قورعاس ورتاسى كورىكتى، حالقى باي ـ باقىتتى اۋىل ـ قىستاق قۇرۋدا

  • كەلۋ قاينارى: ىلە گازەتى
  • 07:07:56 19/06/2018

 

      _پارتيا 19- قۇرىلتايى رۋحىنىڭ ىلەدە دايەكتى تياناقتانۋ جونىندەگى جەلىلەس حابار(2)

    كاميلا قالمۇرات (ءوز ءتىلشىمىز)

 

    «جاقىنعى جىلداردان بەرى ءبىز سىگۇڭ قىستاعىنىڭ وزگەشە جاعراپيالىق ابزالدىعىنان پايدالانىپ، جۇپار ءشوپ بايلىعىن بارىنشا اشىپ، سىگۇڭ قىستاعىن جۇپار ءشوپ قىستاعى ەتىپ قۇرىپ شىقتىق. بيىل پارتيا 19- قۇرىلتايى بايانداماسىندا ورتاعا قويىلعان اۋىل ـ قىستاقتى كوركەيتۋ ستىراتەگياسىن توڭىرەكتەي وتىرىپ، ەرەكشە ەگىمشىلىك پەن ەرەكشە ساياحاتتى كۇش سالا دامىتىپ، كاسىپ تىزبەگىن كەڭەيتىپ، قىستاق تۇرعىندارىن جۇپار ءشوپ كاسىبى الا كەلگەن ناقتى تيىمدىلىكتەن شىنايى يگىلىكتەندىردىك» دەدى. قورعاس اۋدانى لۋساۋگۋ قالاشىعى سىگۇڭ قىستاعى پارتيا ياچەيكاسىنىڭ شۋجيى پان لين 6- ايدىڭ 12- كۇنى تىلشىگە ءبىر تۇلعالى، كوپ نەگىزدى كاسىپتى دامىتۋ ۇلگىسىن تانىستىرعاندا. سىگۇڭ قىستاعىنداعى «جەيۋ حانشا» جۇپار ءشوپ ەگىس الاڭىنان جايقالىپ ءوسىپ، جەلمەن تولقىعان جۇپار ءشوپ كورىنىسىنەن ءلاززات الىپ، سۋرەتكە الىپ جۇرگەن ساياحاتشىلاردى كوردىك.

    بۇرىن سىگۇڭ قىستاعى جۇگەرى، قىزىلشا ەگىمشىلىگىن نەگىز ەتەتىن، قىستاق «ەكى كوميتەتى» مەن بىرنەشە رەتكى قىزمەت اترەتىنىڭ بەلسەنە ىزدەنىس جاساپ، جەتەكشىلىك ەتۋىندە ديقاندار جۇپار ءشوپ ەگۋ كولەمىن بىرتىندەپ كەڭەيتىپ، ونى جىنتىكتەي مانەرلەۋ كاسىبىن دامىتىپ، كۇلگىن ءتۇستى ەكونوميكالىق بەلدەۋ قالىپتاستىردى. 2018- جىلى تۇتاس قىستاق بويىنشا جۇپار ءشوپ ەگىلگەن جەر كولەمى 10 مىڭ مۋعا جەتتى.

    سىگۇڭ قىستاعىنداعى جۇپار ءشوپ ەگىمشىلىگىمەن شۇعىلداناتىن ءىرى وتباسى ما ليڭفەي تىلشىگە قىستاق كادرلارىنىڭ جەتەكشىلىگىندە ءوزىنىڭ ءبىرقانشا ديقانعا باستاماشىلىق ەتىپ، جۇپارءشوپ ەگىمشىلىگى كاسىپتىك سەلبەستىك كووپەراتيۆىن قۇرىپ، شينجياڭنىڭ ءىشى ـ سىرتىنداعى كاسىپورىنداردى قارجى قوسۋعا باۋراپ، جۇپار ءشوپ كاسىپ تىزبەگىن كەڭەيتىپ، كورىنىس تاماشالاۋ، شارۋالار ساياجايى، اس ـ سۋ سىندى كاسىپتەرمەن بىرلەستىرىپ، «كۇلگىن ءتۇستى ساياحاتتى» كۇش سالا دامىتقاندىعىن؛ جۇپارءشوپ ەگىمشىلىگى تاعى سول ماڭداعى ەگىنشىلەردى كاسىپتەندىرگەنىن، ورىپ الاتىن مەزگىلىنەن بۇرىن كوپتەگەن قىستاق تۇرعىندارىنىڭ سەلبەستىك كووپەراتيۆىنە جۇمىس ىستەۋگە تىزىمدەلگەنىن ايتتى.

    جۇپار شوپتەن تىس، سەلبەستىك كووپەراتيۆىمىز تاعى داماسكى روزا گۇلىن ەنگىزىپ، ونى جيىنى 260 مۋ جەرگە ەكتى، بيىل تاعى اتىرگۇل مايىن ايىرۋ جابدىعىن ەنگىزدىك، بۇدان كەيىن ءوزىمىز ەگىپ، ءوزىمىز ايىرىپ، توراپ تەكشەلەرى ارقىلى ءونىمدى تانىستىرىپ، ءتىپتى دە كوپ ەكونوميكالىق ونىمدىلىك جاراتامىز»-دەدى ما ليڭفەي.

جاۋاپتى رەداكتور: گۇلدەن ماقسات قىزى