانامانىڭ ديپلوماتيالىق قاتىناس ورناتۋى ەكى جاقتىڭ بيىكتە تۇرىپ، الىسقا كوز جىبەرۋ تۇرعىسىنان شىعارعان دۇرىس ساياسي تۇجىرىمى ەكەندىگىن، ەكى ەل حالقىنىڭ بىردەي قولداۋىنا يە بولعاندىعىن دالەلدەدى. مەن جۇڭگو - پاناما قاتىناسىنىڭ دامۋىنا وسكەلەڭ ءمان بەرەمىن، سىزبەن بىرگە قۇلشىنىپ، ءوزارا قۇرمەت ەتۋ، ىنتىماقتاسىپ تەڭ يگىلىككە كەنەلۋ، ورتاق دامۋ پرينسيبى بويىنشا، ءار سالا ءوزارا تيىمدىلىك جەتكىزۋ ىنتىماقتاستىعىن كۇشەيتىپ، جۇڭگو - پاناما قاتىناسىنىڭ قارىشتاپ دامىپ، ەكى ەلگە جانە ەكى ەل حالقىنا باقىت جاراتۋدى ءۇمىت ەتەمىن.

    بارەلا قۇتتىقتاۋ حاتىندا بىلاي دەدى: ءبىر جىلدان بەرى، پاناما مەن جۇڭگو ءداستۇرلى دوستىق جانە قازىرگى ىنتىماقتاستىق نەگىزىندە ماڭىزدى ورتاق تانىم قالىپتاستىرىپ، قوماقتى جەتىستىككە قول جەتكىزدى. مىنە وسىنداي جاعدايدا ەكى جاق ديپلوماتيالىق قاتىناس ورناتقاندىعىنىڭ ءبىر جىلعا تولۋىنداي تاريحي ءساتتى قارسى الدى. مەن پاناما - جۇڭگو قاتىناسىنىڭ باستاماسىن باستاۋعا تىكەلەي ات سالىسقانىما ماقتانىش ەتەمىن، پاناما - جۇڭگو قاتىناسىن ەڭ كەڭ كولەمدى سالادا كۇشەيتۋگە قىزۋ ىنتامەن ۇزدىكسىز كۇش سالامىن.

    («شينجياڭ گازەتىنەن»)

جاۋاپتى رەداكتور: گۇلدەن ماقسات قىزى