شي جينپيڭ ۋاعدا بويىنشا رەسەيدىڭ زۇڭتۇڭى پۋتينمەن تەلەفوندا سويلەستى

  • كەلۋ قاينارى: ىلە گازەتى
  • 07:05:53 19/06/2018

 

    شينحۋا اگەنتتىگىنىڭ 6 - ايدىڭ 15 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 6 - ايدىڭ 15 - كۇنى ۋاعدا بويىنشا رەسەيدىڭ زۇڭتۇڭى پۋتينمەن تەلەفوندا سويلەستى.

    شي جينپيڭ مىنالاردى اتاپ كورسەتتى: زۇڭتۇڭ مىرزا تاياۋدا جۇڭگودا ءساتتى مەملەكەتتىك ساپاردا بولدى ءارى شاڭحاي ىنتىماقتاستىق ۇيىمىنىڭ چيڭداۋ باسشىلار باس قوسۋىنا قاتىناسىپ، سۇبەلى ناتيجەگە قول جەتكىزدى. زۇڭتۇڭ مىرزامەن بولعان اراداعى تەرەڭ دوستىقتى، جۇڭگو - رەسەي قاتىناسىنىڭ تاماشا جاعدايىن بارىنشا قاستەرلەيمىن. جۇڭگو مەن رەسەيدىڭ ءوز ەلدەرىنىڭ دامۋىنىڭ شەشۋشى ساتىندە، دۇنيە ءجۇزىنىڭ جاعدايىندا جانە قولامتالى ماسەلەلەردە كۇردەلى وزگەرىستەر جارىققا شىققان ماڭىزدى كەزەڭدە ەكەۋىمىز دەر كەزىندە تىلدەسىپ، جۇڭگو مەن رەسەي ءبىرىن ءبىرى بەرىك، ورنىقتى سۇيەنىش ەتىپ، ءوزارا تاباندى، پارمەندى قولداۋ كورسەتىپ، ەكى ەلدىڭ يەلىك ۇقىعىن، حاۋىپسىزدىگىن، دامۋ مۇددەسىن، ءوڭىردىڭ جانە دۇنيە ءجۇزىنىڭ بەيبىتشىلىگىن، ورنىقتىلىعىن، ءادىل، تۋراشىلدىعىن قورعادىق. زۇڭتۇڭ مىرزامەن بىرگە جۇڭگو مەن رەسەيدىڭ جان - جاقتى ستراتەگيالىق سەلبەستىك سەرىكتەستىك قاتىناسىنىڭ باياندى، ورنىقتى، جوعارى دەڭگەيدە دامۋىنا جەتەكشىلىك ەتۋدى قالايمىن.

    شي جينپيڭ رەسەيدەگى الەمدىك فۋتبول ساۋىتىنا تالاسۋ جارىسىنىڭ جەڭىسپەن باستالعانىن قۇتتىقتاپ، وسى كەزەكتى الەمدىك فۋتبول ساۋىتىنا تالاسۋ جارىسىنىڭ رەسەيدىڭ دەن قويا ۇيىمداستىرۋىندا تابىستى بولۋىن تىلەدى.

    پۋتين شاڭحاي ىنتىماقتاستىق ۇيىمىنىڭ چيڭداۋ باسشىلار باس قوسۋىنىڭ ءتوراعا شي جينپيڭنىڭ باسقارۋىندا تابىستى بولعانىن تاعى دا قۇتتىقتاپ، جۇڭگونىڭ ىقىلاسپەن كۇتىپ العانىنا العىس ايتتى. پۋتين بىلاي دەدى: تاياۋدا جۇڭگودا ءساتتى مەملەكەتتىك ساپاردا بولىپ، ءتوراعا شي جينپيڭمەن رەسەي مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قاتىناسىنىڭ مۇنان دا زور دامۋشىلىققا قول جەتكىزۋىن ىلگەرىلەتۋ جونىندە ماڭىزدى ورتاق تانىمعا كەلدىم. ءتوراعا شي جينپيڭمەن بولعان اراداعى جەكە دوستىقتى ايرىقشا قاستەرلەيمىن. ءتوراعا شي جينپيڭمەن ۇزدىكسىز تىلدەسىپ تۇرۋدى قالايمىن. ءتوراعا شي جينپيڭنىڭ باسشىلىعىندا جۇڭگونىڭ دامۋىنىڭ اناعۇرلىم ۇلى ناتيجەگە قول جەتكىزۋىن شىن نيەتپەن تىلەيمىن.

    («شينجياڭ گازەتىنەن»)

جاۋاپتى رەداكتور: گۇلدەن ماقسات قىزى